2027-mut aningaasanut inatsisissamut siunnersuutip kiisalu 2027-mut nuna tamakkerlugu akileraarutip aamma nuna tamakkerlugu immikkut akileraarutip akuersissutiginissaanut killigititat sivitsorneqarnerat pillugit Inatsisartut inatsisaat.
§ 1. Naalakkersuisut ukioq aningaasanut inatsisiliorfiusoq sioqqullugu aningaasanut inatsisissaq kingusinnerpaamik ulloq 16. november inaarutaasumik akuersissutiginissaa siunertaralugu Inatsisartunut saqqummiutissavaat.
Imm. 2. Nuna tamakkerlugu akileraarummut procenti atugassaq qaammatisiutit malillugit ukioq akileraarfiusoq sioqqullugu kingusinnerpaamik ulloq 16. november Inatsisartut aalajangissavaat.
Imm. 3. Nuna tamakkerlugu immikkut akileraarummut procenti atugassaq qaammatisiutit malillugit ukioq akileraarfiusoq kingusinnerpaamik ulloq 16. november Inatsisartut aalajangissavaat.
§ 2. Inatsisartut inatsisaat manna tamanut saqqummiunneqarnerata aqaguani atuutilissaaq. Inatsit 31. december 2026-p tungaanut atuutissaaq.
Namminersorlutik Oqartussat, ulloq 13. novembari 2026.
Jens Frederik Nielsen
Naalakkersuisut Siulittaasuat