§ 1

Utoqqalinersiaqarneq pillugu Inatsisartut inatsisaat nr. 20, 23. november 2015-imeersumi, tak. Namminersorlutik Oqartussat inatsimmut nalunaarutaat nr. 9, 28. februar 2020-imeersoq, allanngortinneqartoq Inatsisartut inatsisaatigut nr. 7, ulloq 19. november 2021-imeersukkut, imaattunik allannguuteqassaaq:

1. § 9, imm. 1 imatut oqaasertalerneqassaaq:
”Utoqqalinersiat toqqammaviusut ukiumut 73.239 kr. -it angullugit annertussuseqarput.”

§ 2

Siusinaartumik pensionisiat pillugit Inatsisartut inatsisaat nr. 40, ulloq 9. december 2015-imeersoq, tak. Namminersorlutik Oqartussat inatsimmut nalunaarutaat nr. 8, ulloq 14. Juli 2021-imeersoq, allanngortinneqartinneqartumi Inatsisartut inatsisaatigut nr. 8, ulloq 14. Juli 2021-imeersukkut, imaattunik allannguuteqartitsisoqassaaq: 

1. § 17, imm. 2 aamma 3 imatut oqaasertalerneqassaaq:
”  Imm. 2.  Siusinaartumik pensionisiat qaffasinnerpaaffiat ukiumut annertussuseqarput 124.340 kr.-it angullugit.
  Imm. 3.  Siusinaartumik pensionisiat apparneqassapput siusinaartumik pensionisiaqartoq aappaqarpallu taassuma aappaata ukiumut ataatsimut piffissami pineqartumi isertitaat siusinaartumik pensionisiat, utoqqalinersiat aamma pensionisiat Nunani Avannarlerni isumaginninnikkut sillimmasiisarnernik aaqqissuussinerit naapertorlugit 38.000 kr.-it qaangersimagaangatigit. Aappaqaraanni aapparisap isertitaani 100.000 kr.-it siulliit ilanngullugit naatsorsuunneqassanngillat.”

§ 3

Inatsisartut inatsisaat una atortuulissaaq ulloq 1. juli 2022.

Namminersorlutik Oqartussat, ulloq 20. juuni 2022

Múte Bourup Egede
Naalakkersuisut Siulittaasuat