§ 1

Ilinniartut ineqarfii pillugit Inatsisartut inatsisaanni nr. 42, 12. december 2019-imeersumi ima allannguisoqarpoq:

1. § 4, imm. 1, nr. 3 ima oqaasertalerneqassaaq:
3)  "Ilinniagaqarnersiutit pillugit Inatsisartut Inatsisaat naapertorlugu ilinniartitaanermi tapiiffigineqarsinnaasumi imaluunniit ilinniartitaanermi Naalakkersuisut ilinniagaqarnersiuteqarfiusussat allatigut aalajangersimasaani aallartissimappat ilinniarnermillu ingerlatsippat, taamaattoq tak. imm. 5,  aamma"

2. § 4-mi imm. 4-p kingornagut   nutaatut ilanngunneqassaaq:
”  Imm. 5.  Imm. 1, nr. 3 naapertorlugu ilinniarnermik ingerlataqarneq pillugu piumasaqaat ilinniartoq naartunermut, erninermut meeravissiartaarnermullu atatillugu sulinngiffeqarsimappat, taamaattoq amerlanerpaamik qaammatini 12-ini, atuutissanngilaq."

Imm. 5 tamatuma kingorna imm. 6-inngussaaq.

3. § 38, imm. 1 imatut oqaasertalerneqarpoq:
"Naalakkersuisut ilinniartunut ineqarfimmi najugalimmut attartornermut isumaqatigiissut imaluunniit ilinniarneq imaluunniit ilinniarfimmiinneq naammassippat unitsinneqarpalluunniit imaluunniit ilinniartut ineqarfiini najugaqartoq ilinniartut ineqarfiini najugaqarnissamut piumasaqaatinik naammassinnikkunnaarsimappat atorunnaarsissinnaavaat, taamaattoq tak. imm. 3 aamma § 49, imm. 2."

§ 2

Inatsisartut inatsisaat ulloq 1. juli 2022 atuutilissaaq.

Namminersorlutik Oqartussat, ulloq 25. maj 2022

Múte Bourup Egede
Naalakkersuisut Siulittaasuat