Najukkani aatsitassanut tunngasunik suliaqarnerit pillugit Inatsisartut inatsisaanni nr. 34, 4. juni 2024-meersumi § 12, imm. 1, aamma § 73, imm. 3, naapertorlugit aalajangersarneqarput:

Tamatumunnga akuersissummik peqarani katersisarneq

  § 1.  Najukkani aatsitassanut tunngasunik suliaqarnerit pillugit Inatsisartut inatsisaanni § 8, imm. 1 malillugu inuit aalajangersimasumik najugaqartuunngitsut tamatumunnga akuersissummik peqaratik aatsitassanik katersisinnaatitaaneranni, aatsitassat ilanngussaq 1-imi allassimasut pineqartunut ilaatinneqanngillat.

Pineqaatissiinerit

  § 2.  § 1 unioqqutillugu aatsitassanik katersisoq, Kalaallit Nunaannut pinerluttulerinermut inatsimmi maleruagassat malillugit akiliisinneqarnissamik pineqaatissinneqarsinnaavoq.

Atuutilernera

  § 3.  Nalunaarut ulloq 1. februar 2025 atuutilerpoq.

Namminersorlutik Oqartussat, ulloq 2. januaari 2025

Naaja H. Nathanielsen (atsior.)

Inuutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoq

/ Jørgen T. Hammeken-Holm (atsior.)