§ 1

Siusinaartumik pensionisiat pillugit Inatsisartut inatsisaat nr. 40, 9. december 2015-imeersoq, tak. Namminersorlutik Oqartussat nalunaarutaat nr. 2, 4. februar 2022-meersoq, Inatsisartut inatsisaanni nr. 9, 20. juni 2022-imeersumi allanngortinneqartumi, makkua allannguutigineqarput:

1. § 15, imm. 3 aamma 4, ima oqaasertalerneqassapput:
”  Imm. 3.  Siusinaartumik sulisinnaajunnaarnersiuteqarnermi pisartakkat appartinneqassapput, siusinaartumik sulisinnaajunnaarnersiuteqartoq aammalu taassuma aapparisaata ukiumoortumik isertitarisaat, tamatumani ilanngunnagit siusinaartumik sulisinnaajunnaarnersiutit, utoqqalinermi pensionisiat aammalu Nunani Avannarliit akornanni isumaginninnikkut Isumaqatigiissut naapertorlugu 38.000 kr.-it sinnerpatigit ilanngullugit § 17, imm. 2 naapertorlugu siusinaartumik sulisinnaajunnaarnersiutit annertunerpaat affaatut tunniunneqartartut. Aapparisaqarsimagaanni taassuma isertitai siulliit 100.000 kr.-it ilanngunneqassanngillat.
  Imm. 4.  Siusinaartumik pensionisiat annikinnerpaat §§ 20 aamma 21 naapertorlugit isertitatigut tunngaviit affaannik ikilisinneqassapput, § 17, imm. 2 naapertorlugu siusinaartumik pensionisiat annerpaartaasa affaat ilanngullugit 38.000 kr.-it ilanngaatigalugit.”

2. § 16, imm. 3 aamma 4, ima oqaasertalerneqassapput:
”  Imm. 3.  Siusinaartumik sulisinnaajunnaarnersiutit appartinneqassapput siusinaartumik sulisinnaajunnaarnersiuteqartoq aamma taassuma aapparisaata ukiumoortumik isertitai, tamatumani ilanngunnagit siusinaartumik sulisinnaajunnaarnersiutit, utoqqalinermi pensionisiat aamma Nunani Avannarliit akornanni isumaginninnikkut Isumaqatigiissut naapertorlugu 38.000 kr.-it sinnerpagit ilanngullugit § 17, imm. 2 naapertorlugu siusinaartumik sulisinnaajunnaarnersiutit annertunerpaat pingasorarterutaatut tunniunneqartartut. Aapparisaqarsimagaanni taassuma isertitai siulliit 100.000 kr.-it ilanngunneqassanngillat.
  Imm. 4.  Siusinaartumik pensionisiat akunnattumik annertussusillit §§ 20 aamma 21 naapertorlugit 2/3-nik ilanngarneqassapput, § 17, imm. 2 naapertorlugu siusinaartumik pensionisiat annerpaartaasa pingajorarterutaannik ilallugit 38.000 kr.-inik ilanngarlugit.”

3. § 17, stk. 4, ima oqaasertalerneqassaaq:
”  Imm. 4.  § 17, imm. 2 naapertorlugu, siusinaartumik pensionisiallit pisinnaatitaapput tunngaviusumik pensionisiani qaffasinnerpaamik siusinaartumik pensionit 50 %-iinik pisassallutik, aappaqarsimagunik aapparisaata piffissami pineqartumi tamakkiisumik isertitariunnagaasa annertussusii apeqqutaatinnagit. § 17, imm. 2 naapertorlugu, tunngaviusumik pensionisiat appartinneqassapput, siusinaartumik pensionisiallip ukiumut tamarmiusunik piffissami pineqartumi isertitaasa, siusinaartumik pensionisiat, utoqqalinersiat pensionisiallu Inunnut Isumaginninnikkut isumannaallisaaneq pillugu Nunat Avannarliit isumaqatigiissutaat malillugu akiliutigineqarsimasut, ilanngunnagit, 38.000 kr.-t, qaffasinnerpaamik pensionisiat 50 %-ii ilanngullugit, sinnerpatigit. § 15 imm. 4. naapertorlugu appartitsisoqassaaq appasinnerpaamik siusinaartumik pensionisianut aningaasanut killiliussat assingi malillugit. § 17, imm. 6 atorneqassanngilaq.”

4. § 17, stk. 6, ima oqaasertalerneqassaaq:
”  Imm. 6.  §§ 20 aamma 21-ni taaneqartutut qaffasinnerpaamik pensionisiat 100 %-imik appartinneqassapput, isertitatigut toqqammaviusut 38.000 kr.-inik ilanngarlugit qaffasinnerusimassappata.”

§ 2

Inatsisartut inatsisaat 1. januar 2023 atuutilerpoq.

Namminersorlutik Oqartussat, ulloq 21. novembari 2022

Múte Bourup Egede
Naalakkersuisut Siulittaasuat