§ 1. Ilisarnaat katussaq tassaavoq ilisarnaat arlaliussaq imaluunniit qularnaveerutitut ilisarnaat. 

Imm. 2. Ilisarnaat arlaliussatut katussaq immikkut ittumik ilisarnaasiaavoq inuutissarsiutitut ingerlassisut peqatigiiffiannit pigineqartoq, aammalu peqatigiiffiup ilaasortaanit nioqqutissanut imaluunniit sullissinernut atorneqartoq imaluunniit atorniarneqalersaartoq. 

Imm. 3. Qularnaveerutitut ilisarnaat immikkut ilisarnaasiaavoq inummit inatsisinik immikkut paasisimasalimmit, nioqqutissanut imaluunniit sullissinernut, nakkutilliinermi tunngaviusunut, imaluunniit malittarisassiuussanut tunngatillugu nakkutiginnittuusumit imaluunniit malittarisassanik aalajangersaasartumit pigineqartoq. 

§ 2. Nioqqutit ilisarnaataat pillugit inatsimmi maleruagassiat ilisarnaatinut katussanut atortuutinneqassapput qanoq-ittuussusii malillugit atorneqarsinnaassusiat naapertorlugu, kinguliini aalajangersakkani allatut allassimasoqanngippat. 

§ 3. Ilisarnaatit imaluunniit taaguutit, tuniniaanermi nioqqutissat imaluunniit sullissinerit nunap ilaani sumi pinngorfeqarnerannik ersersitsisutut atorneqartut nioqqutit ilisarnaataat pillugit inatsimmi § 13-imi, imm. 2, nr. 1, allassimasut apeqqutaatinnagit katussatut ilisarnaataapput. Ilisarnaammik piginnittuusoq inuup pingajuusup tuniniaanermi ilisarnaatinik taaguutinilluunniit taamaattunik atuinissaanut inerteqquteqartussaatitaanngilaq, taamaattut niuernermi pissusissamisoortumik ileqquusut naapertorlugit atorneqassappata. Ilisarnaat pingaartumik inummut pingajuusumut nunap ilaani aalajangersimasumi taaguutissaatitaasumik atuisinnaatitaasumut inerteqqutiginiarneqarsinnaanngilaq. 

§ 4. Ilisarnaatit katussat ilisarnaatinut katussanut nalunaarsuisarfimmi nalunaarsorneqassapput.

Imm. 2. Ilisarnaammik katussamik nalunaarsuisitsinissamik qinnuteqaat imaqassaaq paasissutissanik nioqqutit ilisarnaataat pillugit inatsimmi § 12-imi allassimasunik, aammalu aalajangersakkat ilisarnaammik atuinissaq pillugu aalajangersarneqartut tassani taaneqassapput. 

Imm. 3. Industriministeri qinnuteqartarneq, salliutitaanissamut piginnaatitaanissat, tak. nioqqutit ilisarnaataat pillugit inatsimmi §§ 18 aamma 19 ilisarnaatit katussat nalunaarsorneqartarnerat piiarneqartarnerallu, nalunaarsuisarnerup aaqqissuunneqarnera allattmsarnerlu nalunaarsuinernik il.il. tamanut saqqummiussineq aammalu qinnuteqaatinik tunniussinissaq aalajangiiffiginniniartarnerlu, sullissinerit, nuutiterinerit il. il. pillugit erseqqinnerusunik maleruagassiussaaq.

§ 5. Piginnittuusup ilisarnaammik atuineq pillugu aalajangersakkani kingusinnerusukkut allannguutit Patentdirektoratimut nalunaarutlgissavai allannguutit pineqartut akuersissutigineqareerneranniit kingusinnerpaamik qaammatit pingasut qaangiuppata.

§ 6. Ilisarnaammik katussamik nalunaarsukkamik allanut tunniussineq nalunaarsuiffimmi eqqaamasassiatut allanneqarsinnaavoq ilisarnaat allanut tunniunneqareernermigut putusaarutaassangatinneqanngippat.

§ 7. Nioqqutit ilisarnaataat pillugit inatsimmi § 25 ilisarnaatinut katussanut atortuutinneqassaaq imm. 2 naapertorlugu ilassutitalerlug

Imm. 2. Makku aamma nioqqutit ilisamaataat pillugit § 25-mi, imm. 1, naapertorlugu atuinertulli naatsorsuunneqassapput:

1) Ilisarnaatip arlalinnit katussap inuutissarsiummik ingerlatsisumit minnerpaamik ataatsimit, ilisarnaammik atuinissamut piginnaatitaasumit, atorneqarnera.

2) Qularnaveerutitut ilisarnaatip inuutissarsiummik ingerlatsisumit minnerpaamik ataatsimit piginnittuusumiit akuerineqarnikkut atorneqarnera.

§ 8. Ilisarnaammik katussamik nalunaarsuineq atorunnaarsinneqarsinnaavoq

1) pissutsit nioqqutit ilisarnaataaat pillugit inatsimmi § 28-mi taaneqai;tunut naapertuuttut pissutissaappata,

2) ilisarnaat inuiaqatigiit soqutigisaannut nalinginnaasunut akerliuppat imaluunniit

3) piginnittuusoq aalajangersakkani ilisarnaammik atuineq pillugu aalajangersarneqartuni allannguutinik nalunaaruteqarsimanngippat.

§ 9. Ilisarnaammik katussamik nikanarsaaneq pillugu suliassaq ilisarnaammik atuisinnaatitaasumit taamaallaat eqqartuussisulersuussassanngortinneqarsinnaavoq. Kinaluunniit ilisarnaammik katussamik nikanarsaasoq, aammalu nioqqutit ilisarnaataat pillugit inatsit malillugu taarsiissuteqartussaasoq, ajoqusikkamut ilisarnaammik piginnittuusumut imaluunniit ilisarnaammik atuisinnaatitaasunut sunniuteqarsimasussamut taarsiissuteqartussaavoq.

§ 10. Industriministerip inatsit malillugu pisussaaffini Patentdirektoratimut nuussimappagit, ministeri naammagittaalliorsinnaaneq, ilanngullugu naammagittaalliuutit pisortanut oqartussaasunut qulliunerusunut ingerlateqqinneqarsinnaannginnerat, pillugu maleruagassanik aalajangersaasinnaavoq.

§ 11. Inatsit atortuulissaaq 1. januar 1992-imiit, tamatumalu peqatigisaanik atorunnaassaaq ilisarnaatit katussat pillugit inatsit, tak. inatsimmik nalunaarut nr. 250 17. april 1989-imeersoq.

Imm. 2. Pisortaaffiginninnermut tunngasutigut maleruagassiat, ilisarnaatit katussat pillugit inatsit naapertorlugu aalajangersarneqartut, tak. imm. 1, atortuutiinnarneqarssapput inatsit manna malillugu peqqussusianik taarserneqarnissamik tungaanut.

Imm. 3. Ilisarnaatit katussat, 31. december 1991 sioqqullugu nalunaarsukkat, pillugit § 7 malillugu ukiunik 5-inik piffissarititaasoq, tak. nioqqutit ilisarnaataat pillugit inatsimmi § 25, aatsaat aallarnerneqassaaq 1. januar 1992-imiit.

§ 12. Qinnuteqaatit, inatsisip atortuulersinneqarneratigut aalajangersakkat maannamut atuuttut naapertorlugit nalunaarutigineqanngitsut, inatsimmi matumani aalajangersakkat malillugit aalajangiiffiginiarneqassapput.

§ 13. lnatsit atuutinngilaq Savalimmiunut aammalu Kalaallit Nunaannut, kisiannili kunngip peqqussutaatigut Savalimmiunut Kalaallit Nunaannullu atortuulersinneqarsinnaavoq Savalimmiuni Kalaallit Nunaannilu pissutsit immikkut ittut tunngavigalugit allannguutitalerlugu. 

Tunniunneqarput Christiansborg Slot-imi, ulloq 6. juni 1991

Kunngiussutitsinnik Atsiorpugut Naqissusiillutalu

MARGRETHE R.