Quppernerup imai iserfigikkit
Oqaatsit toqqakkit

kl-GL ( Toqqagaq )

da

Ujaasinermut uterit
Inatsisit
Nr. 11
17. novembari 2022
Atorunnaartut
  1. Del link
  2. Print
  3. Download

2023-mut aningaasanut inatsisissamut siunnersuutip kiisalu 2023-mut nuna tamakkerlugu akileraarutip aamma nuna tamakkerlugu immikkut akileraarutip akuersissutiginissaanut killigititat sivitsorneqarnerat pillugit Inatsisartut inatsisaat

  § 1.  Naalakkersuisut ukiumi ukioq aningaasanut inatsisissaq  kingusinnerpaamik ulloq 25. november inaarutaasumik akuersissuteqarnissaq siunertaralugu Inatsisartut aningaasanut inatsisissaattut siunnersuut saqqummiuppaat.
  Imm. 2.  Nuna tamakkerlugu akileraarummut procenti atugassaq qaammatisiutit malillugit ukioq akileraarfiusoq sioqqullugu kingusinnerpaamik ulloq 25. november Inatsisartut aalajangissavaat.
  Imm. 3.  Nuna tamakkerlugu immikkut akileraarummut procenti atugassaq qaammatisiutit malillugit ukioq akileraarfiusoq kingusinnerpaamik ulloq 25. november Inatsisartut aalajangissavaat.

 

  § 2.  Inatsisartut inatsisaat una tamanut saqqummiunneqarnerata aqaguani atuutilissaaq. Inatsit 1. januar 2023-p tungaanut atuutissaaq.

 

 

 

Namminersorlutik Oqartussat, ulloq 17. novembari 2022.

 

 

 

Múte Bourup Egede
Naalakkersuisut Siulittaasuat

Allakkiat