§ 1

Grønlands tekniske Organisationi pillugu Inatsisartut peqqussutaat nr. 8, 19. december 1986-imeersumi Inatsisartut peqqussutaanni nr. 18, 28. oktober 1993-imeersumi, Inatsisartut peqqussutaanni nr. 14, 6. november 1997-imeersumi, Inatsisartut peqqussutaanni nr. 5, 29. oktober 1999-imeersumi, Inatsisartut peqqussutaanni nr. 6, 21. maj 2002-meersumi aamma Inatsisartut peqqussutaanni nr. 10, 19. november 2007-imeersumi allanngortinneqartumi, makkua allanngortinneqarput:

1. § 3, imm. 2, imatut oqaasertalerneqarpoq:
” Imm. 2.  Nukissiorfiit siulersuisunit pingaarnertigut aqutsinermik isumaginnittuusunit, aammalu pisortamit ulluinnarni aqutsinermik isumaginnittuusumik aqunneqarpoq. Siulersuisut Naalakkersuisunit toqqarneqassapput. Pisortaq siulersuisunit inassuteqaammik piniareernermik kingorna Naalakkersuisunit toqqarneqassaaq.”

2. Inatsisartut peqqussutaanni tamarmi ”Naalakkersuisut” uunga ”Naalakkersuisut”, ”Namminersornerullutik Oqartussat” uunga ”Namminersorlutik Oqartussat”, ”Namminersornerullutik Oqartussat suliffeqarfiat” uunga ”Namminersorlutik Oqartussat suliffeqarfiat” aamma ”Inatsisartut” uunga ”Inatsisartut” allanngortinneqarput. Aammattaaq  §§ 2-mi, 3-mi aamma 4-mi ”GTO” uunga ”Nukissiorfiit” allanngortinneqarpoq.

§ 2

Inatsisartut inatsisaat ulloq 1. januar 2023 atuutilerpoq.

Namminersorlutik Oqartussat, ulloq 21. novembari 2022.

Múte Bourup Egede
Naalakkersuisut Siulittaasuat