Akileraaruserinermik ingerlatsineq pillugu Inatsisartut inatsisaanni nr. 11, 2. november 2006-imeersumi, kingullermik Inatsisartut inatsisaatigut nr. 20, 21. november 2022-meersukkut allanngortinneqartumi § 41 aamma § 42, imm. 2 naapertorlugit aalajangersarneqarput:

  § 1.  Kommunini inummut ataatsimut agguaqatigiissitanik akileraarutitigut isertitat assigiinngissutaasa naligiissarneqarnissaannut aammalu kommuninut ataatsimut akileraarutip agguataarneqarnissaanut kommunit ataani taaneqartut 2024-mi ima tapiissuteqarfigineqassapput:

1)  Kommune Kujalleq.............................................................. 118.054.000 kr.-t

2)  Kommuneqarfik Sermersooq............................................... 129.269.000 kr.-t

3)  Qeqqata Kommunia ............................................................ 126.405.000 kr.-t

4)  Avannaata Kommunia......................................................... 191.396.000 kr.-t

5)  Kommune Qeqertalik.......................................................... 127.201.000 kr.-t

  Imm. 2.  Tapiissutit Nunatta Karsianit akilerneqartassapput qaammatini tamani 1/12-imik qaam­matinut ataasiakkaanut tapiissutinut agguagassanut tapertaliullugit.

  § 2.  2024-mi kommuninut ataatsimut akileraarummit agguataagassaapput 599.760.000 kr.-t kiisalu iluarsiissutit, tak. imm. 3, ukioq 2015-imi 55.662 kr.-t, ukioq 2016-imi -214.188 kr.-t, ukioq 2017-imi 374.728 kr.-t, ukioq 2018-imi 554.016 kr.-t, ukioq 2019-imi -418.495 kr.-t, ukioq 2020-mi -4.904.608 kr.-t, ukioq 2021-mi 9.064.251 kr.-t aamma ukioq 2022-mi 88.053.313 kr.-t, katillugit 692.324.679 kr.-t.

  Imm. 2.  Kommuninut ataatsimut akileraarut nunamut tamarmut akileraarutip akilersorneqartarneratut Nunatta Karsianut akilersorneqartassaaq.

  Imm. 3.  Kommuninut ataatsimut akileraarummit isertitat kisitsimmit imm. 1-imi aalajangersarneqartumit allaaneruppata, nikingassut ukiumi tulliuttumi kommuninut ataatsimut akileraa-rutip agguataarneqarnerani iluarsiissutigineqassaaq.

  § 3.  Nalunaarut 1. januar 2024-mi atuutilissaaq.

Namminersorlutik Oqartussat, ulloq 3. november 2023

Erik Jensen (atsior.)

Aningaasaqarnermut Akileraartarnermullu Naalakkersuisoq

/ Nikolai S. Christensen (atsior.)