Inatsisartut Naalakkersuisullu pillugit Inatsisartut inatsisaanni nr. 26, 18. november 2010-meersumi § 23, imm. 1, naapertorlugu aalajangersarneqarput:

 

Kapitali 1

Susassaqarfiit agguataarnerat

 

Aalajangersakkat nalinginnaasut

 

  § 1.  Naalakkersuisut Siulittaasuata Naalakkersuisunut ilaasortat akornanni suliassaqarfiit, kaajallaasitami matumani aalajangersarneqartutut, agguataarpai.

  Imm. 2.  Naalakkersuisunit Naalakkersuisumut piginnaatitsineq kaajallaasitap matuma atulersinnissaa sioqqullugu Naalakkersuisunit aalajangiiffigineqartoq tamatuminnga sunnerneqanngilaq. Piginnaatitsissutit Naalakkersuisut allamik aalajangiinissaasa tungaannut atuutissapput.

 

Naalakkersuisut

 

  § 2.  Naalakkersuisut Siulittaasuat: Jens-Frederik Nielsen, Demokraatit.

1)  Naalakkersuisut Siulittaasuata Naalakkersuisoqarfia.

  Imm. 2.  Aningaasaqarnermut Akileraartarnermullu Naalakkersuisoq: Múte Bourup Egede, Inuit Ataqatigiit.

1)  Naalakkersuisut Siulittaasuata tullia.

2)  Aningaasaqarnermut Akileraartarnermullu Naalakkersuisoqarfik.

  Imm. 3.  Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq: Naaja H. Nathanielsen, Inuit Ataqatigiit.

1)  Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik.

  Imm. 4.  Nunanut Allanut Ilisimatusarnermullu Naalakkersuisoq : Vivian Motzfeldt, Siumut.

1)  Nunanut Allanut Ilisimatusarnermullu Naalakkersuisoqarfik.

  Imm. 5.  Ilinniartitaanermut, Kulturemut, Timersornermut Ilageeqarnermullu Naalakkersuisoq: Nivi Olsen, Demokraatit.

1)  Ilinniartitaanermut, Kulturemut, Timersornermut Ilageeqarnermullu Naalakkersuisoqarfik.

  Imm. 6.  Aalisarnermut, Piniarnermut, Nunalerinermut Imminut Pilersornermullu Naalakkersuisoq: Peter Borg, Demokraatit.

1)  Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik.

  Imm. 7.  Meeqqanut, Inuusuttunut Ilaqutariinnullu Naalakkersuisoq: Mads Pedersen, Inuit Ataqatigiit.

1)  Meeqqanut, Inuusuttunut Ilaqutariinnullu Naalakkersuisoqarfik.

  Imm. 8.  Isumaginninnermut, Suliffeqarnermut Nunamut Namminermut Avatangiisinullu Naalakkersuisoq: Bentiaraq Ottosen, Atassut.

1)  Isumaginninnermut, Suliffeqarnermut Nunamullu Namminermut Naalakkersuisoqarfik.

2) Avatangiisinut Pinngortitamullu Naalakkersuisoqarfik.

  Imm. 9.  Peqqissutsimut inunnullu Innarluutilinnut Naalakkersuisoq: Anna Wangenheim, Demokraatit.

1)  Peqqissutsimut inunnullu Innarluutilinnut Naalakkersuisoqarfik.

  Imm. 10.  Ineqarnermut, Attaveqaatersuutinut, Isorliunerusunullu Naalakkersuisoq: Aqqaluaq B. Egede, Inuit Ataqatigiit.

1)  Ineqarnermut, Attaveqaatersuutinut, Isorliunerusunullu Naalakkersuisoqarfik.

 

Naalakkersuinikkut agguataarineq

 

  § 3.  Susassaqarfinnik naalakkersuinikkut agguataarineq kapitali 2-miit 11-mut takuneqarsinnaavoq.

 

Kapitali 2

Naalakkersuisut Siulittaasuat

 

Naalakkersuisut Siulittaasuata Naalakkersuisoqarfia

 

  § 4.  Naalakkersuisut Siulittaasuata Naalakkersuisoqarfia makkuninnga immikkoortortaqarlunilu suliassaqarfeqarpoq:

1)  Aqutsisunut Allattoqarfik.

2)  Inatsisilerinermut immikkoortortaqarfik.

3)  Ingerlatseqatigiiffinnut Allattoqarfik.

4)  Suliassaqarfiit akimorlugit Aqutsinermut, Ineriartortitsinermut Qitiusumilu sulisoqarnermut politikkimut allaffeqarfik.

5)  Kalaallit Nunaanni pisortatigoortumik tikeraarnerit.

6)  Naalakkersuinermut allattoqarfik aamma attaveqaqatigiinneq.

7)  Ataatsimoortumik IT atorlugu periaatsit.

8)  Tunngaviusumik inatsiseqalernissamut immikkoortortaqarfik.

 

Immikkoortortat ataaniittut

 

  § 5.  Naalakkersuisut Siulittaasuata Naalakkersuisoqarfiata ataaniipput, inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Danmark-imi Namminersorlutik Oqartussat sinniisoqarfia.

2)  Digitalinngortitsinermut Aqutsisoqarfik.

 

Immikkoortortat nammineertitat

 

  § 6. Naalakkersuisut Siulittaasuata ataaniippoq immikkoortortaq nammineertitaq, tassani oqartussaanerusumut naammagittaalliortoqarsinnaanani:

1)  Inussuk IT.

 

Kapitali 3

 

Aningaasaqarnermut Akileraartarnermullu Naalakkersuisoq

 

Aningaasaqarnermut Akileraartarnermullu Naalakkersuisoqarfik

 

  § 7. Aningaasaqarnermut Akileraartarnermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Aningaasarsiornikkut naalakkersuineq Aningaasaqarnermullu naalakkersuineq.

2)  Akileraartarnermut akitsuusiisarnermullu naalakkersuineq.

3) KNI A/S-imut kiffartuunneqarnissamut isumaqatigiissutit.

4) Nunaqarfinni isorliunerusunilu aningaaseriveqarnermik pilersuineq.

5)  Nuna tamakkerlugu pilersaarusiorneq.

 

Immikkoortortat ataaniittut

 

  § 8.  Aningaasaqarnermut Akileraartarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Akileraartarnermut Aqutsisoqarfik (AKA).

2)  Aningaasaqarnermut Sulisoqarnermullu Aqutsisoqarfik (ASA).

3)  Kalaallit Nunaanni Naatsorsueqqissaartarfik.

 

Kapitali 4

Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoq

 

Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik

 

  § 9.  Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Inuussutissarsiutinik inuussutissanillu ingerlataqarneq pillugit inatsiseqarneq.

2)  Ataatsimut isigalugu inuussutissarsiutinik siuarsaanerup, takornariaqarnerup, sermip erngullu iluanni inuussutissarsiornermik naalakkersuineq.

3)  Nuna tamakkerlugu takornariaqarnermut periusissaq.

4)  Sermimik imermillu avammut nioqquteqarneq kiisalu sermimut imermullu inatsisip aqunneqarnera.

5)  Kalaallit Nunaanni inuussutissarsiutinik siuarsaanerup ilusiligaanera.

6)  Nunami namminermi nunanilu tamalaani niuernermut politikki, ilanngullugit niuernermut isumaqatigiissutit.

7)  Suliniutinut annertuunut sinaakkutissatut atugassarititaasut.

8)  Annertuunik ingerlataqarnermut tunngatillugu inuiaqatigiinni piujuaannartitsisumik ingerlatsineq.

9)  Unammilleqatigiinnermut inatsisit aammalu nalinginnaasumik neqeroortitsisarnermut inatsisit.

10)  Atuisoqarnermut naalakkersuinermut tunngassutillit.

11)  Avammut nioqquteqarnissamut akuersissutit (aatsitassanut ikummatissanullu inatsit naapertorlugu avammut annissinissamut akuersissutit ilanngunnagit).

12) Aatsitassanut suliassaqarfimmi pingaarnerusutigut pilersaarusiorneq ataqatigiissaarinerlu.

13)  Aatsitassat pillugit naalakkersuineq aammalu aatsitassanut tunngasunut periusissat.

14)  Aatsitassanut suliassaqarfimmi inuiaqatigiinni piujuaannartitsisumik ingerlatsineq, ilanngullugit VSB-inut nassuiaatit, IBA-nut isumaqatigiissutit aamma innuttaasunik akuutitsineq.

15)  Aatsitassanut suliassaqarfiup iluani maleruagassanik aalajangersaaneq.

16)  Kalaallit Nunaanni aatsitassarsiorfiusinnaasut pillugit nunani tamalaanni saqqummiussisarneq/nittarsaassisarneq.

17)  Aatsitassanut suliassaqarfimmi nunap sannai pillugit oqartussatut suliaqartarnerit.

18)  Aatsitassanut suliassaqarfimmi nunap sannai pillugit qarasaasiatigut paasissutissaasiviit.

19)  Ujarassiorit.

20) Ikummatissiassanut suliassanut tunngatillugu oqartussaaneq, ilanngullugit uuliasiorfiutileqatigiiffiit gassisiorfiutileqatigiiffiillu kiisalu ingerlatseqatigiiffiit nunap pissusiinik misissuisartut.

21)  Ikummatissiassanik atuinermut tunngatillugu inatsisinik maleruagassanillu ineriartortitsineq.

22)  Ikummatissiassanut akuersissutinut tunngatillugu nakkutilliisarneq oqartussatullu suliaqartarneq.

23)  Ikummatissiassanut suliassaqarfimmi nunap sananeqataannut qarasaasiatigut paasissutissaasiviit.

24)  Inatsisinik atuutsitsinermut suliassaqarfik.

25)  Naligiissitaaneq.

26)  Nukissiuuteqarnermi immikkoortumut pilersaarut.

27)  Nukissiutinik ataavartunik ineriartortitsineq.

28)  Nukimmik, imermik kiassarnermillu pilersuineq.

 

Immikkoortortat ataaniittut

  § 10.  Inuutissarsiornermut, Aatsitassanut, Nukissiutinut, Inatsisit Atuutsinneqarnerannut

Naligiissitaanermullu Naalakkersuisoqarfiup ataani immikkoortortat makkuupput, tassani

inatsisitigut allanik aalajangersaasoqarsimanngippat, naalakkersuisoqarfimmut

oqartussaanerusumut naammagittaalliortoqarsinnaalluni:

1)  Atuisoqarnermut Unammilleqatigiinnermullu Aqutsisoqarfik.

2)  Aatsitassanut Ikummatissanullu Aqutsisoqarfik (MLSA).

 

Immikkoortortaq nammineertitat

 

  § 11. Inuutissarsiornermut, Aatsitassanut, Nukissiutinut, Inatsisit Atuutsinneqarnerannut Naligiissitaanermullu Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:

1)  Nukissiorfiit.

 

Kapitali 5

Nunanut Allanut Ilisimatusarnermullu Naalakkersuisoq

 

Nunanut Allanut Ilisimatusarnermullu Naalakkersuisoqarfik

 

  § 12.  Nunanut Allanut Ilisimatusarnermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Kalaallit Nunaata nunani allani sinniisoqarfii.

2)  Kalaallit Nunaata nunanut allanut sillimaniarnermullu politikkia.

3)  Issittumi suleqatigiinnermik ataatsimut isigalugu ataqatigiissaarineq.

4) Ilisimatusarneq.

 

Kapitali 6

Ilinniartitaanermut, Kulturemut, Timersornermut Ilageeqarnermullu Naalakkersuisoq

 

Ilinniartitanermut, Kulturemut, Timersornermut, Ilageeqarnermullu Naalakkersuisoqarfik

 

  § 13.  Ilinniartitaanermut, Kulturemut, Timersornermut Ilageeqarnermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Meeqqat atuarfiat.

2)  Atuarfiit namminersortut.

3)  Efterskolit.

4)  Atuarfiit immikkut ittut.

5)  Folkehøjskolit.

6)  Ilinniarnertuunngorniarfiit.

7)  Ingerlaqqiffiusumik ilinniarfiit ilisimatusartutullu ilinniarfiit.

8)  Inuussutissarsiutinut ilinniarfiit.

9)  Nuna Tamakkerlugu qitiusumik Ilitsersuisarfik.

10)  Danmarkimi Kalaallit Illui.

11)  Ilinniartitaaneq pillugu EU-lu peqatigiinnissamik isumaqatigiissut.

12)  Kulturimut tunngasut, ilanngullugit eqqumiitsuliortutut ingerlatsisut.

13)  Sunngiffimmi sammisassaqartitsineq.

14)  Nunatta Atuagaateqarfia.

15)  Timersorneq.

16)  Oqaatsit pillugit naalakkersuinikkut ingerlatsineq.

17)  Radio aamma TV.

18)  Katersugaasiveqarneq Toqqorsiveqarnerlu.

19)  Kulturikkut kingorngussat illersornissaat aamma UNESCO.

20)  Ilagiit.

21)  Ilisinernut iliveqarfeqarnermullu inatsiseqarneq.

22)  Inuit aqqi pillugit inatsit.

 

Immikkoortortat ataaniittut

 

  § 14.  Ilinniartitaanermut, Kulturemut, Timersornermut Ilageeqarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Ilinniartitaanermut Aqutsisoqarfik.

 

Kapitali 7

Aalisarnermut, Piniarnermut, Nunalerinermut Imminut Pilersornermullu Naalakkersuisoq

 

Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik

 

  § 15.  Aalisarnermut, Piniarnermut, Nunalerinermut Imminut Pilersornermullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Nunami namminermi nunanilu tamalaani aalisarneq pillugu inatsisit, ilanngullugit aalisakkanit isumalluutit, qaleruallit ilanngullugit, illersorneqarnissaannut atorneqartarnerinullu naalakkersuinikkut ingerlatsineq.

2)  Nunami namminermi nunanilu tamalaani aalisarnermik naalakkersuinermut tunngasunik pingaarnertigut suliassanik naalakkersuinikkut ingerlatsineq.

3)  TAC pisassiissutillu.

4)  Aalisarnermut piniarnermullu tunngasuni nunarsuup immikkoortuini, illugiillunilu nunat akornanni aammalu nunat tamalaat akornanni isumaqatigiissutit.

5)  Nunami namminermi nunanilu tamalaani piniarneq aallaaniarnerlu pillugit inatsisit, tassungalu ilanngullugit immami miluumasunik illersuineq atuinerlu, ilanngullugit matumanilu immami miluumasunik illersuineq atuinerlu.

6)  Nunami namminermi nunallu tamalaat akornanni piniarnermut aallaaniarnermillu naalakkersuinermi suliassat pingaarnerit.

7)  Akiliisitsilluni piniartitsisarneq aalisartitsisarnerlu.

8)  Nunarsuup immikkoortuini, illugiillunilu nunat akornanni aammalu nunat tamalaat akornanni isumaqatigiissutit.

9)  Kalaallit Nunaanni Uumasunut Nakorsaqarnermut Inuussutissalerinermilu Oqartussaqarfik (UNIO).

10)  Kalaallit Nunaanni Uumasunut Nakorsaqarnermut Inuussutissalerinermilu Oqartussaqarfimmut akisussaaffik Namminersorlutik Oqartussat aamma Danmarkimi uumasunut nakorsaqarnermut inuussutissalerinermilu oqartussaqarfiup akornanni avinneqarnikuuvoq. Danmarkimi Fødevarestyrelsen (Inuussutissalerinermut Aqutsisoqarfik) qullersatut oqartussaavoq, suliffeqarfinnik neqilerisunut aalisakkerisunullu akuersissuteqartarneq nakkutilliinerlu eqqarsaatigalugit, tassungalu ilanngullugit nunanut allanut niuernissaq siunertaralugu akuerineqarsimasut umiarsuit suliffissuaatigisut.

11)  Nunalerineq, savaateqarneq, nersutaateqarneq tuttuuteqarnerlu pillugit inatsiseqarneq.

12)  Nunalerinermi naalakkersuinikkut ingerlatsineq.

13)  Nunalerinermut sammisunik inuussutissarsiutinik siuarsaaneq.

14)  Imminut pilersorneq.

15)  Pilersuinermik naalakkersuinikkut ingerlatsineq.

16)  Aalisakkanik piniakkanillu tunisassianut tunitsiveqarneq pillugu ingerlatseqatigiiffinnut assigiinngitsunut kiffartuussinissamik isumaqatigiissutit.

 

Immikkoortortat ataaniittut

 

  § 16.  Aalisarnermut Piniarnermullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Kalaallit Nunaanni Aalisarnermut Piniarnermullu Nakkutilliisoqarfik (KANUAPNA).

 

Kapitali 8

Meeqqanut, Inuusuttunut Ilaqutariinnullu Naalakkersuisoq

 

Meeqqanut, Inuusuttunut Ilaqutariinnullu Naalakkeruisoqarfik

 

  § 17.  Meeqqanut, Inuusuttunut Ilaqutariinnullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Atualertussat.

2)  Meeqqat inuusuttullu ajornartorsiutillit.

3)  Ilaqutariit meerartallit.

4)  Pitsaaliuineq.

5)  Meeqqanut inuusuttunullu isumaginninnermut suliassaqarfik.

6)  Meeqqat illersuisuat meeqqallu pillugit siunnersuisoqatigiit.

7)  Ilaqutariinnermut inatsisit.

 

Immikkoortortat ataaniittut

 

  § 18.  Meeqqanut, Inuusuttunut Ilaqutariinnullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Isumaginninnermut Aqutsisoqarfik.

 

Immikkoortortaq nammineertitat

 

  § 19.  Meeqqanut, Inuusuttunut Ilaqutariinnullu Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:

1)  MIO, meeqqanik illersuisoq.

 

Kapitali 9

Isumaginninnermut, Suliffeqarnermut Nunamut Namminermut Avatangiisinullu Naalakkersuisoq

 

Isumaginninnermut, Suliffeqarnermut Nunamullu Namminermut Naalakkersuisoqarfik

 

  § 20.  Isumaginninnermut, Suliffeqarnermut Nunamullu Namminermut Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Inersimasut ajornartorsiutillit.

2)  Utoqqaat.

3)  Inersimasunut suliassaqarfimmi isumaginninnermut inatsisit.

4)  Inuit pisinnaatitaaffii.

5)  Suliffeqarnermut inatsisit.

6)  Suliffeqarnermik naalakkersuinikkut ingerlatsineq.

7)  Nunatsinni Suliffeqarnermut Siunnersuisoqatigiinnik allatseqarfittut sullissineq.

8)  Suliffeqarneq pillugu pilersaarusiorneq.

9)  Nunani allamiunut tunngasut, najugaqarnissamut sulisinnaanissamullu akuersissutit.

10)  Nunamut Namminermut immikkoortortaqarfik.

11) Kommuninik nakkutilliineq.

12) Nordisk Pension pillugu suliaqarneq.

 

Avatangiisinut Pinngortitamullu Naalakkersuisoqarfik

 

  § 21.  Avatangiisinut Pinngortitamullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Nunami namminermi nunanilu tamalaani pinngortitaq pillugu illersuinermik inatsiseqarneq.

2)  Avatangiisit aamma Upalungaarsimaneq.

3)  Silap pissusaanut naleqqussarneq aamma nunami namminermi silap pissusaatigut anguniakkanik naalakkersuinikkut ingerlatsineq.

 

Immikkoortortat ataaniittut

 

  § 22.  Avatangiisinut Pinngortitamullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Aatsitassanik Suliassaqarfinnut Avatangiisinut Aqutsisoqarfik.

2)  Asiaq, Kalaallit Nunaanni Misissueqqaarnerit.

 

Immikkoortortaq nammineertitat

 

  § 23.  Isumaginninnermut, Suliffeqarnermut Nunamut Namminermut Avatangiisinullu Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:

1)  Utoqqaat pillugit oqaaseqartartoq.

2)  Isumaginninnermik Nakkutilliisut arlaannaannulluunniit attuumassuteqanngitsut.

3)  Kommuninut Nakkutilliisoqarfik.

4)  Pinngortitaleriffik.

 

Kapitali 10

Peqqissutsimut inunnullu Innarluutilinnut Naalakkersuisoq

 

Peqqissutsimut inunnullu Innarluutilinnut Naalakkersuisoqarfik

 

  § 24.  Peqqissutsimut inunnullu Innarluutilinnut Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Peqqissuseq pillugu inatsiseqarneq.

2)  Peqqinnissaqarfiup aqunneqarnera aaqqissugaaneralu.

3)  Peqqinnissakkut sullissineq.

4)  Kigutilerineq.

5)  Imigassat aalakoornartullit, tupa pujortartarnerlu pillugit inatsiseqarneq.

6)  Pinngitsuuisinnaajunnaarsimasunik katsorsaasarneq pillugu inatsiseqarneq.

7)  Innarluutillit.

8)  Innarluutillit illersuisuat.

 

Immikkoortortat ataaniittut

 

  § 25.  Peqqissutsimut inunnullu Innarluutilinnut Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Peqqinnissamut Aqutsisoqarfik.

2)  Allorfik – Pinngitsuuisinnaajunnaarsimasunik katsorsaasarneq.

 

Immikkoortortaq nammineertitat

 

  § 26.  Peqqissutsimut inunnullu Innarluutilinnut Naalakkersuisup ataaniipput immikkoortortat nammineertitat makkua, tassani oqartussaanerusumut naammagittaalliortoqarsinnaanani:

1)  Nunatta Nakorsaaneqarfia (NUN).

2) Tilioq – Inuit Innarluutillit illersuisuat.

 

Kapitali 11

Ineqarnermut, Attaveqaatersuutinut Isorliunerusunullu Naalakkersuisoq

 

Ineqarnermut, Attaveqaatersuutinut Isorliunerusunullu Naalakkersuisoqarfik

 

  § 27.  Ineqarnermut, Attaveqaatersuutinut Isorliunerusunullu Naalakkersuisoqarfik makkuninnga immikkoortortaqarlunilu suliassaqarfeqarpoq:

1)  Ineqarneq Illuuteqarnerlu.

2)  Sanaartorneq.

3)  Sanaartornermut oqartussaaneq.

4)  Attaveqarneq.

5)  Angallanneq.

6) Nunaqarfinnut isorliunerusunullu suliassaqarfimmut pilersaarutit.

 

Immikkoortortat ataaniittut

 

  § 28.  Ineqarnermut, Attaveqaatersuutinut Isorliunerusunullu Naalakkersuisoqarfiup ataani immikkoortortat makkuupput, tassani inatsisitigut allanik aalajangersaasoqarsimanngippat, naalakkersuisoqarfimmut oqartussaanerusumut naammagittaalliortoqarsinnaalluni:

1)  Iluarsartuussinermut Aqutsisoqarfik.

2)  Nalunaarasuartaateqarnermi Aqutsisut aamma Radio-nik Nakkutilliivik.

 

Kapitali 12

 

Atuutilernera

 

  § 29.  Kaajallaasitaq manna ulloq 7. april 2025 atuutilerpoq.

  Imm. 2.  Peqatigisaanik suliassaqarfiit agguataarnerat (Suliassaqarfiit agguataarnerat) pillugu kaajallaasitaq nr. 48, 27. september 2023-meersoq atorunnaarsinneqarpoq.

 

 

Naalakkersuisut Siulittaasuata Naalakkersuisoqarfia, ulloq 7. april 2025

 

 

Jens-Frederik Nielsen (atsior)

Naalakkersuisut Siulittaasuat

 

 

/ Hans-Peder Barlach Christensen (atsior.)