1. Kaajallaasitami 29. marts 2023-meersumi § 2, imm. 5 naapertorlugu ilitsersuummi makkuninnga aalajangersaasoqarpoq.

2. Kaajallaasitami § 2-mi aalajangersakkat naapertorlugit pisut ataasiartumik akissarsisitsisarnermut tunngaviusut tamakkiisuunngillat. Pisut kaajallaasitami § 2 naapertorlugu ataasiartumik akissarsisitsinissamut periarfissiissutaasinnaasut matumani assersuusiorneqarput.

Sulisumit nalinginnaasumik naatsorsuutigisat qaangerlugit immikkorluinnaq sulianik naammassisaqarsimanermi makku pineqarput:

1. Sulisup suliassamik isumaginninnermini immikkorluinnaq nutaaliorsinnaassuseqarnermik imaluunniit aaqqissuussaanermi suliassanut tunngatillugu eqaalluinnartumik sulisinnaanermik paasinninnermillu takutitsinera.

2. Oqartussaasup suliassamik pisariitsumik naammassinninnissaanut suleqatillu akornanni sulianik nuannarinnilersitsinissamut isumassarsititsinissamullu sulisup malunnaatilimmik peqataanermigut sulerusussuseqartoqassasoq.

Sulisumit nalinginnaasumik naatsorsuutigisat qaangerlugit immikkorluinnaq angusaqarsimaneq ima paasineqassaaq:

1. Sulisup tunisassiornissamut ineriartortitsinissamulluunniit anguniakkanik aalajangersagaasunik ajukkunnani angusaqarsinnaanissaa angusanik pilersitsinissami assersuutaasinnaapput.

2. Suliassami pineqartumi assut nalorninartoqarfiusumi suliassamiluunniit inuiaqatigiinnut pingaaruteqartumi ajornakusoortumilu suliassamut immikkut ittumut atatillugu angusaqarnissaa.

Suliassamik immikkut ittumik suliaqaqqusaaneq qaangiuttoornermut pioreersumut uppernarsarneqartumullu qaangiinertut naliliisoqartillugu.

1. Piffissami aalajangersagaasumi suliassat naammassineqarnissaannik angusaqarnissaq pillugu immikkut tulleriiaarineq tunuliaqutaralugu siunertaqarluni suliakkiisoqarsimatillugu.

2. Immikkut suliassinneqarneq sulisumut suliartoqquneqartussaatitaasumut tassaasinnaavoq immikkoortortami atorfinnik inuttaqanngitsoqarnerani sulinerunikkut pineqartup atorfik (nammineq atorfini) qaangerlugu pitsaasumik suliaqarnerujussuusimanera.

3. Suliassinneqarneq piffissakkuutaartumik sivisunerusumik pisinnaavoq, piffissat suliartortarfiit equngallutik ulluinnarni sungiusimasanut, kiisalu ullup unnuallu ingerlanerannut sunniuteqartumik.

Suliatigut qaffasissumik naammassisaqarneq ataasiartumik akissarsisitsinissamut namminermini naammanngilaq, suliatigut qaffasissumik naammassisaqarnissaq pineqartumi isumaqatigiissutit naapertorlugit tapiissutitigut akissarsiaqartitsivioreermata.

3. Ataasiaannarluni akissarsisitsinermi aningaasartuutit immikkoortortaqarfimmut aningaasartuutitulli allatut oqartussaaffigineqassapput. Tassa imaappoq ataasiaannarluni akissarsianut aningaasartuutit Aningaasanut inatsimmi aningaasaliissutissatut immikkoortinneqareersimasut eqqarsaatigalugit taamaallaat tunniunneqarsinnaasut. Tamatuma malitsigisaanik ataasiaannarluni akissarsianik ataasiarluni arlaleriarluniluunniit tunniussinerit ilassutitut aningaasaliissutissanik qinnuteqarnermut tunngavilersuutitut atorneqanngisaannassapput, toqqaannartumik toqqaanngikkaluamilluunniit.

4. Kaajallaasitami § 3, imm. 1-imut aamma § 4, imm. 1-imut ilassutigalugu akissarsiat amerlassusiisa tusindinut qaninnernut ilivitsunngortillugu tunniunneqassasoq erseqqissaatigineqarpoq. Taamaasilluni »qaammammut aningaasarsiat affaasa annertoqataanik« annertussusiliineq naammanngilaq. Kaajallaasitami siunertarineqartoq peqatigitillugu isiginiarneqassaaq, tamatumalu kingorna suleqatigiiffiup immikkuullarissuuneranut immikkut ittumik ataqqinnittoqassaaq, taamaammallu immikkoortortami sulisut amerlassusaat 10 %-imik qaangertariaqassanatik.

5. Kaajallaasitami § 5, imm. 3 innersuussutigalugu allakkatigut inassuteqaat paasissutissanik tullinnguuttunik makkuninnga imaqassaaq:

• akissarsiat tunniunneqarnerannut tunngavilersuutit, naggatip aappaa takuuk.
• akissarsiat amerlassusiat, naggatit sisamaat takujuk.
• sulisup aqqa
• sulisup atorfeqarfigisaa. Tassa immikkoortoq tigussaasoq oqaatigineqassaaq, assersuutigalugu Aningaasaqarnermut Naligiissitaanermullu Naalakkersuisoqarfik imaluunniit Asiaq. Taamaattumik ”Namminersorlutik Oqartussat”-nik, ”Qitiusumik allaffeqarfik”-mik ass. taamaallaat allanneq naammanngilaq.

6. Kaajallaasitami § 4, imm. 2-mi najukkami sulisut sinniisaannut tusarniaasoqassasoq aalajangersarneqarpoq, periarfissatut allatut sulisunut sinniisuunermut. Aalajangersakkami Isumaqatigiissitanut Isumalioqatigiissitamit siunnersuutit malinneqarput taamaattumillu aqutsisup qaninnerup inassuteqaammik suliaqarnermini najukkami sulisunut sinniisoq allakkatigut tusarniartussaavaa. Sulisunut sinniisoq tusarniaanermut peqataasinnaanngippat tusarniaanermi sinniisussaq imaluunniit sulisunut ataatsimut sinniisoq attuumassuteqartoq peqataasinnaassaaq.

Sulisut sinniisaat il.il. attuumassuteqartoq suiffeqarfimmut sulisup akissarsiat/tjemestemandiuneq pillugit peqataasoq sinniisuuffigissavaat. Sulisut sinniisaat kinaanersoq pillugu nalornisoqartillugu sulisoq pineqartoq attaveqarfigineqarsinnaavoq

Sulisut sinniisaat aalajangiisuusumik sunniuteqanngilaq aamma inassuteqaat pillugu allakkatigut taamaallaat saqqummiussaqarsinnaavoq. Taamaattumik tusarniaassut allaganngorlugu nassiunneqartariaqarpoq. Tamanna ilaatigut tusarniaanermik uppernarsaatit qulakkeernerisigut pissaaq. Sulisut sinniisaata suliffimmi pitsaasumik inuuneqarneq aamma najukkamik nalinginnaasumik eqqarsaatiginninnissat attuumassuteqartut sulisut sinniisaata oqaaseqarfigisinnaassagai siunertarineqarpoq. Sulisut sinniisaat oqaaseqaateqarsinnaanissaminut piareersarnissaminut piffissaliiffigineqartariaqartarpoq. Siumut nalunaarnissaq eqqortoq tassaasinnaavoq ullut tallimat, kisianni najukkani pissutsit eqqarsaatigineqartariaqarmata piffissaliussaq sivitsorneqarsinnaassaaq.

Toqqakkamik sulisunut sinniisoqanngippat, sinniisussaqanngippat imaluunniit sulisunut ataatsimut sinniisoqanngippat tusarniaaneq mininneqarsinnaavoq. Allattoqarnissaanik piumasaqaat e-mailikkut allaffeqatigiinnerni naammassineqarsinnaavoq taannalu iluaqutaasumik suliassamut sulisumut attuumassuteqartumut, ataasiaannarluni akissarsisitsinissaq pillugu inassuteqaatip assilineqarneranik ilallugu, ilanngunneqarsinnaavoq.

7. Inassuteqaat aqutsisumit qaninnerpaamit atsiorneqassaaq aamma § 4, imm. 3-6-it naapertorlugit Qitiusumik allaffeqarfimmi atorfilinnut, tassunga ilanngullugit pisortat suliffeqarfiutaanni inissisimasut, Naatsorsueqqissaartarfik Nunattalu Nakorsaaneqarfia, inassuteqaat Naalakkersuisoqarfimmi pisortaasumit aamma Aqutsisoqarfimmi pisortaasumit akuerineqassaaq. Pinngortitaleriffimmi, Nunatta Katersugaasiviani Allagaateqarfianilu aamma suliffeqarfiit tapiiffigineqartartuni atorfilinnut tunngatillugu inassuteqaat suliffeqarfimmi aqutsisumit qullersaasumit akuerineqassaaq.

Inassuteqaat sulisumit inaarutaasumik atsiorneqarsimassaaq, sulisup atsiornermigut matuma qulaaniittut avammut saqqummiussinissaq akuersaarlugu uppernarsassavaa.

8. Inassuteqaat inaarutaasumik akuerineqareerpat aamma sulisumit atsiorneqareerpat imm. 5 naapertorlugu inassuteqaat tamakkiisoq suliffigisap intranetiatigut tamanut saqqummiunneqassaaq. Tamanut saqqummiussinermut akisussaasoq tassaavoq immikkoortortaqarfik inassuteqaateqartoq. Aalajangersagaq pinngitsoorani malinneqartussaavoq.

Qitiusumik allaffeqarfimmut, Naatsorsueqqissaartarfimmut aamma Nunatta Nakorsaaneqarfianut tunngatillugu Nanuaqqakkut tamanut saqqummiussisoqassaaq. Suliffeqarfiit sinnerinut tunngatillugu immikkoortortaqarfimmi inassuteqartumi nalinginnaasumik intranetikkut tamanut saqqummiussisoqassaaq, periarfissatut allatut ataatsimut attaveqatigiinnernut isaaffikkut. Kingullertut taaneqartumut tunngatillugu immikkoortortaqarfimmi inassuteqartuusumi tamanut saqqummiussap kingulissatsinnit ingerlaavartumik pissarsiarineqarsinnaanissaa qulakkeerneqassaaq – taamaalilluni e-mailikkut imaluunniit piffissami killilimmi ataatsimut allagarsiivimmi assigisaaniluunniit piffissami killilimmi pissarsiarineqarsinnaanera naammanngilaq.

Qitiusumik allaffeqarfimmi, Naatsorsueqqissaartarfimmi aamma Nunatta Nakorsaaneqarfiani immikkoortortaqarfiini inassuteqaat tamakkiisoq aamma sulisup aqqa/atorfeqarfia mailikkut malinnaatitsissutikkut imm. 5 naapertorlugu uunga nassiunneqassaaq info@nanoq.gl tassanilu Nanuaqqakkut uku ataanni tamanut saqqummiunneqassalluni Organisation > Engangsvederlag > [ukioq pineqartoq]. Digitalimik Sullissinernut Aqutsisoqarfimmit Aningaasaqarnermut Sulisoqarnermullu Aqutsisoqarfimmut Nanuaqqami paasissutissat inissisimaffiisa allanngornerat kingusinerusukkut nalunaarutiginnittoqassaaq, tamatuma kingorna ilitsersuut taanna nutarterneqassaaq.

9. Kaajallaasitami § 6 naapertorlugu immikkut illuinnartumik pisoqartillugu pisortaq immikkut ittumik ataasiaannarlugu akissarsisinneqarsinnaavoq. Taamaattorli kaajallaasitaq aallaavittut sulisup immikkut ittumik suliniuteqarnera pillugu akissarsisinneqarnissaa siunnerfigineqartartoq oqaatigineqassaaq. Inassuteqaatip imarisaa pisortamit immersugassaq sulisutillu immersorneqarnissaanik piumasaqaatitaqarpoq. Imm. 4 aamma 5 innersuussutigineqarput. Inassuteqaat atorsinnaasoq Naalakkersuisoqarfimmi pisortamut qaninnerpaamit atsiornermik ilaqartinneqassaaq. Assersuutigalugu Nunatta Nakorsaaneqarfiani pisortamit inassuteqaat Peqqissutsimut Naalakkersuisoqarfimmi pisortap atsiorneranik ilaqartinneqassaaq. Tamatuma kingorna Naalakkersuisup Siulittaasuata Naalakkersuisoqarfiani pisortap atsiornerata akuerineqarneratigut inassuteqaat akuerineqassaaq.

10. Aningaasaqarnermut Sulisoqarnermullu Aqutsisoqarfimmi immikkoortortaqarfimmi inassuteqartuusumi akissarsianik aqutsinerit isumagineqarpata inassuteqaat akuerisaq akileqqullugu Aningaasaqarnermut Sulisoqarnermullu Aqutsisoqarfimmut nassiunneqassaaq personale@nanoq.gl.

Immikkoortortaqarfinnit inassuteqaatit akuerineqarsimasut, tamatumani Aningaasaqarnermut Sulisoqarnermullu Aqutsisoqarfimmi akissarsianik aqutsineq isumagineqanngippat, akissarsianut immikkoortortaqarfimmut atorneqartumut nassiunneqassapput.

Immikkoortortaqarfik inassuteqaateqartoq inassuteqaammik akuerisamik akissarsianik aqutsinermut immikkoortortamut attuumassuteqartumut nassiunneqartumut akisussaasuuvoq.