Piniarneq aallaaniarnerlu pillugit Inatsisartut inatsisaanni nr. 34, 13. juuni 2023-meersumi § 19, nr. 2 aamma 3 malillugit aalajangersarneqarpoq, takuuk Inatsisartut inatsisaat tunngavigalugu Namminersorlutik Oqartussat nalunaarutaat nr. 30, 26. marts 2025-meersoq:

Appat piniagaanerisa sivitsorneqarnera

  § 1. Timmissanik illersuineq piniarnerlu pillugit Namminersorlutik Oqartussat nalunaarutaat nr. 22, 30. maaji 2023-meersumi § 8, imm. 2, nr. 3-mi atuutitsinnginnermi appanik sigguttuunik (Uria lomvia), appanik (Uria aalge) zone 3-mi piniagaanerat sivitsorneqarpoq inuussutissarsiutigalugu piniarnermut allagartalinnut taamaasilluni piffissami decembarip ulluisa 16-ianiit decembarip ulluisa 31-at 2025 ilanngullugu sivitsorneqarluni.

Saqqummiussineq atorunnaarsitsinerlu

  § 2.  Nalunaarut decembarip ulluisa 16-iani atuutilissaaq.

  Imm. 2. Nalunaarut 1. januar 2026 atorunnaassaaq.

Namminersorlutik Oqartussat, ulloq 12. december 2025

Peter Borg (atsior.)

Aalisarnermut, Piniarnermut, Nunalerinermut, Imminut Pilersornermut Avatangiisinullu Naalakkersuisoq

/ Emanuel Rosing (atsior.)