Ilinniarnertuunngorniartarneq pillugu Inatsisartut inatsisaata allanngortinneqarnera pillugu Inatsisartut inatsisaat
(Ukiut 3-t sinnerlugit sivisussusilimmik ilinniarfigerusutamut akuerisaanissamut ilassutitut piumasaqaatit)
§ 1
Ilinniarnertuunngorniartarneq pillugu Inatsisartut inatsisaat, Inatsisartut inatsisaat pillugu Namminersorlutik Oqartussat nalunaarutaat nr. 10, 29. september 2021-meersoq naapertorlugu uku allanngortinneqarput:
1. § 9-p kingorna ilanngunneqassaaq:
” § 9 a. Ukiut 3-t sinnerlugit sivisussusilimmik ilinniarfigerusutamut akuerisaanissamut piumasaqaatit ilassutitut piumasaqaatit §§ 8-mi 9-milu taaneqartut saniatigut ilassutitut piumasaqaatissat pillugit Naalakkersuisut malittarisassaliorsinnaapput.”
2. § 10, imm. 2-mi, oqaaseqatigiit aappaattut ilanngunneqassaaq:
”Ilinniartoq 3. G naammassereerlugu ilinniarnertuunngorniarfimmi sammivimmik ukiuni 4-ni sivisussusilimmi, rektorilu isumaqatigiinneq malillugu ukiut 2-t angullugit ilinniakkaminik unitsitsigallartup, 4. G-p aallartinnerani ilinniarnertuunngorniarnini nangissinnaavaa ilinniarnertuunngorniarfimmi ilinniartup ilinniarfigeriigaani imaluunniit ilinniarnertuunngorniarfimmi allami.”
3. § 15, imm. 1-3, imatut oqaasertalerneqassapput:
” Ilinniagaq 1. semesterisut aaqqissugaassaaq, ilinniartunit tamanit ataatsimoorunneqartutut, tamatumalu kingorna ilinniarnermi immikkut sammiveqarluni ingerlatsinertut, ilinniartunit ataasiakkaanit ingerlatsinernit ilinniarnertuunngorniarfiit neqeroorutigalugillu pilersitaasa akornannit toqqarneqartumik, tak. § 29. Sammivilimmik ilinniagaqarneq 2.-6. semesterini ingerlanneqartarpoq. Ukiuni 4-ni sammivilimmik ilinniagaqarneq 2.-8. semesterini ingerlanneqartarpoq.
Imm. 2. Semesterit 1, 3, 5 aamma 7 ukiup ilinniarfiusup aallartinneraniit 31. decemberimut ingerlasarput. Semesterit 2, 4, 6 aamma 8 1. januarimiit ukiup ilinniarfiusup naaneranut ingerlasarput.
Imm. 3. 1.-2. semesterit 1. G-mik taaneqartarput, 3.-4. semesterit 2. G-mik taaneqartarput, 5.-6. semesterit 3. G-mik taaneqartarput, aamma 7.-8. semesterit 4. G-mik taaneqartarlutik.”
4. § 53 imm. 1-ip kingorna immikkoortutut nutaatut ilanngunneqassaaq:
” Imm. 2. Ukiut 3-t sinnerlugit sammivilimmik ilinniagaqartut eqqarsaatigalugit ilinniartup 3. G-miit 4. G-mut ikaarsaariarnissaa rektorip aammattaaq itigartitsissutigisinnaavaa, tak. imm. 1.”
Imm. 2 tamatuma kingorna imm. 3-nngussaaq.
§ 2
Inatsisartut inatsisaat ulloq 1. januar 2025 atuutilissaaq.
Namminersorlutik Oqartussat, ulloq 25. novembari 2024
Múte Bourup Egede (atsior.)
Naalakkersuisut Siulittaasuat