Susassaqarfiit agguataarnerat pillugu kaajallaasitaq (Suliassaqarfiit agguataarnerat)
Inatsisartut Naalakkersuisullu pillugit Inatsisartut inatsisaanni nr. 26, 18. november 2010-meersumi § 23, imm. 1, naapertorlugu aalajangersarneqarput:
Kapitali 1
Susassaqarfiit agguataarnerat il.il.
Aalajangersakkat nalinginnaasut
§ 1. Naalakkersuisut Siulittaasuata Naalakkersuisunut ilaasortat akornanni suliassaqarfiit, kaajallaasitami matumani aalajangersarneqartutut, agguataarpai.
Imm. 2. Naalakkersuisunit Naalakkersuisumut piginnaatitsineq kaajallaasitap matuma atulersinnissaa sioqqullugu Naalakkersuisunit aalajangiiffigineqartoq tamatuminnga sunnerneqanngilaq. Piginnaatitsissutit Naalakkersuisut allamik aalajangiinissaasa tungaannut atuutissapput.
Naalakkersuisut
§ 2. Naalakkersuisut Siulittaasuat: Jens-Frederik Nielsen, Demokraatit.
1) Naalakkersuisut Siulittaasuata Naalakkersuisoqarfia.
Imm. 2. Aningaasaqarnermut Naalakkersuisoq: Aqqaluaq B. Egede, Inuit Ataqatigiit.
2) Aningaasaqarnermut Akileraartarnermullu Naalakkersuisoqarfik
Imm. 3. Avatangiisinut, Pinngortitamut, Nukissiuutinut Ilisimatusarnermullu Naalakkersuisoq: Jørgen Rosbach, Demokraatit.
1) Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik
Imm. 4. Nunanut Allanut, Inuussutissarsiornermut Aatsitassanullu Naalakkersuisoq: Múte B. Egede, Inuit Ataqatigiit.
1) Naalakkersuisut Siulittaasuata tullia.
2) Nunanut Allanut Naalakkersuisoqarfik.
3) Inuussutissarsiornermut Aatsitassanullu Naalakkersuisoqarfik.
Imm. 5. Ilinniartitaanermut, Kultureqarnermut, Timersornermut Ilageeqarnermullu Naalakkersuisoq: Nivi Olsen, Demokraatit.
1) Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik.
Imm. 6. Aalisarnermut, Piniarnermut, Nunalerinermut Imminullu Pilersornermut Naalakkersuisoq: Peter Borg, Demokraatit.
1) Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik.
Imm. 7. Meeqqanut, Inuusuttunut, Inatsisit Atuutinneqarnerannut Naligiisitaanermullu Naalakkersuisoq: Mariane Paviasen Jensen, Inuit Ataqatigiit.
1) Meeqqanut, Inuusuttunut Inatsisinut Atuutsinneqarnerannut Naligiissitaanermullu Naalakkersuisoqarfik.
Imm. 8. Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq: Maritha Broberg, Atassut.
1) Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfik.
Imm. 9. Peqqissutsimut inunnullu Innarluutilinnut Naalakkersuisoq: Anna Wangenheim, Demokraatit.
1) Peqqissutsimut inunnullu Innarluutilinnut Naalakkersuisoqarfik.
Imm. 10. Attaveqaasersuutinut, Ineqarnermut Isorliunerusunut Upalungaarsimanermullu Naalakkersuisoq: Iddimanngiiu Jensen Bianco.
1) Attaveqaasersuutinut, Ineqarnermut Isorliunerusunut Upalungaarsimanermullu Naalakkersuisoqarfik.
Naalakkersuinikkut agguataarineq
§ 3. Susassaqarfinnik naalakkersuinikkut agguataarineq kapitali 2-miit 11-mut takuneqarsinnaavoq.
Kapitali 2
Naalakkersuisut Siulittaasuat
Naalakkersuisut Siulittaasuata Naalakkersuisoqarfia
§ 4. Naalakkersuisut Siulittaasuata Naalakkersuisoqarfiata suliassaqarfiit makkua isumagisarai:
1) Naalakkersuisut allattoqarfimmi sullinneqarnerat.
2) Naalakkersuinermik ataqatigiissaarineq.
3) Ingerlatseqatigiiffinnut Allattoqarfik.
4) Inatsisit pitsaassusaannik misissuisarneq, aalajangersaasarneq atuutilersunillu nalunaarutiginnittarneq.
5) Tunngaviusumik inatsiseqalernissamut immikkoortortaqarfik aamma inatsimmut tunngaviusumut susassaqarfiit.
6) Suliassaqarfiit akimorlugit Aqutsineq, HR-imi ineriartortitsineq Qitiusumilu sulisoqarnermut politikki.
Immikkoortortat ataaniittut
§ 5. Naalakkersuisut Siulittaasuata Naalakkersuisoqarfiata ataaniipput, inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Danmark-imi Kalaallit Nunaata sinniisoqarfia.
2) Digitalinngortitsinermut Aqutsisoqarfik.
3) Inussuk IT.
Kapitali 3
Aningaasaqarnermut Naalakkersuisoq
Aningaasaqarnermut Naalakkersuisoqarfik
§ 6. Aningaasaqarnermut Naalakkersuisoqarfiup suliassaqarfiit makkua isumagisarai:
1) Aningaasarsiornikkut naalakkersuineq aningaasaqarnermullu naalakkersuineq.
2) Akileraartarnermut akitsuusiisarnermullu naalakkersuineq.
3) KNI A/S-imut kiffartuunneqarnissamut isumaqatigiissutit.
4) Nunaqarfinni isorliunerusunilu aningaaseriveqarnermik pilersuineq.
5) Nuna tamakkerlugu pilersaarusiorneq.
Immikkoortortat ataaniittut
§ 7. Aningaasaqarnermut Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Akileraartarnermut Aqutsisoqarfik (AKA).
2) Aningaasaqarnermut Sulisoqarnermullu Aqutsisoqarfik (ASA).
3) Kalaallit Nunaanni Naatsorsueqqissaartarfik.
Kapitali 4
Avatangiisinut, Pinngortitamut, Nukissiuutinut Ilisimatusarnermullu Naalakkersuisoq
Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfik
§ 8. Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfiup suliassaqarfiit makkua isumagisarai:
1) Pinngortitamik allanngutsaaliuineq.
2) Avatangiisit.
3) Silap pissusaanut naleqqussaaneq aamma silap pissusaani anguniakkat.
4) Nukimmik, imermik kiassarnermillu pilersuineq, ilanngullugit nukissiornermut suliassaqarfimmut pilersaarutit ataavartumillu nukissiuutit.
5) Ilisimatusarneq.
Immikkoortortat ataaniittut
§ 9. Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Aatsitassanik Suliassaqarfinnut Avatangiisinut Aqutsisoqarfik.
2) Asiaq, Kalaallit Nunaanni Misissueqqaarnerit.
Immikkoortortaq nammineertitat
§ 10. Avatangiisinut, Pinngortitamut, Nukissiuutinut Ilisimatusarnermullu Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Nukissiorfiit.
2) Pinngortitaleriffik.
Kapitali 5
Nunanut Allanut, Inuussutissarsiornermut Aatsitassanullu Naalakkersuisoq
Nunanut Allanut Naalakkersuisoqarfik
§ 11. Nunanut Allanut Naalakkersuisoqarfiup suliassaqarfiit makkua isumagisarai:
1) Pisortatigoortumik tikeraarnerit.
2) Kalaallit Nunaata nunani allani sinniisoqarfii.
3) Kalaallit Nunaata nunanut allanut sillimaniarnermullu politikkia.
4) Issittumi suleqatigiinnermik pingaarnertigut ataqatigiissaarineq.
Inuussutissarsiornermut Aatsitassanullu Naalakkersuisoqarfik
§ 12. Inuussutissarsiornermut Aatsitassanullu Naalakkersuisoqarfiup suliassaqarfiit makkua isumagisarai:
1) Ataatsimut isigalugu inuussutissarsiutinik siuarsaanerup, inuussutissarsiornerup aaqqissuussaanerata, takornariaqarnerup, sermip erngullu iluanni inuussutissarsiornermik naalakkersuineq.
2) Nunami namminermi nunanilu tamalaani niuernermut politikki, ilanngullugit niuernermut isumaqatigiissutit.
3) Suliniutinut annertuunut sinaakkutissatut atugassarititaasut.
4) Annertuunik ingerlataqarnermut tunngatillugu inuiaqatigiinni piujuaannartitsisumik ingerlatsineq.
5) Unammilleqatigiinnermut atuisoqarnermullu politikki.
6) Avammut nioqquteqarnissamut akuersissutit (aatsitassanut ikummatissanullu inatsit naapertorlugu avammut annissinissamut akuersissutit ilanngunnagit).
7) Aatsitassat pillugit naalakkersuineq, ilanngullugit nunani tamalaani nittarsaassisarnerit aamma inuiaqatigiinni piujuaannartitsisumik ingerlatsineq.
8) Aatsitassanut ikummatissiassanullu suliassaqarfimmi nunap sannai pillugit qarasaasiatigut paasissutissaasiviit.
9) Ujarassiorit.
Immikkoortortat ataaniittut
§ 13. Inuussutissarsiornermut Aatsitassanullu Naalakkersuisoqarfiup immikkoortortat atiminiittut makkua isumagisarai, tassani inatsimmi allamik aalajangersaasoqarsimatinnagu Naalakkersuisoqarfimmut oqartussaanerusumut naammagittaalliortoqarsinnaalluni:
1) Atuisoqarnermut Unammilleqatigiinnermullu Aqutsisoqarfik (AUA).
Kapitali 6
Ilinniartitaanermut, Kultureqarnermut, Timersornermut Ilageeqarnermullu Naalakkersuisoq
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
§ 14. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup suliassaqarfiit makkua isumagisarai:
1) Meeqqat atuarfiat.
2) Atualertussat.
3) Atuarfiit namminersortut.
3) Efterskolit.
4) Atuarfiit immikkut ittut.
5) Folkehøjskolit.
6) Ilinniarnertuunngorniarfiit.
7) Ingerlaqqiffiusumik ilinniarfiit ilisimatusartutullu ilinniarfiit.
8) Inuussutissarsiutinut ilinniarfiit.
9) Nuna Tamakkerlugu qitiusumik Ilitsersuisarfik (AQQUT).
10) Danmarkimi Kalaallit Illui.
11) Ilinniartitaaneq pillugu EU-lu peqatigiinnissamik isumaqatigiissut.
12) Kulturimut tunngasut, ilanngullugit eqqumiitsuliortutut ingerlatsisut.
13) Sunngiffimmi sammisassaqartitsineq.
14) Nunatta Atuagaateqarfia.
15) Timersorneq.
16) Oqaatsit pillugit naalakkersuinikkut ingerlatsineq.
17) Radio aamma TV.
18) Katersugaasiveqarneq Toqqorsiveqarnerlu.
19) Kulturikkut kingorngussat illersornissaat aamma UNESCO.
20) Ilagiit, ilanngullugit iliveqarfiit ilisisarnerillu.
21) Inuit aqqi.
Immikkoortortat ataaniittut
§ 15. Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Ilinniartitaanermut Aqutsisoqarfik.
Kapitali 7
Aalisarnermut, Piniarnermut, Nunalerinermut Imminullu Pilersornermut Naalakkersuisoq
Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik
§ 16. Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik makkuninnga immikkoortoqarpoq suliassaqarfeqarlunilu:
1) Aalisarnermut politikki, ilanngullugit aalisakkanit isumalluutit, qaleruallit ilanngullugit, illersorneqarnissaannut atorneqartarnerinullu naalakkersuinikkut ingerlatsineq.
2) TAC pisassiissutillu.
3) Piniarnermut aallaaniarnermullu politikki, ilanngullugit imaani uumasut miluumasut illersorneqarnerannut atorluarneqarnerannullu politikki.
4) Akiliisitsilluni piniartitsisarneq aamma akiliisitsilluni aalisartitsisarneq.
5) Aalisarneq, piniarneq aallaaniarnerlu pillugit nunarsuup immikkoortuini, illugiillunilu nunat akornanni aammalu nunat tamalaat akornanni isumaqatigiissutit, ilanngullugit imaani uumasut miluumasut.
6) Uumasunut nakorsaqarnermut inuussutissalerinermullu suliassaqarfik, ilanngullugit Kalaallit Nunaanni Uumasunut Nakorsaqarnermut Inuussutissalerinermilu Oqartussaqarfik (UNIO) Aamma Danmarkimi uumasunut nakorsaqarnermut inuussutissalerinermilu oqartussaqarfiup suleqatigineqarnera (neqinik aalisakkanillu tunisassianik avammut nioqqutigineqartartunik misissuisarneq).
7) Nunalerinermi naalakkersuinikkut ingerlatsineq, ilanngullugit savaateqarneq, nersutaateqarneq tuttuuteqarnerlu.
8) Nunalerinermut sammisunik inuussutissarsiutinik siuarsaaneq.
9) Pilersuineq, ilanngullugu inuussutissanik imminut pilersorneq.
Immikkoortortat ataaniittut
§ 17. Aalisarnermut, Piniarnermut, Nunalerinermut Imminullu Pilersornermut Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Kalaallit Nunaanni Aalisarnermut Piniarnermullu Nakkutilliisoqarfik (KANUAPNA).
Kapitali 8
Meeqqanut, Inuusuttunut, Inatsisit Atuutinneqarnerannut Naligiisitaanermullu Naalakkersuisoq
Meeqqanut, Inuusuttunut, Inatsisit Atuutinneqarnerannut Naligiisitaanermullu Naalakkersuisoqarfik
§ 18. Meeqqanut, Inuusuttunut, Inatsisit Atuutinneqarnerannut Naligiisitaanermullu Naalakkersuisoqarfiup suliassaqarfiit makkua isumagisarai:
1) Meeqqat inuusuttullu ajornartorsiutillit.
2) Ilaqutariit meerartallit.
3) Ilaqutariinnermut suliassaqarfimmi pitsaaliuineq.
4) Meeqqanut inuusuttunullu isumaginninnermut suliassaqarfik.
5) Meeqqat illersuisuat meeqqallu pillugit siunnersuisoqatigiit.
6) Ilaqutariinnermut inatsisit.
7) Naligiissitaanermut suliassaqarfik.
8) Inatsisit Atuutinneqarnerat.
Immikkoortortat ataaniittut
§ 19. Meeqqanut, Inuusuttunut, Inatsisit Atuutinneqarnerannut Naligiisitaanermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Isumaginninnermut Aqutsisoqarfik.
Immikkoortortaq nammineertitat
§ 20. Meeqqanut, Inuusuttunut, Inatsisit Atuutinneqarnerannut Naligiisitaanermullu Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Kalaallit Nunaanni Meeqqat pisinnaatitaaffiinut sullissivik (MIO) aamma meeqqanik illersuisoq.
2) Isumaginninnermi nakkutilliisut arlaannaannulluunniit attuumassuteqanngitsut.
3) Kommuninut nakkutilliisoqarfik.
Kapitali 9
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoq
Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfik
§ 21. Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfiup suliassaqarfiit makkua isumagisarai:
1) Inersimasut isumaginninnikkut ajornartorsiutillit.
2) Utoqqaat.
3) Inuit pisinnaatitaaffii.
4) Suliffeqarnermik naalakkersuinikkut ingerlatsineq pilersaarusiornerlu.
5) Nunatsinni Suliffeqarnermut Siunnersuisoqatigiinnik allatseqarfittut sullissineq.
6) Nunani allamiunut tunngasut, ilanngullugit najugaqarnissamut sulisinnaanissamullu akuersissutit.
7) Kommuninik nakkutilliisut.
8) Nunani avannarlerni Soraarnerussutisiat.
9) Nunamut namminermut suliassaqarfik.
Immikkoortortaq nammineertitat
§ 22. Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Utoqqaat pillugit oqaaseqartartoq.
Kapitali 10
Peqqissutsimut inunnullu Innarluutilinnut Naalakkersuisoq
Peqqissutsimut inunnullu Innarluutilinnut Naalakkersuisoqarfik
§ 23. Peqqissutsimut inunnullu Innarluutilinnut Naalakkersuisoqarfiup suliassaqarfiit makkua isumagisarai:
1) Peqqissutsimut politikki, ilanngullugit peqqinnissaqarfiup aqunneqarnera aaqqissugaaneralu.
2) Peqqinnissakkut sullissineq, ilanngullugu kigutilerineq.
3) Atornerluinermik akiuiniarneq, ilanngullugit imigassat aalakoornartullit, tupa pujortartarnerlu kiisalu pinngitsuuisinnaajunnaarsimasunik katsorsaasarneq.
4) Innarluutillit, ilanngullugu innarluutillit illersuisuat.
Immikkoortortat ataaniittut
§ 24. Peqqissutsimut inunnullu Innarluutilinnut Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Peqqinnissamut Aqutsisoqarfik.
2) Allorfik – Pinngitsuuisinnaajunnaarsimasunik katsorsaasarneq.
Immikkoortortaq nammineertitat
§ 25. Peqqissutsimut inunnullu Innarluutilinnut Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:
1) Nunatta Nakorsaaneqarfia (NUN).
2) Tilioq – Inuit Innarluutillit illersuisuat.
Kapitali 11
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoq
Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik
§ 26. Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfiup suliassaqarfiit makkua isumagisarai:
1) Ineqarneq Illuuteqarnerlu.
2) Sanaartorneq.
3) Sanaartornermut oqartussaaneq.
4) Attaveqaasersuutit.
5) Angallanneq.
6) Nunaqarfinnut isorliunerusunullu suliassaqarfimmut pilersaarutit.
7) Upalungaarsimaneq.
Immikkoortortat ataaniittut
§ 27. Attaveqaasersuutinut, Ineqarnermut, Isorliunerusunut Upalungaarsimanermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:
1) Nalunaarasuartaateqarnermi Aqutsisut aamma Radio-nik Nakkutilliivik.
Kapitali 12
Atuutilernera
§ 28. Kaajallaasitaq manna ulloq 14. april 2026 atuutilerpoq.
Imm. 2. Peqatigisaanik Susassaqarfiit agguataarnerat pillugu kaajallaasitaq (Suliassaqarfiit agguataarnerat) pillugu kaajallaasitaq nr. 12, 26. marts 2026-meersoq atorunnaarsinneqarpoq.
Naalakkersuisut Siulittaasuata Naalakkersuisoqarfia, ulloq 14. april 2026
Jens-Frederik Nielsen (atsior.)
Naalakkersuisut Siulittaasuat
/ Hans-Peder Barlach Christensen (atsior.)