Nioqqutissanik eqqussuineq annissuinerlu pillugit Inatsisartut inatsisaata allanngortinneqarneranik Inatsisartut inatsisaanni nr. 64, 20 november 2023-meersumi § 2, imm. 2, nioqqutissanik eqqussuineq annissuinerlu pillugit Inatsisartut inatsisaat 30. oktober 1992-imeersumi § 35 a, imm. 4 aamma § 46, imm. 6, kingusinnerusukkut Inatsisartut inatsisaatigut nr. 64, 20 november 2023-mi allanngortinneqartut, naapertorlugit aalajangersarneqassaaq:

Nammineq piumassutsimik akitsuusiisitsisarneq

  § 1.  Timmisartumi ilaasut nammineq piumassutsimik akitsuusiisitsisarnerat pillugu Nioqqutissanik eqqussuineq annissuinerlu pillugit Inatsisartut inatsisaanni § 35 a ulloq 1. november 2025-mi atuutilersinneqassaaq.

  § 2.  Nuup mittarfiatigut nioqqutissanik akitsuusikkanik eqqussinermi nammineq piumassutsimik akitsuusiisitsinermut atatillugu sullinneqarnermut akiliut 100 kr. akilersinneqassaaq.

  § 3.  Nammineq piumassutsimik akitsuusiisitsinermi piumasaqaataavoq nioqqutissat inummit inuulluunniit nassataani nassarneqarnissaat, taamaalilluni akileraartarnermut aqutsisoqarfimmut takutinneqarsinnaallutik.

Atuutilersitsineq

  § 4.  Nalunaarut manna 1. november 2025-mi atuutilersinneqassaaq.

Namminersorlutik Oqartussat, ulloq 29. oktober 2025

Múte B. Egede (atsior.)

Aningaasaqarnermut Akileraartarnermullu Naalakkersuisoq

/ Nikolai S. Christensen (atsior.)