(Inatsisartut Suleriaasiat 12. november 2010-meersoq, 22. september 2011-meersunik, 29. maj 2012-meersunik, 28. maj 2015-imeersunik, 1. juni 2016-imeersunik, 22. november 2019-imeersunik aamma 24. november 2022-imeersunik allannguutitalik)

 

 

Kapitali 1

Ataatsimiigiaqqusineq, qinigaanerup misilinneqarnera, qinigaasinnaaneq

 

  § 1.  Nutaamik qinersinerup kingornatigut sapinngisamik piaartumik, kingusinnerpaamillu ullut 45-t qaangiunnerisigut Inatsisartut katersuutissapput. Ataatsimiigiaqqusisuussaaq ilaasortaq Inatsisartunut sivisunerpaamik ilaasortaasimasoq, imaluunniit arlallit sivisoqatigiimmik Inatsisartunut ilaasortaasimappata angajulleq. Ilaasortap taassuma Inatsisartuni isumaqatigiinniarnerit aqussavai qinigaanerup misilinneqarnissaata Inatsisartullu Siulittaasoqarfiannik qinersisoqarnissaata tungaanut.

Imm. 2.  Imm. 1 naapertorlugu ilaasortaq Inatsisartunut sivisunerpaamik ilaasortaasimasoq Inatsisartut sinnerlugit Inatsisartunullu ilaasortat akornannit Qinigaanerup Misilinneqarnissaanut Ataatsimiititaliaagallartumik pilersitsissaaq. Ataatsimiititaliap ilaasortarissavai sivisunerpaamik ilaasortaasimasoq siulittaasutut, ilaasortallu allat sisamat sivisunerpaamik ilaasortaasimasumit, Inatsisartuni naalakkersuinikkut suliniaqatigiiffinnit sapinngisamik tamatigoornerpaamik sinniisuutitaqarnissap qularnaarneqarnissaa siunertaralugu toqqarneqartunit.

  Imm. 3. Ataatsimiititaliaq ilaasortassatut qinikkat qinigaasinnaassusiat pillugu Inatsisartunut inassuteqartassaaq. Ilaasortaq imm. 1-imi taaneqartoq ataatsimiititaliaq sinnerlugu inassuteqaammik Inatsisartunut saqqummiussissaaq.

  Imm. 4. Inatsisartunut, Naalakkersuisunut, Inatsisartut ataatsimiititaliaannut imaluunniit Inatsisartunut sinniisuuffissamut allamut qinigaaneq Inatsisartunit akuerineqarsimatinnani kimilluunniit akueriumannginneqarsinnaanngilaq.

 

  § 2. Inatsisartunut ilaasortaq pinerluttulerinermi inatsit naapertorlugu inaarutaasumik eqqartuussissutikkut imaluunniit akiliisitaanissamik akuersissuteqarnikkut pinerluuteqarsimasutut pineqaatissinneqarpat imaluunniit pinerluttulerinermi inatsit naapertorlugu Inatsisartunut ilaasortaanissaminut nalinginnaasumik isigineqarnermini naleqqukkunnaarutigisaminik pineqaatissinneqarpat § 7, imm. 1, nr. 2 naapertorlugu Qinigaanerup Misilinneqarnissaanut Ataatsimiititaliap inassuteqarnera naapertorlugu Inatsisartut aalajangissavaat iliuuserisaq ilaasortap eqqartuunneqaatigisaa pineqartup Inatsisartunut ilaasortaaginnarnissaanut naleqqukkunnaarutaanersoq.

 

Kapitali 2

Inatsisartut Siulittaasuat aamma Inatsisartut Siulittaasoqarfiat

 

  § 3. Inatsisartut ilaasortamik akornannit Inatsisartut Siulittaasussaat siulittaasullu tullii sisamat nutaamik qinersisoqareernerup kingorna inissitsiterfiusumik katersuunnerminni isumaqatigiinniutigineqanngitsumik, tamatumalu kingorna ukiut tamaasa Inatsisartut ukiuata aallartinnerani, qinertassavaat.

  Imm. 2. Qinigassanngortittoq Inatsisartut Siulittaasuattut qinerneqassaaq ilaasortat najuuttut affaannit amerlanernit (amerlanerussuteqarluinnartunit) taaneqaruni. Qinigassanngortittut arlaat amerlanerussuteqarluinnartunit taaneqanngippat qinersisoqaqqissaaq. Qinersinermi tassani qinigassanngortittoq amerlanerussuteqarluinnartunit taaneqanngippat qinigassanngortittut marluk aappassaanik qinersinermi amerlanerpaanik taaneqartut pingajussaanik taasinermi taasissutigineqassapput. Taasinerit amerlaqatigiippata qinersineq makitsinikkut aalajangerneqassaaq.

  Imm. 3. Aammattaaq Inatsisartut § 27, imm. 1 naapertorlugu qanoq amerlatigineq naapertorlugu qinerseriaaseq malillugu, ataatsikkoortumik qinissavaat siulittaasup tullia siulleq, tulliata aappaa, pingajuat sisamaallu, taakkulu Siulittaasoq peqatigalugu Inatsisartut Siulittaasoqarfiattut atuutissapput. Siulittaasup tullissaanik qinersinermi Siulittaasup qinikkatut inissaq siulleq, qinersisarnerit eqqarsaatigalugit suleqatigiinnissamik isumaqatigiissuteqarsimasut attavigisaasa pissarsiarisassaat, pissavaa.

  Imm. 4. Tamatumunnga peqatigitillugu Inatsisartut Siulittaasoqarfianni ilaasortat ataasiakkaat sinniisussaannik Inatsisartut qinersissapput.

  Imm. 5. Inatsisartuni amerlanerussuteqartut, Inatsisartunut ilaasortat affaat sinnerlugit amerlassusillit, akuersissutigisinnaavaat Inatsisartut Siulittaasuat imaluunniit siulittaasup tulliisa ilaat imm. 1 malillugu tullianik qinersinissap tungaanut atuukkunnaarsinneqassasoq. Inatsisartut Siulittaasuat Inatsisartunit atuukkunnaarsinneqarpat Inatsisartut Siulittaasoqarfiat tamarmiusoq tunuassaaq. Nutaamik qinersineq imm. 2-mi 3-milu periusereqqusaasut malillugit ingerlanneqassaaq.

  Imm. 6. Aammattaaq Inatsisartut Siulittaasoqarfiannik nutaamik qinersineq imm. 2-mi 3-milu periusereqqusaasut malillugit ingerlanneqassaaq Siulittaasoq Inatsisartut Siulittaasuattut tunuarumalluni allakkatigut qinnuteqarpat imaluunniit pineqartoq toqukkut qimaguppat.

  Imm. 7.  Siulittaasup tulliisa ilaat ataaseq Inatsisartut Siulittaasoqarfianni ilaasortatut tunuarumalluni qinnuteqarpat imaluunniit pineqartoq peqqiilliornerminik, inuussutissarsiumminik assigisaannilluunniit pingaarutilimmik pissuteqarluni Inatsisartut Siulittaasoqarfianni ilaasortatut sulinngiffeqarallarumalluni qinnuteqarpat Inatsisartut aalajangissavaat qinnuteqaat akuerineqassanersoq. Inatsisartut ataatsimiinnerisa avataanni taamatut qinnuteqaatit Inatsisartut Siulittaasuannit Inatsisartut sinnerlugit aalajangiiffigineqarallartassapput. Aalajangiinerit Inatsisartut ataatsimiinneranni tullermi Inatsisartunut saqqummiunneqassapput.

 

  § 4.  Inatsisartut Siulittaasoqarfiat Inatsisartut Oqaluuserisassanut Ataatsimiititaliaattut atuutissaaq. Siulittaasoqarfimmik qinersinissap tungaanut §1, imm. 1 naapertorlugu ilaasortaq sivisunerpaamik ilaasortaasimasunit angajulleq kiisalu ilaasortat marluk Inatsisartunit toqqakkat Oqaluuserisassanut Ataatsimiititaliaagallartutut atuutissapput. Oqaluuserisassanut Ataatsimiititaliap imaluunniit Oqaluuserisassanut Ataatsimiititaliaagallartup Inatsisartuni ataatsimiinnissanut oqaluuserisassat suliaralugillu aalajangersassavaat oqaluuserisassallu pillugit nassuiaammi inassuteqaatitik Inatsisartunut saqqummiullugit. Nassuiaat isumaqatigiinniutigineqassanngilaq.

  Imm. 2. Inatsisartut Siulittaasoqarfiat ilaasortanik ataasiakkaarlutik partiinut kattusseqatigiinnulluunniit Siulittaasoqarfimmi ilaasortaatitaqanngitsunut ataasiakkaanut sinniisaasunik, Inatsisartunillu qinerneqartunik, ilaqartinneqarluni Inatsisartut Suleriaasiannut Ataatsimiititaliatut atuutissaaq. Inatsisartut peqatigitillugu partiit kattusseqatigiilluunniit, Siulittaasoqarfimmi ilaasortaatitaqanngitsut, ataasiakkaat sinniisigisaasa ataasiakkaat sinniisussaannik qinersisoqarsinnaassappat, sinniisussaannik taakkuninnga qinersissapput.

  Imm. 3. Inatsisartut Siulittaasoqarfiat Inatsisartut sinnerlugit avammut kiinnertartuuvoq.

  Imm. 4. Inatsisartut Siulittaasoqarfiata Inatsisartut aamma ataatsimiititaliat sulinerisa piareersaasiorneqarnerisa ingerlanneqarnerisalu pissusissaq eqqorlugu ingerlanneqartarnissaat isumagisassavaa.

  Imm. 5.  Oqaluuserisassat inatsisartut ataatsimiinneranni oqaluuserisassatut ilanngunneqaq-qullugit qinnutigineqartut ilusiliivigineqarlutik saqqummiunneqarnissaannut maleruagassanik erseqqinnerusunik Inatsisartut Siulittaasoqarfiat aalajangersaasinnaavoq.

  Imm. 6. Inatsisartut Siulittaasoqarfiata suliassat Suleriaatsimi aalajangersakkat naapertorlugit Siulittaasoqarfimmut saqqummiussat suliarisassavai. Siulittaasoqarfiup suliassat suugaluartullunniit Inatsisartunut Inatsisartunullu ilaasortanut tunngaviusumik pingaaruteqartut suliarisinnaavai.

  Imm. 7. Inatsisartut Siulittaasuat suliassani nukingiuttarialinni Inatsisartut Siulittaasoqarfiat sinnerlugu aalajangiisinnaavoq. Siulittaasup tullii Siulittaasup aalajangerneranik sapinngisamik piaartumik ilisimatinneqartassapput.

  Imm. 8.  Inatsisartut Siulittaasoqarfiata Inatsisartullu Suleriaasiannut Ataatsimiititaliap suleriaasissatik namminneerlutik aalajangersartassavaat.

  Imm. 9.  Imm. 2 naapertorlugu Suleriaatsimut Ataatsimiititaliap suliassaraa §§ 32 aamma 60 naapertorlugit Siulittaasoqarfiup siunnersuutai suliarisassallugit. Suleriaatsimut Ataatsimiititaliaq ataatsimiititaliat suliassaqarfii pillugit aalajangiisarpoq, tamanna nalorngissutigineqalersillugu. Ataatsimiititaliaq taamatuttaaq § 56 malillugu Inatsisartunut ilaasortat paasissutissiisussaatitaanerat pillugu malittarisassanik aalajangersaasarpoq.

 

Kapitali 3

Naalakkersuisut

 

  § 5.  Naalakkersuisunut ilaasortat, Namminersorlutik Oqartussat suliassaqarfiinik ingerlatsisussat, Inatsisartut Naalakkersuisullu pillugit inatsisartut inatsisaat naapertorlugu Inatsisartut qinertassavaat.

  Imm. 2. Naalakkersuisut Siulittaasuat Inatsisartunut ilaasortat akornannit amerlanerussuteqarluinnartut tunuliaqutaralugit qinerneqartassaaq.

  Imm. 3. Naalakkersuisut Siulittaasuata Naalakkersuisunut ilaasortassat aalajangersimasumik amerlassusillit aqqisigut taasat qinerneqaqqullugit Inatsisartunut inassutigissavai. Qinersineq pissaaq Naalakkersuisut Siulittaasuata siunnersuutaasa ataatsikkoortillugit taasissutiginerisigut.

 

  § 6.  Naalakkersuisunut ilaasortap Inatsisartunut ilaasortaanngitsup Inatsisartunut qinigaasinnaaneq pillugu aalajangersakkat qanoq ilisukkulluunniit atuuttut naammassisimassavai.

  Imm. 2. Inatsisartut suliassat tassunga tunngassutillit § 1, imm. 3 naapertorlugu Qinigaanerup Misilinneqarnissaanut Ataatsimiititaliaagallartup imaluunniit § 7, imm. 1, nr. 2 naapertorlugu Qinigaanerup Misilinneqarnissaanut Ataatsimiititaliap inassuteqarneri malillugit aalajangiivigisassavaat.

 

Kapitali 4

Inatsisartuni ataatsimiititaliat

 

Ataatsimiititaliat inatsisit naapertorlugit pilersinneqartussat aamma ataatsimiititaliat ataavartut

 

  § 7. Inatsisartut inissitsiterlutik ataatsimiinnerminni inatsisartullu ukiuata aallartinnerani ataatsimiititaliat uku pilersissavaat:

1. Nunanut Allanut Sillimaniarnermullu Ataatsimiititaliaq.
2. Qinigaanerup Misilinneqarnissaanut Ataatsimiititaliaq.
3. Inatsiseqarnermut Ataatsimiititaliaq.

  Imm. 2.  Inatsisartut taamatuttaaq inissitsiterlutik ataatsimiinnerminni upernaakkullu ataatsimiinnerit tamaasa ataatsimiititaliat uku pilersissavaat:

1. Aningaasaqarnermut Ataatsimiititaliaq.
2. Kukkunersiuinermut Ataatsimiititaliaq.

 

  § 8.  Inatsisartut inissitsiterlutik ataatsimiinneranni inatsisartullu ukiuata aallartinnerani ataatsimiititaliat ataavartut allat, siulittaasoqarfiup inassuteqarneratigut Inatsisartunit pilersinneqassapput.

  Imm. 2.  Partiit qinersisarnerilluunniit eqqarsaatigalugit suleqatigiinnissamik isumaqatigiissuteqarsimasut toqqaasimasut ilaasortaq peqataasinnaatinnagu ataatsimiititaliani ilaasortaatitatik sinniisussaqartissinnaavaat, tamanna partiit qinersisarnerilluunniit eqqarsaatigalugit suleqatigiinnissamik isumaqatigiissuteqarsimasut siumut Inatsisartut siulittaasuannut nalunaarutigisimappassuk.

 

  § 9. Inatsisartut ataatsimiititalianut ataasiakkaanut ilaasortanik tallimanik Naalakkersuisunut ilaasortaaqqusaanngitsunik qinersissapput. Immikkut pissutsit tamanna pisariaqartippassuk Inatsisartut Siulittaasoqarfiata inassuteqareerneratigut Inatsisartut ataatsimiititaliamut ilaasortanik arfineq-marlunnik qinersisinnaapput.

  Imm. 2.  Kalaallit Nunaata Folketingimi ilaasortaatitai marluk Nunanut Allanut Sillimaniarnermullu Ataatsimiititaliamit qinnuigineqarlutik ataatsimiititaliap ataatsimiinnerini taaseqataasinnaanatik peqataasinnaapput.

  Imm. 3.  Nunanut Allanut Sillimaniarnermullu Ataatsimiititaliaq immikkut isertuussisussaatitaanermut pisussaaffiup ataatsimiititaliamut ilaasortanut allanullu ataatsimiititaliap oqallinnerinik malinnaasinnaasunut atuuttup eqquutsinneqarnissaata qularnaarneqarnissaanut suleriaatsimini sukumiinerusunik aalajangersaassaaq.

 

  § 10.  Tamatuma peqatigisaanik Inatsisartut ataatsimiititalianut ataasiakkaanut ilaasortanut ataasiakkaanut sinniisussanik qinersissapput. Ilaasortaq peqataasinnaatinnagu sinniisussaq taassumunnga taartaalluni peqataasassaaq.

  Imm. 2. Ataatsimiititaliamut ilaasortaq kiisalu taassuma sinniisussaa ataatsikkut peqataasinnaajunnaarallarpata, partiip qinersisarnerilluunniit eqqarsaatigalugit suleqatigiinnissamik isumaqatigiissuteqarsimasut qinnuteqarnerat naapertorlugu, Inatsisartut Siulittaasoqarfiat aalajangersinnaavoq partii qinersisarnerilluunniit eqqarsaatigalugit suleqatigiinnissamik isumaqatigiissuteqarsimasut ilaasortamut taartaasussamik taarsiisitsigallarsinnaasut. Siulittaasoqarfiup Inatsisartut Allattoqarfiat piginnaatissinnaavaa pisuni ataasiakkaani ataatsimiititaliat sulineranni sinniisussaagallartumik partiit qinersisarnerilluunniit pillugit suleqatigiit qinnuteqaataasa akuerinissaannik aalajangiisinnaatillugu.

 

§ 11. Suleriaatsimi matumani allatut aalajangersaasoqarsimatinnagu ataatsimiititaliap siulittaasussani siulittaasullu tullissaa nammineerluni qinertassavai, taamaattorli ataatsimiititaliami siulittaasuutitaqarneq siulittaasullu tulliutitaqarneq ilaasortaqassuseq tunngavigalugu pisassalluni, taamaalillunilu partiit qinersisarnerilluunniit pillugit suleqatigiit amerlanerpaanik ilaasortaatitaqartut sinniisaat siulittaasussamik toqqaasassallutik, partiit qinersisarnerilluunniit pillugit suleqatigiit anginernut tulliusut sinniisaasa siulittaasup tullissaa toqqartassallugu.

  Imm. 2. Ataatsimiititaliap siulittaasuata isumagissavaa ataatsimiititaliami sulinerup sapinngisamik annertunerpaamik pingaartinneqarnissaa. Inatsisartut Siulittaasuat ataatsimiititaliamut siulittaasumut peqqusisinnaavoq ataatsimiititaliami sulinerup ingerlanera pillugu oqaasiinnarmik allagaqarluniluunniit nalunaaruteqaqqullugu.

 

  § 12. Ataatsimiititaliap suleriaasissani nammineerluni akuersissutigissavaa, taannalu Inatsisartut Siulittaasoqarfiannut akuersissutigisassanngorlugu inassutigineqassaaq.

  Imm. 2. Ataatsimiititaliaq aalajangiisinnaassuseqarpoq ilaasortat affaannit amerlanerit peqataappata.

  Imm. 3.  Tamanna pissusissamisoortutut nalilerneqarpat ataatsimiititaliaq suliassaqarfini eqqarsaatigalugit ilaasortat akornanni suliassanik agguataarisinnaavoq.

 

  § 12 a.  Paasissutissanik atortussanilluunniit isertuussassanik ataatsimiititaliaq suliarinnissatillugu ataatsimiititaliap aalajangersinnaavaa ataatsimiititaliap ataatsimiinnera oqaluuserisassaniluunniit immikkoortup aalajangersimasup suliarineqarnera internettimut attaveqarani atortunillu elektroniskiusunik assersuutigalugu oqarasuaatinik angallattakkanik, qarasaasianik tabletinillu atortoqarani ingerlanneqassasoq.

  Imm. 2.  Ataatsimiititaliap aalajangersinnaavaa ataatsimiinnermi atortussat isertuussassat tamarmik taamaallaat pappiaranngorlugit pigineqassasut ataatsimiititaliallu ataatsimiinnerani suliarineqareerunik uterteqqinneqarlutik.

 

  § 13.  Ataatsimiititaliami oqaluuserineqartut tamanut tusarliunneqaqqusaanngillat.

  Imm. 2. Ataatsimiititaliarli aalajangersinnaavoq nalunaarutit aalajangersimasumik annertussusilerlugit killilikkat tamanut tusarliunneqarsinnaasut.

 

  § 14. Ataatsimiititaliap suliassaasa pingaarnersaraat siunnersuutit Inatsisartunit ataatsimiititaliamut innersuussat suliarineqartarnissaat.

  Imm. 2. Ataatsimiititaliaq, ilaatigut Naalakkersuisunut apeqquteqartarnermigut, suliassaqarfimmi iluani ingerlatsinermik malittarinninnissaminut pisussaavoq aammalu Naalakkersuisut inatsisitigut killissarititat iluanni ingerlatsinikkulluunniit ileqqorissaarnermut tunngatillugu killigititat iluanni ingerlatsinissaat nakkutigissallugu.

  Imm. 3.  Ataatsimiititaliaq apeqqutip allakkatigut akineqarnissaanik qinnuteqarpat, ataatsimiititaliap qinnuteqaataa Naalakkersuisunit naammassineqassaaq. Naalakkersuisut taamaallaat paasissutissanik ataatsimiititaliap pissarsisinnaanera killilersinnaavaat, ataatsimiititaliap taakkuninnga paasisaqarnissaminik soqutiginninnera pisortat namminersortulluunniit soqutigisaannut sakkortuneroqisunut tunulliunneqartariaqarpat. Taamatut killiliineq tamatigut allakkatigut tunngavilersorneqarsimassaaq.

 

  § 15. Inatsisartut siunnersuummik suliarinninnermik nalaani qanoq ilisukkulluunniit siunnersuut ataatsimiititaliamut suliareqqitassanngorlugu innersuussinnaavaat, ataatsimiititaliaq siunnersuut pillugu siusinnerusukkut isumaliutissiissuteqarsimagaluarpalluunniit.

  Imm. 2. Ataatsimiititaliap suliarinninnera naammassitsiillugu Inatsisartut suliarinninnertik unitsikkallassavaat.

 

  § 16. Ataatsimiititaliaq isumaqaruni siunnersuut ataatsimiititaliap allap suliassaqarfiinut attuumassuteqartoq Inatsisartut Siulittaasoqarfiata akuersineratigut ataatsimiititaliaq taanna qinnuigisinnaavaa siunnersuummik suliarinneqataaqqullugu.

  Imm. 2. Siunnersuummik aappassaaneerlugu suliarinnilinnginnermi Inatsisartut Siulittaasoqarfiat taarsiullugu aalajangersinnaavoq ataatsimiititaliamut innersuussutaaqqaartuugaluaq Inatsisartunut saqqummiuteqqinneqassasoq.

 

  § 17. Inatsisartut allatut aalajangersimatinnagit ataatsimiititaliaq inatsisartut inatsisissaattut imaluunniit Inatsisartut aalajangiiffigisassaattut siunnersuutinik suliaqarnermi inerneri pillugit isumaliutissiissummik saqqummiussisassaaq. Ataatsimiititaliaq siunnersuutit Inatsisartunit ataatsimiititaliamut innersuunneqarsimasut pillugit isumaliutissiissusiortussaatitaavoq.

  Imm. 2. Ataatsimiititaliap siunnersuutit arlallit imminnut attuumassuteqarluinnartutut isumaqarfigigunigit ataatsimoortillugit isumaliutissiissummi saqqummiussinnaavai.

  Imm. 3. Ataatsimiititaliaq siunnersuut pineqartoq pillugu siusinnerusukkut isumaliutissiissusiorsimaguni ilassutitut isumaliutissiissummik saqqummiussisinnaavoq.

  Imm. 4. Isumaliutissiissut imaluunniit ilassutitut isumaliutissiissut allaganngorlugu saqqummiunneqassaaq.

  Imm. 5. Isumaliutissiissut imaluunniit ilassutitut isumaliutissiissut saqqummiunneqarnerminit ullut unnuallu pingasut qaangiunnerisigut aatsaat Inatsisartunit suliarineqarsinnaalissaaq.

 

  § 18. Ataatsimiititaliaq siunnersuutinik allanik, nassuiaatinik suliassanilluunniit allanik isumaliutissiissutinngorlugit saqqummiunneqartussaanngitsunik suliaqarnerminut atatillugu allaganngorlugu nalunaarusiorsinnaavoq.

  Imm. 2. Pisuni immikkorluinnaq ittuni ataatsimiititaliaq Inatsisartut Siulittaasoqarfiata akuersineratigut allatigut suliaqarnini pillugu allaganngorlugu nalunaarusiorsinnaavoq.

  Imm. 3. Imm. 1 aamma 2 naapertorlugit nalunaarusiat Inatsisartut ataatsimiittarfianni oqaluuserineqartussaanngillat.

 

  § 19.  Ataatsimiititaliaq qanoq ilisukkulluunniit Naalakkersuisunut ilaasortamik siunersiuinissamut ilisimatitsiffiusumilluunniit ataatsimiinnissamut aggersaasinnaavoq. Naalakkersuisunut ilaasortaq atorfilimmik ataatsimik tamatigut ingiallorteqarsinnaavoq. Naalakkersuisunulli ilaasortap atorfilinnik arlalinnik ingiallorteqarnissaa ataatsimiititaliap akuersissutigisinnaavaa. Tamanna ataatsimiititaliamut qinnuteqaatigineqartassaaq ataatsimiinnissaq sioqqullugu.

  Imm. 2.  Ataatsimiititaliap naliliinera naapertorlugu Naalakkersuisunut ilaasortaq pissutissaqavilluni peqataasinnaanngippat immikkorluinnaq ittumik pissutissaqartoqartillugu siunersiuineq ilisimatitsiffiusumilluunniit ataatsimiinneq atorfilik ataaseq arlallilluunniit peqataatillugit ingerlanniarneqarsinnaavoq.

  Imm. 3.  Siunersiuinermi ilisimatitsiffiusumilluunniit ataatsimiinnermi atorfilittami oqaaserisaanut Naalakkersuisunut ilaasortaq akisussaasuuvoq.

  Imm. 4.  Siunersiuinermut ilisimatitsiffiusumilluunniit ataatsimiinnermut matoqqasumut tamanulluunniit ammasumut aggersaasoqarsinnaavoq. Tamanut ammasumik siunersiuinermut ilisimatitsiffiusumilluunniit ataatsimiinnermut aggersaasoqarpat ataatsimiinnermi kikkulluunniit najuussinnaapput. Siunersiuinerit ilisimatitsiffiusumillu ataatsimiinnerit tamanut ammasumik ingerlanneqartut immiussissutinut immiussissutinulluunniit assigisaannut immiunneqassapput.

 

  § 20.  Inatsisartut inatsisissaattut imaluunniit inatsisartut aalajangiiffigisassaattut siunnersuut Inatsisartunut ilaasortamit ataatsimit arlalinnilluunniit saqqummiussaq ataatsimiititaliami oqaluuserineqaraangat siunnersuuteqartoq taannaluunniit sinnerlugu oqaaseqartuusussaq, ataatsimiititaliamut ilaasortaanngikkaluarluni, siunnersuutip pineqartup ataatsimiititaliami oqaluuserineqarnerani najuussinnaatitaavoq, taamali pisoqartillugu taasisinnaatitaassanngilaq imaluunniit oqaaseqaatiminik isumaliutissiissummut ilanngussaqarsinnaatitaanani.

 

§ 21.  Ataatsimiititaliaq suliassaqarfimmi iluani apeqqutit tamanut tunngassuteqartut pillugit tusarniaanernik ingerlatsisarsinnaavoq, taakkununngalu atatillugu kikkulluunniit isummaminnik saqqummiusseqqullugit qinnuigisinnaallugit.

  Imm. 2. Ataatsimiititaliaq tusarniaanerup qanoq ilusilimmik ingerlanneqarnissaa pillugu erseqqinnerusumik aalajangiisassaaq, tassungalu ilanngullugu tamanut ammasumik ingerlanneqarnissaanik apeqqut isummerfigisassallugu.

  Imm. 3. Tusarniaaneq ataatsimiititaliat arlallit suleqatigiissutigisaattut ingerlanneqarsinnaavoq.

  Imm. 4. Aammattaaq ataatsimiititaliaq isumaliutissiissummik saqqummiussaqannginnermini soqutiginnillutik susassalinnut tusarniaaqqaarsinnaavoq.

 

  § 22. Ataatsimiititalianut §§-ini 7, 8 aamma 23-mi taaneqartunut Inatsisartut Allattoqarfiannit atorfinitsinneqartumik ataatsimiititaliamut allatsitut atorfeqartitsisoqassaaq.

  Imm. 2. Ataatsimiititaliap allattaa ataatsimiititaliap erseqqinnerusumik aalajangiinera malillugu ataatsimiinnissat piareersaasiornerinut, ataatsimiititaliap ataatsimiinnerisa imaqarniliornerinut, paasissutissanik ataatsimiititaliap kissaatigisaanik pissarsiniarnernut kiisalu ataatsimiititaliap allagassaasa imassaannik siunnersuusiornernut suleqataasassaaq aammalu isumaliutissiissusiornernut nalunaarusiornernullu peqataasassalluni.

 

Ataatsimiititaliaagallartut

 

  § 23. Inatsisartuttaaq suliassat aalajangersimasut suliarineqarnissaannut ataatsimiititaliaagallartunik pilersitsisinnaapput. Ataatsimiititaliaagallartoq atorunnaassaaq suliassaq imaluunniit suliassat, imminut suliakkiissutigineqartut naammassillugit suliarineqareerpata. Ataatsimiititaliaq suliani pillugu Inatsisartunut allaganngorlugu nalunaarusiussaaq. Nalunaarusiaq Inatsisartuni oqaluuserineqassaaq.

 

Kapitali 5

Siunnersuisoqatigiit aamma aalajangiisartutut ataatsimiititaliat il.il.

 

  § 24. Inatsisartut siunnersuisoqatigiinnut aamma aalajangiisartutut ataatsimiititalianut il.il. sinniisuutitassaminnik qinersissapput. Sinniisuutitat pineqartut piffissaq qinigaaffiat inatsisit, ileqqoreqqusat aalajangersakkalluunniit siunnersuisoqatigiinnut aalajangiisartutulluunniit ataatsimiititalianut il.il. atuuttut naapertorlugit aalajangersarneqartarpoq.

  Imm. 2.  Siunnersuisoqatigiinnut aamma aalajangiisartutut ataatsimiititalianut il.il. sinniisuutitassanik qinersineq sapinngisamik pisassaaq inatsisartut ataatsimiinneranni sinniisuutitat atuuttut qinigaaffiata naanissaata siulianiittumi.

 

  § 25. Inatsisartut Inatsisit Atortinneqarnerannut Ataatsimiititaliaata inassuteqarneratigut Inatsisartut Ombudsmandiannik aamma Inatsisartut Ombudsmandiannut Taartaasartumik Inatsisartut qinersissapput.

  Imm. 2. Inatsisartut Kukkunersiuinermut Ataatsimiititaliaata inassuteqarneratigut Inatsisartut Nunatta Karsiata naatsorsuutaanik kukkunersiuisussamik qinersissapput.

 

Kapitali 6

Qinersinerit qinerseriaatsillu

 

  § 26. Kinaluunniit Inatsisartuni ataatsimiititaliamut imaluunniit siunnersuisoqatigiinnut, aalajangiisartutut ataatsimiititaliamut il.il. ilaasortatut qinigaasinnaassaguni Inatsisartut ataatsimiittarfianni Inatsisartunut ilaasortamit siunnersuutigineqarsimasariaqarpoq.

  Imm. 2. Qinersinerit tamarmik sivisunerpaamik ukiuni sisamani atuuttassapput, allamillu aalajangiisoqartinnagu qinersinerit taamaallaat piffissamut Inatsisartut qinigaaffiannut atuuttassallutik.

  Imm. 3.  Ataatsimiititalianut, siunnersuisoqatigiinnut aalajangiisartutullu ataatsimiititalianut il.il. ilaasortanik marlunnik amerlanerusunilluunniit qinersisoqassatillugu qanoq amerlatigisunik ilaasortaatitaqarneq najoqqutaralugu qinersisoqartassaaq, taamaattorli § 26 a takujuk.

 

  § 26 a.  Naalagaaffiit Peqatigiit ataatsimeersuarnerannut sinniisuutitassanik marlunnik taakkulu sinniisussaannik marlunnik qinersisarneq paarlakaajaalluni peqataatitaqartarnermik najoqqutaqarneq malillugu pisarpoq, imaalillugu: Partii ilaasortaatitaqarnerpaaq kattusseqatigiilluunniit ilaasortaatitaqarnerpaat ilaasortaqassutsikkullu tulliuttut tamarmik immikkut qinersinerup kingorna ukiumut siullermut sinniisuutitassaminnik ataatsimik taassumalu sinniisussaanik ataatsimik qinersissapput. Partiit kattusseqatigiilluunniit ilaasortaatitaqassutsikkut pingajuat sisamaallu qinersinerup kingorna ukiut aappaannut sinniisuutitassaminnik ataatsimik taassumalu sinniisussaanik ataatsimik qinersissapput. Partiit kattusseqatigiilluunniit ilaasortaatitaqassutsikkut tallimaat arferngallu qinersinerup kingorna ukiut pingajuannut sinniisuutitassaminnik ataatsimik taassumalu sinniisussaanik ataatsimik qinersissapput. Partiit kattusseqatigiilluunniit ilaasortaatitaqassutsikkut arfineq-aappaat arfineq-pingajuallu qinersinerup kingorna ukiut sisamaannut sinniisuutitassaminnik ataatsimik taassumalu sinniisussaanik ataatsimik qinersissapput.

  Imm. 2.  Sinniisuutitaq taassumalu sinniisussaa parteeqatigiissapput kattusseqatigeeqatigiissallutilluunniit. Partii kattusseqatigiilluunniit ataasiinnarmik ilaasortaatitaqarpat partiip kattusseqatigiilluunniit sinniisuutitaannut sinniisussamik qinersisoqassanngilaq.

  Imm. 3.  Partiit kattusseqatigiilluunniit arlallit amerlaqatigiinnik ilaasortaatitaqarpata, taakku tulleriinnerat makitsinikkut aalajangerneqassaaq.

  Imm. 4.  Inatsisartuni partiit kattusseqatigiillu amerlassusii katillugit arfineq-pingasunit ikinneruppata paarlakaajaanneq aallaqqaataaniit aallarteqqinneqassaaq partiit kattusseqatigiillu tamarmik sinniisuutitaqarnissaminnut periarfissaqareerpata.

  Imm. 5.  Sinniisuutitaasartussat tulleriiaarnerat qinersinerup kingorna inissitsiterfiusumik ataatsimiinnermi aalajangersarneqassaaq qinigaaffimmullu tamarmut atuutissalluni.

 

  § 27. Inatsisartut Suleriaasiat una malillugu qanoq amerlassuseqarneq najoqqutaralugu qinersinermi d´Hondtip periaasia aalajangersakkat makku malillugit atorneqartassaaq: Inatsisartunut ilaasortat immikkoortunut qinersinissami pineqartunut qanoq taaseqatigiikkumanerlutik Inatsisartut Siulittaasuannut nalunaarnerat naapertorlugu immikkoortiterneqartassapput. Taaseqatigiikkumasut amerlassusii ilaasortat qinerneqartussat amerlassusii apeqqutaatillugit 1-imik, 2-mik, 3-mik agguarneqartassapput. Kisitsisit taamaalillutik saqqummersut tunngavigalugit taaseqatigiikkumasut ataasiakkaat qanoq tulleriinneqarlutik ilaasortaatitaqalissanersut aalajangerneqartassaaq. Kisitsisit marluk amerlanerilluunniit assigiippata qanoq tulleriinneqartitsinissaq makitsinikkut aalajangerneqassaaq.

  Imm. 2. Inuk ataasiinnaq qinerneqartussaatillugu taasisut amerlanerussuteqavinnissaat piumasarineqarpoq. Qinigassanngortittut arlaannaalluunniit taaseqqaarnermi amerlanerussuteqarluinnartunit taaneqanngippat nutaamik taasisoqassaaq. Taasinermi tassanissaaq qinigassanngortittut arlaat amerlanerussuteqarluinnartunit taaneqanngippat qinigassanngortittut marluk aappassaanik taasinermi amerlanerpaanit taaneqartut taasissutigalugit pingajussaanik taasisoqassaaq. Taasinerit naligiippata qinersineq makitsinikkut aalajangiiffigineqassaaq.

 

Kapitali 7

Inatsisartut inatsisissaattut siunnersuutit aamma Inatsisartut Suleriaasiat

 

  § 28. Inatsisartut inatsisissaattut siunnersuutit inatsisissatut ilusileriigaallutik aammalu nalinginnaasumik immikkullu nassuiaatinik, taamatullu aamma siunnersuutip aningaasatigut allaffissornikkullu kingunerisassaannik allaaserinninnermik, ilaqartinneqarlutik tunniunneqartassapput. Inatsisartut inatsisissaattut siunnersuutit taaguuserneqarsimasuusassapput.

  Imm. 2.  Aammattaaq inatsisartut inatsisaata inatsisartulluunniit peqqussutaata allanngortinneqarnissaanik atorunnaarsinneqarnissaanilluunniit siunnersuuteqarnermi siunnersuut taanna Inatsisartut inatsisaata allanngortinneqarnissaanik atorunnaarsinneqarnissaanilluunniit siunnersuutitut taaguuserneqassaaq. Aamma inatsisartut inatsisaata inatsisartulluunniit peqqussutaata allanngortinneqarnissaanik atorunnaarsinneqarnissaanilluunniit inatsisartut inatsisissaattut siunnersuutit allannguutip pingaarnertut imarisaanik ersersitsisumik qulequtaaralerneqarsimassapput.

  Imm. 3. Taakku saniatigut inatsisartut inatsisissaattut siunnersuuteqarnermi § 4, imm. 5 naapertorlugu siunnersuuteqarsinnaanermut najoqqutassat erseqqinnerusut qaqugukkulluunniit atuuttut, Inatsisartut Siulittaasoqarfiannit aalajangersakkat, eqquutitinneqartassapput.

  Imm. 4.  Inatsisartut inatsisissaattut siunnersuutip Inatsisartunut saqqummiunneqarnissaa kissaatigineqaraangat tamanna siunnersuuteqartup Inatsisartut Siulittaasuannut allakkatigut nalunaarutigisassavaa, taassumalu siunnersuut, agguaanneqareeraangat, Inatsisartuni oqaluuserineqartussatut nalunaarutigisassavaa, taamaattorli § 39, imm. 2 takuuk.

 

  § 29. Inatsisartut inatsisissaattut siunnersuutit inaarutaasumik akuersissutigineqarsinnaalinnginnerminni Inatsisartunit pingasoriarlugit oqaluuserineqartassapput.

  Imm. 2.  Suleriaatsimut Ilanngussaq 1-imi oqaaseqarnissamut piffissarititat naapertorlugit siunnersuuteqartoq periarfissaqarpoq Siulittaasoqarfimmit akuerineqarluni siullermeerinninnermut saqqummiussinermini siunnersuut kingunerisassaalu pillugit naatsumik nassuiaateqarnissaminut.

  Imm. 3. Siunnersuut siullermeerneqarnermini tunngaviusumik isummat kiisalu allannguutissatut siunnersuuteqartoqarnissaanik ilimasaarisimasinnaanerit malillugit ataatsimut isigalugu oqaluuserineqartassaaq. Siunnersuut oqaluuserineqareeraangami aappassaaniigassanngortinneqartassaaq, Inatsisartullu aalajangertassavaat aappassaaneerlugu oqaluuserineqalinnginnermini ataatsimiititaliamut oqaluserisassanngorlugu innersuussutigineqassanersoq. Ataatsimiinnermik aqutsisup inassuteqarnera tunngavigalugu Inatsisartut ilanngullugu aalajangertassavaat siunnersuut ataatsimiititaliamut sorlermut innersuunneqassanersoq.

 

  § 30. Aapassaaneerinninneq siullermeerinninnerup naammassinnerata isumaliutissiissummilluunniit saqqummiussinerup kingorna siusinnerpaamik ullut pingajussaanni pisinnaavoq.

  Imm. 2. Aappassaaneeraluni oqaluuserinninnerup kingorna siunnersuut qanoq iluseqartinneqarluni pingajussaaniigassanngortinneqassanersoq taasinikkut aalajangerneqartassaaq. Allannguutissatut siunnersuutit siulliullugit taasissutigineqartassapput.

  Imm. 3. Tamatuma kingorna siunnersuut pingajussaaniigassanngortinneqassaaq, Inatsisartullu aalajangissavaat siunnersuut tamanna sioqqullugu ataatsimiititaliami siusinnerusukkut isumaliutissiissusiorsimasumi ataatsimiititaliamiluunniit allami nutaamik oqaluuserisassanngorlugu innersuussutigineqaqqissanersoq.

 

  § 31. Pingajussaaneerinninneq aappassaaneerinninnerup naammassinnerata imaluunniit isumaliutissiissummik ilassutitulluunniit isumaliutissiissummik saqqummiussinerup kingorna siusinnerpaamik ullut pingajussaanni pisinnaavoq.

Imm. 2. Allannguutissatut siunnersuutit isummerfigineqareeraangata Inatsisartut siunnersuut inaarutaasumik ilusilik naatsumik oqaluuserisinnaavaat, tamatumalu kingorna siunnersuut inaarutaasumik ilusilik taasissutigineqassalluni.

  Imm. 3. Siunnersuut inaarutaasumik akuersissutigineqartoq Inatsisartut Siulittaasuannit inatsisartullu allattaanerannit atsiorneqartassaaq, tamatumalu kingorna Naalakkersuisut Siulittaasuannut nassiunneqartassalluni.

 

  § 32. Inatsisartut inatsisissaattut siunnersuutit pillugit maleruagassat malillugit aamma Inatsisartut Suleriaasissaattut siunnersuutit aamma Inatsisartut Suleriaasiannut allannguutissatut siunnersuutit suliarineqartassapput.

 

Kapitali 8

Inatsisartut aalajangiiffigisassaattut siunnersuutit

 

  § 33. Inatsisartunut ilaasortap, partiip Naalakkersuisulluunniit inatsisiliornissamik imaluunniit inatsimmik pioreersumik allanngortitsinissamik atorunnaarsitsinissamilluunniit siunnersuutaat inatsisartut aalajangiiffigisassaattut siunnersuutitut saqqummiunneqartassapput. Siunnersuut tunngavilersugaassaaq siunnersuutillu aningaasatigut allaffissornikkullu kingunerisassai allaaserineqarsimassallutik, aalajangiiffigisassatut ilusilerneqarsimassalluni taaguuserneqarsimallunilu.

  Imm. 2. Matumanissaaq § 28, imm. 4 atorneqassaaq.

Imm. 3. Inatsisartut aalajangiiffigisassaattut siunnersuutitut aamma tulliiniittut suliarineqartassapput:

     1)  Inatsisartut nunat tamalaat akornanni suliniaqatigiiffinni ilaasortaatitaqarfigisaanni aalajangersakkanik Inatsisartut akuersissutiginninnissaannik siunnersuutit. Siunnersuutit Inatsisartut ilaasortaatitaasa siulittaasuannit saqqummiunneqartassapput.

     2)  Nutaanik aningaasaliissuteqarnissamik oqaasertaliussaqarnissamillu imaluunniit aningaasaliissutinik oqaasertaliussanillu allanngortitsinissamik qinnuteqaatit Inatsisartut Aningaasaqarnermut Ataatsimiititaliaannut suliarisassanngortinneqartut.

     3)  Siunnersuutit tunngaviusumik isigisariallit allat, Inatsisartunit aalajangiiffigissallugit pingaarutillit.

  Imm. 4. Danskit naalakkersuisuisa siunnersuutaat Naalakkersuisunit saqqummiunneqartassapput.

  Imm. 5. Imm. 1-imi taaneqartutut Inatsisartut aalajangiiffigisassaattut siunnersuut Inatsisartunit akuersissutigineqarpat Inatsisartut inatsisissaattut siunnersuuterpiatut saqqummiunneqarnermigut imaluunniit nalunaarutinngorlugu atuutilersinneqarnermigut piaartumik atuutilersinniarnissaa Naalakkersuisut pisussaaffigissavaat.

  Imm. 6. Siunnersuutit imm. 1-imi aamma 3-mi taaneqartut saniatigut Naalakkersuisunit siunnersuutit tulliini taaneqartut Inatsisartut aalajangiiffigisassaattut siunnersuutitut suliarineqartassapput:

     1)  Nunatta Karsiata naatsorsuutaasa akuersissutigineqarnissaannik siunnersuutit.

     2)  Akileraarutitigut ilanngaatit il.il. aalajangersaavigineqarnissaat pillugit siunnersuutit.

     3)  Inatsisit Danmarkimi atuuttut Kalaallit Nunaannut atortussanngortinniarneqartut pillugit Inatsisartut oqaaseqaatissaattut siunnersuutit.

     4)  Nunat tamalaat akornanni isumaqatigiissutit, nunat tamalaat nalinginnaasumik isumaqatigiissutaat il.il. akuersissutigitinniarneqartut pillugit Inatsisartut oqaaseqaatissaattut siunnersuutit.

5)  Siunnersuutit allat inatsisit allat naapertorlugit Inatsisartunit oqaaseqaateqarfigineqartariaqartut.

Imm. 7. Inatsisartut aalajangiiffigisassaattut siunnersuutit, inaarutaasumik aalajangiiffigineqartinnagit, marloriarlugit suliarineqartassapput. Siullermeerlugu suliarineqalinnginnerani siunnersuuteqartoq siunnersuumminut kingunerisassaanullu naatsumik nassuiaateqarsinnaavoq. Inatsisartut aalajangerpata Inatsisartut aalajangiiffigisassaattut siunnersuut ataatsimiititaliamut suliarineqartussanngortinneqassasoq, ataatsimiinnermik aqutsisup Inatsisartunut inassutigissavaa ataatsimiititaliaq sorleq siunnersuummik suliarinnittuussanersoq. Taama pisoqartillugu kapitali 4 tamarmiusoq naapertorlugu ataatsimiititaliaq isumaliutissiissusiortassaaq, pissutsit pineqartut qanoq ittuuneri tunngavigalugit allaassutaasinnaasut arajutsinaveersaarlugit.

  Imm. 8. Aalajangiiffigisassatut siunnersuutinut allannguutissatut siunnersuutit pineqartillugit kapitali 9 atuuppoq, pissutsit pineqartut qanoq ittuuneri tunngavigalugit allaassutaasinnaasut arajutsinaveersaarlugit.

 

Kapitali 9

Allannguutissatut siunnersuutit

 

  § 34.  Inatsisartut inatsisissaannut aamma Inatsisartut Suleriaasiannut allannguutissatut siunnersuuteqartoqarsinnaavoq. Allannguutissatut siunnersuut siunnersuutip aappassaaneerlugu oqaluuserineqarnerani Inatsisartunut ilaasortamit kimilluunniit, Naalakkersuisunit, ataatsimiititaliamit, ataatsimiititaliami amerlanerussutilinnit ikinnerussutilinnillu saqqummiunneqarsinnaavoq. Ataatsimiititaliaq, ataatsimiititaliami amerlanerussutillit ikinnerussutillilluunniit isumaliutissiissusiornermikkut allannguutissatut siunnersuummik saqqummiussisassapput. Siunnersuutip pingajussaaneerlugu oqaluuserineqarnerani Naalakkersuisut, ataatsimiititaliaq, ataatsimiititaliami amerlanerussutillit ikinnerussutillillu imaluunniit Inatsisartunut ilaasortat sisamat ataatsimoorlutik allannguutissanik siunnersuuteqarsinnaapput. Ataatsimiititaliaq, ataatsimiititaliami amerlanerussutillit ikinnerussutillilluunniit ilassutitut isumaliutissiissuteqarnermikkut allannguutissanik siunnersuuteqartassapput.

  Imm. 2. Aammattaaq Inatsisartut aalajangiiffigisassaattut siunnersuutinut allannguutissanik siunnersuuteqartoqarsinnaavoq. Aalajangiiffigisassatut siunnersuutip siullermeerlugu oqaluuserineqarnerani Inatsisartunut ilaasortat kikkulluunniit aamma Naalakkersuisut allannguutissanik siunnersuuteqarsinnaapput. Aalajangiiffigisassatut siunnersuutip aappassaaneerlugu oqaluuserineqarnerani Naalakkersuisut, ataatsimiititaliaq, ataatsimiititaliami amerlanerussutillit ikinnerussutillillu imaluunniit Inatsisartunut ilaasortat sisamat ataatsimoorlutik allannguutissanik siunnersuuteqarsinnaapput. Ataatsimiititaliaq, ataatsimiititaliami amerlanerussutillit ikinnerussutillilluunniit isumaliutissiissuteqarnermikkut allannguutissanik siunnersuuteqartassapput.

  Imm. 3. Allannguutissatut siunnersuutit allaganngorlugit oqaasertaligaassapput. Aammattaaq imm. 1 malillugu allannguutissatut siunnersuutit § 28, imm. 1 naapertorlugu nassuiaatitaqartinneqassapput.

  Imm. 4. Siunnersuutip allannguutissatut siunnersuusiorfigineqartup Inatsisartuni oqaluuserineqarnissaa kingusinnerpaamik ullormik ataatsimik sioqqullugu allannguutissatut siunnersuut Inatsisartunut ilaasortanut agguaanneqareersimassaaq.

  Imm. 5. Ilaasortap siunnersuutigisinnaavaa allannguutissatut siunnersuusiornissaq pissutigalugu oqaluuserinninneq kipitinneqarallassasoq. Tamatuma kingorna Inatsisartut aalajangissapput oqaluuserinninneq allannguutissatut siunnersuummik saqqummiussisoqarnissaa siunertaralugu kipitinneqarallassanersoq.

  Imm. 6. Allannguutissatut siunnersuummut allannguutissamik siunnersuuteqartoqarsinnaavoq (allannguutissatut siunnersuummut allannguutissatut siunnersuut) imm. 1 - 5-imi aalajangersakkat malillugit.

  Imm. 7. Siunnersuut, allannguutissatut siunnersuut allannguutissatulluunniit siunnersuummut allannguutissatut siunnersuut tunuartinneqaruni aalajangersakkami matumani maleruagassat naapertorlugit allanit saqqummiuteqqinneqarsinnaavoq.

  Imm. 8. Matumanissaaq § 39, imm. 2 atorneqassaaq.

 

Kapitali 10

Nassuiaatit

 

  § 35. Naalakkersuisut pisortat suliassaataat pillugit Inatsisartunut nassuiaateqarsinnaapput.

  Imm. 2. Naalakkersuisut Inatsisartunut taamatut nassuiaateqarumappata tamanna Naalakkersuisut Inatsisartut Siulittaasuannut nalunaarutigissavaat, taassuma nassuiaat agguaanneqareerpat Inatsisartunut nalunaarutigissavaa.

  Imm. 3. Nassuiaatit isumaqatigiinniutigineqartussaanngillat.

  Imm. 4. Immikkorluinnaq ittumik pisuni Inatsisartut Siulittaasoqarfiat isumaqatigiinniutiginnittoqarnissaanik akuersisinnaavoq.

  Imm. 5. Naalakkersuisunilli nassuiaatit tulliini taaneqartut tamatigut isumaqatigiinniutigineqartassapput:

1)  Naalakkersuisut Siulittaasuata Inatsisartut ukiuata aallartinnerani Inatsisartunut nassuiaataa.

     2)  Naalakkersuisut Siulittaasuata Inatsisartunut qinigaarlaanut nassuiaataa.

     3)  Nunanut allanut tunngasutigut naalakkersuinikkut ingerlatsineq pillugu nassuiaat.

     4)  Aningaasaqarniarnikkut ingerlatsineq pillugu nassuiaat.

     5)  Nassuiaatit inatsisit malillugit Naalakkersuisunit Inatsisartunut saqqummiunneqartussaatitaasut, taakkulu isumaqatigiinniutigineqarnissaat Naalakkersuisut kissaatigippassuk.

  Imm. 6. Aammattaaq Naalakkersuisut Siulittaasuat apeqqutit inuiaqatigiinnut kalaallinut immikkut pingaarutillit pillugit Inatsisartunut nassuiaateqarsinnaavoq. Nassuiaat taamaattoq isumaqatigiinniutigineqartassaaq.

  Imm. 7.  Nassuiaammik isumaqatigiinniutiginnittoqartussaatillugu taassuma isumaqatigiinniutigineqalinnginnerani nassuiaasiap imarisaa pingaarneq pillugu Naalakkersuisut naatsumik nassuiaateqarsinnaapput.

  Imm. 8.  Nassuiaatit pillugit oqallinnermi Inatsisartunut ilaasortat partiillu inatsisartut oqaaseqaateqarnissaannut siunnersuummik saqqummiussisinnaapput. Siunnersuut taamaattoq allakkatigut naatsumik tunngavilersuutitalerlugu ataatsimiinnermik aqutsisumut nalunaarutigineqassaaq, oqallinnermullu ingerlanneqartumut pissusissamisoortumik attuumassuteqartuussalluni. Inatsisartut oqaaseqaateqarnissaannut siunnersuummut atatillugu allannguutissatut siunnersuuteqartoqarsinnaanngilaq. Nassuiaatit pillugit oqallinnermi taamaalilluni inatsisartut oqaaseqaataat ataasiinnaq akuersissutigineqarsinnaavoq. Inatsisartut oqaaseqaateqarnissaannut siunnersuut ataaseq akuersissutigineqarpat, inatsisartut oqaaseqaatissaattut siunnersuutaajunnartut ataatsimiinnermik aqutsisumut nalunaarutigineqartut, sulili taasissutigineqanngitsut, atorunnaassapput. Nassuiaammik oqallisiginninnerup nalaani allatut ilusilimmik aalajangiisoqarsinnaanngilaq.

 

Kapitali 11

Apeqquteqaatit aallaavigalugit oqallinnerit aamma Naalakkersuisunut apeqqutit

 

  § 36. Inatsisartunut ilaasortap pisortat susassarisaat Inatsisartuni oqaluuseritinniaruniuk kiisalu Naalakkersuisunut ilaasortap tamanna pillugu nassuiaateqarnissaa, Naalakkersuisunulluunniit ilaasortat arlallit nassuiaateqarnissaat, piumasariguniuk, tamanna allaganngorlugu, erseqqissumik oqaasertalerlugu, Inatsisartut Siulittaasuannut apeqquteqaatitut tunniunneqarluni pisassaaq, apeqquteqaallu Inatsisartut Siulittaasuaniit agguaanneqarlunilu Inatsisartunut nalunaarutigineqassaaq.

  Imm. 2. Inatsisartut aalajangissavaat apeqquteqaat saqqummiunneqassanersoq. Oqaluuserinneqqaarani akuersisoqarpat apeqquteqaatip imarisaa pingaarneq siulittaasup naalakkersuisunut ilaasortamut aperineqartumut, Naalakkersuisunulluunniit ilaasortanut aperineqartunut nalunaarutigissavaa. Naalakkersuisunut ilaasortaq apeqquteqaateqarfigineqartoq isumaqaruni suliassap pineqartup oqaluuserineqarnissaa nunap soqutigisaanut akornutaassasoq apeqquteqaateqartoq tamanna pillugu nalunaarfigissavaa, tamatumalu kingorna apeqquteqaat atorunnaassaaq.

  Imm. 3.  Apeqquteqaatigineqartoq oqaluuserinninneq aallartitsinnagu tunuartinneqaruni allanit saqqummiunneqarsinnaanngilaq.

 

Naalakkersuisunut apeqqutit

 

  § 37.  Inatsisartunut ilaasortaq pisortat suliassaataat pillugu paasissutissinneqarnissaminik kissaateqarpat, tamanna Naalakkersuisunut apeqquteqarnikkut pisinnaavoq. Allakkatigut apeqquteqartoqassaaq Inatsisartut Siulittaasuannut tunniunneqartussamik. Inatsisartut Siulittaasuata apeqqut Naalakkersuisunut ingerlateqqissavaa, assilinera Inatsisartunut ilaasortanut allanut nassiutiitigalugu. Apeqqut naatsumik erseqqissumillu oqaasertalerneqarsimassaaq tunngavilersuutitaqassallunilu. Ataatsimik assigiimmillu tunngavilersuutitaqarluni arlalinnik apeqquteqaraanni apeqqutit normulersorneqarsimassapput naqinnerilluunniit malillugit tulleriinnilersorneqarsimassallutik.

  Imm. 2.  Naalakkersuisut apeqqummut akissuteqarnissaminnut pisussaaffeqanngillat:

1) Naalakkersuisut paasissutissanik akissuteqarnissaminnut atugassaminnik pissarsisinnaanngippata,

2) malunnartumik piffissaq nukissallu paasissutissanik akissuteqarnissamut atugassanik pissarsiniarnermut atortariaqassappata, imaluunniit

3) paasissutissat kissaatigineqartut nipangiussisussaatitaanermut ilaatinneqarpata.

  Imm. 3.  Akissutip ilusissaa pillugu apeqquteqartup kissaatigisaanut Naalakkersuisut pituttorsimanngillat.

  Imm. 4.  Naalakkersuisut akissuteqaataat Inatsisartut Siulittaasuannut tunniunneqartassaaq, taassumalu akissut apeqquteqartumut ingerlateqqittassallugu, assilinera Inatsisartunut ilaasortanut allanut nassiutiitigalugu.

  Imm. 5.  Apeqqutit akissuteqarfigineqarnissamik tungaanut tunuartinneqarsinnaapput. Apeqqutit allanit saqqummiuteqqinneqarsinnaanngillat.

  Imm. 6. Apeqqutit Inatsisartut nittartagaanni tamanut saqqummiunneqartassapput. Akissutit isertuussassatut naqissuserneqarsimanngikkunik Inatsisartut nittartagaanni tamanut saqqummiunneqartassapput.

  Imm. 7.  Inatsisartut ataatsimiinnerisa piareersaasiorneqarnerannut atatillugu Inatsisartut Siulittaasoqarfiat sapaatip akunneranut ataasiarluni nalunaaquttap akunneranik ataatsimik sivisussusilimmik apeqquteqartarfissamik aalajangersaasinnaavoq, Inatsisartunut ilaasortat malaatiinnarlugu nalunaarutigeqqaarnagulu Naalakkersuisunut ingerlaannartumik akisassamik apeqquteqarfigisinnaasaannik. Naalakkersuisut nalunaarpata apeqqut akissuteqarfigisinnaanagu suliarinera taamaalilluni naammassineqassaaq. Sapaatip akunnikkaartumik akunnermi apeqquteqarfiusartumi aalajangiisoqarsinnaanngilaq.

 

Kapitali 12

Inatsisartut katersuuttarneri ataatsimiittarnerilu

 

Tunngaviusut

 

  § 38. Inatsisartut ukiuat septembarip qaammataani tallimanngornerit aappaanni aallartittarpoq ukiullu tulliani tallimanngorneq taanna tikillugu ingerlasarluni.

  Imm. 2. Inatsisartut ukiuata ingerlanerani Inatsisartut ikinnerpaamik marloriarlutik ileqquusumik ataatsimiittassapput.

  Imm. 3. Inatsisartut Siulittaasuata pisariaqartileraangagu imaluunniit Naalakkersuisut Siulittaasuata piumasarigaangagu Inatsisartunulluunniit ilaasortat ikinnerpaamik affaasa piumasarigaangassuk Inatsisartut piffissaagallartillugu sioqqutsisumik nalunaarfigineqareernertik tunngavigalugu immikkut ittumik ataatsimiittassapput. Immikkut ittumik ataatsimiinnerni suliassat immikkut ittumik ataatsimiigiaqqusinermut tunngavigineqartut kisimik Inatsisartuni oqaluuserineqartassapput.

  Imm. 4.  Inatsisartut ileqquusumik katersuunnermi Inatsisartut tullianik ileqquusumik katersuunnissaannut piffissaq ataatsimiiffiusussaq aalajangissavaat.

  Imm. 5.  Naalakkersuisunut Inatsisartunullu ilaasortanit siunnersuutit Inatsisartut ukiuata naanerani inaarutaasumik akuersissutigineqarsimanngitsut atorunnaartarput, taamaattorli imm. 6 takuuk. Tamanna aamma atuuppoq Inatsisartunut ilaasortanit apeqquteqaatinut, Inatsisartut ukiuata naanerani inaarutaasumik suliarineqarsimanngitsunut.

  Imm. 6.  § 33, imm. 6, nr. 1 naapertorlugu Nunatta Karsiata Naatsorsuutaasa akuerineqarnissaannik siunnersuut imm. 5 apeqqutaatinnagu Inatsisartut ukiuata naanerani atorunnaarneq ajorpoq.

 

Oqaluuserisassat ilusilerneqarnissaannut piumasaqaatit, oqaluuserisassat, piffissat oqaluuserisassanik tunniussivissat

 

  § 39. Inatsisartut ataatsimiinneranni oqaluuserisassanut ilanngutitinniakkat oqaluuserisassanik ilusiliinissamut saqqummiussinissamullu piumasaqaatit Inatsisartut Suleriaasianni matumani aalajangersakkat, inatsisini allani aalajangersakkat imaluunniit Inatsisartut Siulittaasoqarfiannit § 4, imm. 5 naapertorlugu aalajangerneqartut naapertorlugit suliarineqarsimasassapput.

  Imm. 2. Oqaluuserisassanut ilanngutitinniakkat ilusiliinissamut saqqummiussinissamullu piumasaqaatinik imm. 1-mi aalajangersarneqartunik eqquutsitsinngitsut Inatsisartut Siulittaasoqarfiannit itigartitsissutigineqarsinnaapput.

 

  § 40.  Oqaluuserisassat, Inatsisartut oqaluuserisassaattut ilanngutitikkumasat, kingusinnerpaamik Inatsisartut ataatsimiinnissaata pineqartup aallartinnissaa sapaatip akunnerinik tallimanik sioqqullugu piumasaqaatit naapertorlugit saqqummiunneqassapput, Inatsisartulluunniit Siulittaasuannut tunniunneqarlutik.

  Imm. 2.  § 36 malillugu apeqquteqaatit ilusissarititaasutut iluseqarlutik Inatsisartut Siulittaasuannut tunniunneqareersimassapput ataatsimiinnissap apeqquteqaatip oqaluuserineqarfissaatut kissaatigineqartup aallartinnissaa kingusinnerpaamik sapaatit akunnerinik marlunnik sioqqullugu.

 

  § 41. Immikkorluinnaq ittunik pisoqartillugu piffissaliussat Inatsisartut Suleriaasianni matumani aalajangersakkat Inatsisartut Siulittaasoqarfiannit sanioqqunneqarsinnaapput.

 

  § 42. Siunnersuutit, nassuiaatit, apeqquteqaatit apeqqutillu ilusiliinissamut piumasaqaatit naapertorlugit allaganngorlugit saqqummiussat Inatsisartulluunniit Siulittaasuannut tunniussat ullormi saqqummiunneqarfimminni tunniunneqarfimminniluunniit nalunaarsorneqartassapput. Siunnersuutit il.il., oqaaseqatigiinni siullerni taasat, ulluinnarni nal. 12.00-ip kingornagut saqqummiussat tunniunneqartulluunniit ulluinnarmi tullermi saqqummiussatut tunniussatulluunniit nalunaarsorneqartassapput. Aamma taamaappoq siunnersuutinut il.il. arfininngornikkut nalliuttuniluunniit saqqummiunneqartunut tunniunneqartunulluunniit tunngatillugu.

  Imm. 2. Inatsisartut Siulittaasuata siunnersuutit il.il. saqqummiussat tunniunneqartulluunniit agguaanneqarnissaat nalunaarutigineqarnissaallu pisussaaffigaa. Nalunaarutiginninneq oqaluuserisassanut ilanngunneqarsinnaavoq.

 

 § 43. Inatsisartut Siulittaasoqarfiat Inatsisartut ataatsimiinnerinut oqaluuserisassatut siunnersuutaagallartumik Inatsisartunut naammaginartumik akuttussusilimmik nalunaaruteqartassaaq. Nalunaarutiginninneq allagarsiussamut innersuussinikkut pisinnaavoq.

  Imm. 2.  Ataatsimiinneq aallartereeraangat ataatsimiinnermik aqutsisup pissutissaqarluni ataatsimiinnermi oqaluuserisassat tulleriinnerat allanngortissinnaavaa imaluunniit oqaluuserisassamik ullumi pineqartumi isumaqatigiinniarnerniit peersisinnaalluni.

  Imm. 3.  Ataatsimiinnermik aqutsisoq ataatsimiinnermi oqaluuserisassanut suliassanik nutaanik ilanngussisinnaanngilaq Inatsisartut akuersissuteqarsimatinnagit.

 

  § 44.  Siunnersuutit, apeqquteqaatit suliassalluunniit allat danskit naalakkersuisuinit imaluunniit Naalakkersuisunit tuaviortutut isigineqartut inatsisartut ataatsimiinneranni pineqartumi oqaluuserisassanut ilanngunneqaqqullugit Naalakkersuisut Inatsisartut Siulittaasoqarfiannut qinnuteqarsinnaapput.

 

Inatsisartut ataatsimiinneri

 

  § 45. Inatsisartunut ilaasortat ikinnerpaamik affaat najuuppata taaseqataappatalu Inatsisartut aalajangiisinnaassuseqarput. Ilaasortaq taaseqataasinnaassaguni inimi ataatsimiiffimmi nammineerluni najuutissaaq.

  Imm. 2. Ilaasortat nikuillutik qarasaasiatigulluunniit atortulersuutit atorlugit taasisassapput. Taamaattorli kapitalit 4 aamma 5 naapertorlugit ataatsimiititalianut il.il. ilaasortassanik qinersisoqartillugu ilaasortat amerlanerussutillit piumasarigaangassuk allakkatigut taasisoqartassaaq.

  Imm. 3. Ataatsimiinnermik aqutsisoq isumaqaruni ilaasortat tamarmik isumaqatigiittut, siunnersuut taasinertaqanngitsumik akuersissutigineqartoq itigartitsissutigineqartorluunniit nalunaarutigisinnaavaa. Inatsisartunulli ilaasortap kialuunniit taasisoqarnissaa piumasarisinnaavaa. Inatsisartut inatsisissaattut siunnersuutip pingajussaaneerneqarnerata naammassinerani imaluunniit aalajangiiffigisassatut siunnersuutip aappassaaneerneqarnerata naammassinerani tamatigut taasisoqartassaaq.

  Imm. 4. Aalajangigaq oqaluuserineqarfigisamini aalajangiiffigineqartoq allanngortinneqarsinnaanngilaq.

 

Immikkut ittumik ataatsimiittoqartillugu Inatsisartut ataatsimiinnerinut qarasaasiakkut peqataaneq

 

  § 45 a.  Suliassamik kinguartinneqarsinnaanngitsumik suliarinninniarlutik Inatsisartut immikkut ittumik ataatsimiissatillugit ataatsimiinnerup videukkut nalunaarasuartaatitigulluunniit attaveqaatitigut ataatsimiinnertut, imaluunniit najuulluni aamma videukkut nalunaarasuartaatitigulluunniit attaveqaatitigut ataqatigiissillugit ataatsimiinnertut ingerlanneqarnissaa Siulittaasoqarfiup aalajangersinnaavaa. § 45, imm. 1, tamatumunnga naapertuuttumik naleqqussarlugu taamatuttaaq atuutissaaq.

  Imm. 2.  Ilaasortanut najuunnatik peqataasunut § 49, imm. 1, oqaaseqatigiit siulliit marluk atuutissanngillat.

  Imm. 3.  Taasisitsinerit Siulittaasoqarfiup sukumiinerusumik aalajangersagai malillugit ingerlanneqartassapput.

 

  § 46. Allamik aalajangiisoqarsimatinnagu aalajangiinerit tamarmik amerlanerussuteqarnikkut pisassapput.

  Imm. 2. Taasinermi siunnersuummut isumaqataasut akerliusullu amerlaqatigiippata siunnersuut atorunnaassaaq.

  Imm. 3. Siunnersuutit Inatsisartut ataatsimiinnerminni inaarutaasumik aalajangeriigaat aatsaat ataatsimiinnermi tassani allanngortinneqarsinnaapput Inatsisartunut ilaasortat tamarmiusut 3/5-iisa tamanna akuersissutigippassuk.

 

Ataatsimiinnermik aqutsineq

 

  § 47. Inatsisartut Siulittaasuata imaluunniit siulittaasup tulliata siulliup, tulliata aappaata, pingajuata sisamaataluunniit taakkuluunniit sinniisussaasa akunnerminni isumaqatigiissut malillugu Inatsisartut ataatsimiinneri aquttarpaat.

  Imm. 2. Inatsisartut Siulittaasoqarfiannut ilaasortaq suliamik Inatsisartunut saqqummiunneqartumik saqqummiussisuusoq imaluunniit oqaaseqartuusoq suliap oqaluuserineqarnerata nalaani ataatsimiinnermik aqutsisuusinnaanngilaq.

 

  § 48. Suleriaatsimut Ilanngussami 1-imi tulleriinnilersuineq nalunaarneqartoq malillugu isumaqatigiinniarnerit ingerlanneqartassapput. Ilanngussami allatut nalunaarsimasoqartinnagu partiip Inatsisartuni amerlanerpaanik ilaasortaatitaqartup oqaaseqartartua siulliulluni oqaaseqassaaq, tulliulluni oqaaseqassalluni partii amerlanerpaat tulliinik ilaasortaatitaqartoq il.il., partiit tamarmik oqaaseqartuisa oqaaseqarnissaasa tungaanut. Partiit marluk amerlaqatigiinnik ilaasortaatitaqartillugit Inatsisartunut qinersinermi kingullermi partiip amerlanernik qinerneqartup oqaaseqartartua siulliulluni oqaaseqassaaq.

  Imm. 2. Oqaaseqarumasoq kinaluunniit ataatsimiinnermik aqutsisumut saaffiginnittassaaq, taassumalu Inatsisartunut ilaasortat oqaaseqarumallutik saaffiginninneri malillugit tulleriiaarlugit oqaaseqartittassavai. Ataatsimiinnermik aqutsisoq partiit oqaaseqartuinut, oqaluuserisat aalajangersimasut naammassillugit oqaluuserineqarnissaannut kiisalu Inatsisartunut ilaasortat arlaata naatsumik oqaaseqarniarluni kissaateqarneranut atatillugu immikkut aalajangiisinnaavoq. Ataatsimiititaliami ikinnerussuteqartut oqaaseqartuat, ikinnerussuteqartut ilaasortamik ataasiinnarmilluunniit inuttaqaraluarpata, oqaaseqartutut isigineqassaaq.

  Imm. 3.  Inatsisartuni oqallinnermi suleriaatsimut Ilanngussami 1-imi oqaaseqarnermi piffissaliussatut nalunaarsukkat atuutissapput.

 

  § 49. Ilaasortat Naalakkersuisunullu ilaasortat Inatsisartut oqaluttarfianniit oqaaseqartassapput. Taamaattorli malitsigisaanik oqaaseqaatit malitsigisaanillu apeqquteqaatit ataatsimiittarfimmi oqaluttup issivianit saqqummiunneqartassapput. Ataatsimiinnermik aqutsisup kisimi oqaaseqarnerit kipitissinnaavai.

  Imm. 2. Ilaasortat Naalakkersuisunullu ilaasortat ataatsimiinnermik aqutsisup ataatsimiinnermi pissuserissaarnissaq pillugu aalajangiineri tamaasa naalattassavaat aammalu ataatsimiinnermi pissuserissaarnissaq allanit malinneqanngikkaangat ataatsimiinnermik aqutsisoq ilisimatittassallugu.

  Imm. 3. Ataatsimiinnermik aqutsisup ilaasortaq Naalakkersuisunulluunniit ilaasortaq ataatsimiinnermi pissuserissaarnissamik siusinnerusukkut peqquneqaraluarluni naalasseriitsoq oqaaseqarniarluni kissaataanik itigartissinnaavaa.

  Imm. 4. Ataatsimiinnermi eqqissiviilliortoqalerpat ataatsimiinnermik aqutsisup ataatsimiinneq unitsissavaa pisariaqartikkuniullu kinguartissinnaallugu.

  Imm. 5.  Inatsisartut pissuserissaarnissaq pillugu maleruagassaannik ilaasortaq annertuumik sanioqqutsippat, ullut ataatsimiiffiusut 14-it tikillugit ilaasortaq Inatsisartut ataatsimiinnerinit Inatsisartut Siulittaasoqarfiata peqataasussaajunnaarsissinnaavaa. Peqataasussaajunnaarsinneqarnermi nalaani ilaasortaq Inatsisartut ataatsimiititaliaasa ataatsimiinnerini aammattaaq peqataasinnaanngilaq. Ilaasortaq peqataasussaajunnaarsitaasoq piffissami peqataasussaajunnaarnermini aningaasarsiaqassanngilaq.

 

  § 50. Ataatsimiinnermik aqutsisup imaluunniit Inatsisartunut ilaasortap siunnersuutigisinnaavaa oqaluuserinninneq naammassineqassasoq, tamannalu Inatsisartut oqaluusereqqinnagu aalajangiiffigissagaat.

 

  § 51. Inatsisartunut ilaasortap suliap suulluunniit oqaluuserineqarnerani siunnersuutigisinnaavaa oqaluuserisassamut tullermut ingerlaqqittoqassasoq. Siunnersuut taamaattoq ataatsimiinnermik aqutsisumut nalunaarutigineqassaaq, allaganngorlugulu tunngavilersuummik naatsumik ilaqartinneqarluni. Tamanna taasinikkut aalajangiiffigineqassaaq. Siunnersuut akuerineqarpat oqaluuserisaq pineqartoq atorunnaassaaq.

 

  § 52. Oqaluuserisassamut tullermut ingerlaqqittoqarnissaanik siunnersuut tunngavilersuummigut Naalakkersuisunik imaluunniit Naalakkersuisunut ilaasortamik tatiginninnginnermik tunngaveqartinneqarpat siunnersuut taamaattoq aatsaat oqaluuserineqartumut pissusissamisoortumik attuumassuteqaruni oqaluuserineqarsinnaavoq.

  Imm. 2. Taamatulli oqaluuserisassanngortitsineq pisinnaanngilaq Inatsisartut ammaanersiorlutik oqallinneranni.

 

Ataatsimiinnerit ammasuuneri

 

  § 53. Inatsisartut ataatsimiinneri tamanut ammasuupput. Taamaattorli Inatsisartut aalajangersinnaavaat suliassat ataasiakkaat matoqqasumik ataatsimiinnermi oqaluuserineqassasut. Suliassap matoqqasumik suliarineqarnissaanut tunngavissaqarnersoq pillugu apeqqut matoqqasumik oqaluuserineqassaaq, tamanna Inatsisartut ataatsimiinnermilluunniit aqutsisup aalajangerpassuk.

  Imm. 2.  § 24 naapertorlugu siunnersuisoqatigiiffinnut aalajangiisartutullu ataatsimiititalianut il.il. qinersinerit tamatigut matoqqasumik ingerlanneqartassapput.

 

  § 54. Inatsisartuni isumaqatiginninniarnerit kalaallisut ingerlanneqassapput. Inatsisartunut Naalakkersuisunullu ilaasortat kalaallit oqaasiinik atuinngitsut danskisut oqalussinnaatitaapput, oqaasiilu kalaallisuumut nutserneqassallutik taamatuttaarlu isumaqatigiinniarnerit danskisut aamma malinnaaffigineqarsinnaassallutik.

 

  § 55.  Inatsisartut Siulittaasoqarfiata Inatsisartut isumaqatigiinniarneri Inatsisartut nittartagaanni kalaallisut qallunaatullu tamanut saqqummiuttassavai.

 

Qaaqqusatut oqaaseqartitsinerit

 

§ 55 a. Siulittaasoqarfiup isumaqatigiilluni nunani allani naalakkersuisut, inatsisartut nunallu tamalaat akornanni suliniaqatigiiffiit il.il. sinniisaat nuimasut Nuummut tikeraarnerinut atatillugu Inatsisartut oqaluttarfianniit Inatsisartunut Naalakkersuisunullu oqaaseqaqqullugit qaaqqusinnaavaat.

 

Nammineq atuuffiit inuussutissarsiutillu pillugit paasissutissat

 

  § 56.  Qanoq annertutigisumik qanorlu ilusilimmik Inatsisartunut ilaasortat namminneq atuuffitik inuussutissarsiutitillu pillugit Inatsisartut atuuffinnik nalunaarsuiviannut paasissutissiisarnissaannut malittarisassanik Suleriaatsimut Ataatsimiititaliaq aalajangersaassaaq.

  Imm. 2.  Inatsisartunut ilaasortat qinigaasinnaanermik akuerineqarnerata kingorna qaammat ataaseq qaangiutsinnagu Inatsisartut atuuffinnik nalunaarsuiviannut paasissutissanik tunniussissapput. Paasissutissanik tunniussinermi immikkut immersuivissaq ilaasortat atussavaat.

  Imm. 3.  Sinniisussat piffissamut aalajangersimanngitsumut Inatsisartunut ilaasortaq taarserlugu ilaasortanngortut Inatsisartunut ilaasortanngornermik kingorna ullut 30-it iluanni paasissutissanik tunniussissapput. Pisussaaffik tamanna aamma atuuppoq sinniisussanut piffissamut sivikinnerpaamik ullunut 30-inut Inatsisartunut ilaasortaq taarserlugu ilaasortanngorallartunut.

  Imm. 4.  Inatsisartut atuuffinnik nalunaarsuiviat Inatsisartut nittartagaanni tamanit takuneqarsinnaassaaq.

 

 

Kapitali 13

Tunuarneq, sulinngiffeqarneq il.il.

 

  § 57.  Naalakkersuisunut ilaasortaq Naalakkersuisunit tunuarniuteqarpat Inatsisartut aalajangissavaat qinnuteqaat akuerineqarsinnaanersoq.

  Imm. 2.  Naalakkersuisunut ilaasortaq peqqiilliornini allamilluunniit pingaarutilimmik pissuteqartumik sulinngiffeqarnissamik qinnuteqarpat Naalakkersuisut Siulittaasuata aalajangissavaa qinnuteqaat akuerineqarsinnaanersoq. Naalakkersuisut Siulittaasuat peqqiilliornini allamilluunniit pingaarutilimmik pissuteqartumik sulinngiffeqarnissamik qinnuteqarpat Inatsisartut aalajangissavaat qinnuteqaat akuerineqarsinnaanersoq. Inatsisartut ataatsimiinnerata avataani qinnuteqartoqarpat Inatsisartut Siulittaasoqarfiata Inatsisartut sinnerlugit aalajangissavaa qinnuteqaat akuerineqarsinnaanersoq.

  Imm. 3.  Naalakkersuisunut ilaasortaq sulinngiffeqarallarnissaminik akuerineqarpat imaluunniit Inatsisartut ataatsimiinneranni peqataasinnaanngikkallarpat Naalakkersuisut Siulittaasuata Inatsisartut Siulittaasuannut nalunaarutigissavaa taassuma suliassaqarfii kimit isumagineqarallassanersut.

 

  § 58.  Inatsisartunit sulinngiffeqarneq peqataasinnaanngikkallarnerlu kiisalu sinniisussamik ataatsimiigiaqqusisarneq pillugit Inatsisartut malittarisassaat suleriaatsimut matumunnga Ilanngussami 2-mi aalajangersarneqarput.

  Imm. 2.  Inatsisartunut ilaasortaq Inatsisartunit tunuarumalluni qinnuteqaateqarpat Inatsisartut aalajangissavaat qinnuteqaat akuerineqassanersoq. Inatsisartunut qinersinermi qinersinermik allattaavimmi sinniisussat allattorsimaffianni ilanngunneqarsimalluni sinniisussaq qinikkatut sulinnginnissaminik qinnuteqarpat qinnuteqaat akuerineqarsinnaanersoq Inatsisartut aalajangissavaat. Qinnuteqaat Inatsisartut ataatsimiinnerata avataatigut saqqummiunneqarpat Inatsisartut sinnerlugit Inatsisartut Siulittaasoqarfiata aalajangissavaa qinnuteqaat akuerineqarsinnaanersoq.

 

Kapitali 14

Inatsisartut allaffeqarfiat Inatsisartullu ataanni suliffeqarfiit

 

  § 59. Inatsisartuni tjenestemanditut atorfillit sulisullu allat akissaateqarfiit 39-anni tassanngaluunniit qaffasinnerusumi inissisimasut Inatsisartut Siulittaasoqarfiannit atorfinitsinneqarlutillu soraarsinneqartassapput.

  Imm. 2.  Inatsisartut allaffeqarfianni sulisut allat Inatsisartut Siulittaasuannit imaluunniit Siulittaasup taamaaliornissamut piginnaatitaanit atorfinitsinneqarlutillu soraarsinneqartassapput.

  Imm. 3. Inatsisartut Ombudsmandiata sulisuni atorfinitsillugillu soraarsittassavai.

  Imm. 4. Inatsisartut Allattoqarfianni sulisut aammalu Inatsisartut Ombudsmandianni sulisut akissarsiaat Inatsisartut Siulittaasuannit aalajangersarneqartassapput.

  Imm. 5. Tjenestemandit Inatsisartut suliffeqarfiini atorfillit pillugit Inatsisartut inatsisaanni nr. 4-mi, ulloq 20. maj 1998-imeersumi, § 50 naapertorlugu Inatsisartut Allattoqarfianni tjenestemandit aamma Inatsisartut Ombudsmandianni tjenestemandit soraarnerussutisiaqartinneqassapput maleruagassat Namminersorlutik Oqartussani tjenestemandinut atuuttut malillugit.

 

  § 60. Inatsisartut missingersuutissaattut siunnersuutit, missingersuutinik Inatsisartut Ombudsmandiannit pissarsianik ilallit, sulisoqarnikkut killissarititaasussatut kissaatigineqartunik pisariaqarnera malillugu nassuiaatitaqartussat, Inatsisartut Siulittaasoqarfiannit suliarineqartassapput. Inatsisartut Siulittaasoqarfiat Inatsisartut Suleriaasiannut Ataatsimiititaliamut inassuteqaateqartassaaq, taassumalu siunnersuut piffissaalluarallartillugu aningaasallu ukiuannut tulliuttumut Inatsisartut aningaasanut inatsisissaattut siunnersuummut ilanngunneqarsinnaanngorlugu naammassillugu suliarissavaa. Missingersuutissatut siunnersuut Inatsisartut Suleriaasiannut Ataatsimiititaliap akuerisaa aningaasat ukiuannut tulliuttumut inatsisartut aningaasanut inatsisissaattut siunnersuutip suliarineqarnissaanut atugassanngorlugu Naalakkersuisut Siulittaasuannut ingerlatinneqassaaq, inassuteqaatigalugu aningaasaliissutissat Inatsisartunut tunngasut katinneri inatsisissatut siunnersuummut ilanngussami 1-imi ilanngunneqassasut, missingersuutillu katitigaaneri aningaasanut inatsisissatut missingersuutitut ilanngussanut ilanngunneqassasut.

  Imm. 2.  Taamatuttaaq inatsisartut ilassutitut aningaasaliissutissaattut siunnersuummi Inatsisartunut tunngatillugu ilanngutitinniakkat, Inatsisartut Ombudsmandiata ilanngutitikkumasaanik pissarsianik ilallit, Inatsisartut Siulittaasoqarfiannit suliarineqartassapput. Inatsisartut Siulittaasoqarfiat Inatsisartut Suleriaasiannut Ataatsimiititaliamut inassuteqaateqartassaaq, taassumalu siunnersuut piffissaalluarallartillugu aningaasallu ukiuanni pineqartumi inatsisartut ilassutitut aningaasaliissutissatut inatsisissaattut siunnersuummut ilanngunneqarsinnaanngorlugu naammassillugu suliarissavaa.

 

Kapitali 15

Aalajangersakkat allat

 

  § 61.  Inatsisartunut nutaamik qinersinertaqanngitsumik Inatsisartut Naalakkersuisut atuukkunnaarsippatigit Naalakkersuisunillu nutaanik qinersillutik piffissap qinigaaffiup sinneranut Inatsisartut nutaamik inissitsitissallutik aalajangersinnaapput.

  Imm. 2.  Imm. 1 malillugu inissitsiternermi nutaamik qinersisoqareernermi inissitsiterneq pillugu aalajangersakkat atorneqassapput, taamaattorli allannguutinik Inatsisartut aalajangigaannik allannguuteqartinneqarsinnaallutik.

 

  § 62.  Inatsisartut allagaataasa isumannaatsumik paarineqarnissaat Inatsisartut Siulittaasoqarfiata isumagissavaa.

 

 

Kapitali 16

Atuutilersitsineq

 

  § 63. Suleriaasissaq manna ulloq 1. december 2010 atuutilerpoq.

  Imm. 2. Kalaallit Nunaanni Inatsisartut Suleriaasiat 4. november 1999-imeersoq ulloq 23. maj 2000-imi, ulloq 19. oktober 2001-imi, ulloq 8. april 2003-mi, ulloq 28. november 2008-mi aamma ulloq 9. april 2010-mi allannguutitalik suleriaasissap matuma atuutilernera peqatigalugu atuukkunnaarsinneqarpoq.

 

---------------------

 

22. september 2011 Inatsisartut suleriaasiata allanngortinneqarnerani § 9, imm. 1-ip oqaasertalerneqarnera allanngortinneqarpoq.

 

Suleriaatsip allannguutaa imaattumik atuutilersitsinermut aalajangersagartaqarpoq:

 

§ 2

 

Allannguutit akuersissutigineqarunik ingerlaannaq atuutilissapput, tamatumalu kingorna Inatsisartuni ataatsimiititaliat tamarmik nutaamik pilerseqqinneqarlutik.

 

---------------------

 

29. maj 2012 Inatsisartut suleriaasiata allanngortinneqarnerani § 17, imm. 4-p aamma § 38, imm. 1-ip oqaasertalerneqarneri allanngortinneqarput.

 

 

Suleriaatsip allannguutaa imaattumik atuutilersitsinermut aalajangersagartaqarpoq:

 

                                                                         § 2

 

Allannguutit 1. januar 2013 atuutilerput.

 

---------------------

 

28. maj 2015 Inatsisartut Suleriaasiata allanngortinneqarneratigut §§-it 1, 4, 10, 11, 14, 19, 36, 38, 40, 43 aamma 48 oqaasertalerneqarneri allanngortinneqarput, kapitalip 13-ip oqaasertalerneqarnera allanngortinneqarpoq, pifffissat oqaaseqarfiusinnaasut pillugit ilanngussaq allanngortinneqarluni ilanngussamillu nutaamik (sulinngiffeqarallartarneq najuutinngikkallartarnerlu kiisalu sinniisussamik aggersaasarneq pillugit ilanngussaq 2) ilanngussisoqarluni.

 

Suleriaatsip allannguutaa imaattumik atuutilersitsinermut aalajangersagartaqarpoq:

 

                                                                         § 2

 

Allannguutit ulloq 1. juli 2015 atuutilissapput.

 

---------------------

 

1. juni 2016 Inatsisartut Suleriaasiata allanngortinneqarneratigut § 36, imm. 1 aamma 4 oqaasertalerneqarneri allanngortinneqarput, oqaaseqarnissamut piffissarititat pillugit ilanngussaq (ilanngussaq 1) allanngortinneqarluni aamma ilanngussami 2-mi § 4, imm. 2 atuukkunnaarsinneqarluni.

 

Suleriaatsip allannguutaa imaattumik atuutilersitsinermut aalajangersagartaqarpoq:

 

§ 2

 

Allannguutit 1. juli 2016 atuutilissapput.

 

---------------------

 

22. november 2019 Inatsisartut Suleriaasiata allanngortinneqarneratigut § 12 a ilanngunneqarpoq, § 26, imm. 3-p oqaasertalerneqarnera allanngortinneqarpoq, § 26 ilanngunneqarpoq, § 29, imm. 2-p oqaasertalerneqarnera allanngortinneqarpoq, § 36, imm. 4 atorunnaarsinneqarpoq, § 37, § 38, imm. 4-p, aamma § 40, imm. 2-p oqaasertalerneqarneri allanngortinneqarput, § 43, imm. 2 atorunnaarsinneqarpoq, § 47, imm. 1-ip, § 53, imm. 2-p, aamma § 55-ip oqaasertalerneqarneri allanngortinneqarput, piffissat oqaaseqarfiusinnaasut pillugit ilanngussaq (ilanngussaq 1) allanngortinneqarpoq ilanngussamilu 2-mi § 8, imm. 2-p oqaasertalerneqarnera allanngortinneqarluni, § 11 atuukkunnaarsinneqarluni § 14-imilu immikkoortunik nutaanik ilanngussisoqarluni.

 

Suleriaatsip allannguutaa imaattumik atuutilersitsinermut aalajangersagartaqarpoq:

 

§ 2

 

Allannguutit 1. januar 2020-mi atuutilissapput, taamaattoq imm. 2 takujuk.

  Imm. 2.  § 37 1. juli 2020-mi atuutilissaaq.

  Imm. 3.  § 26 a tunngavigalugu sinniisuutitassanik taakkulu sinniisussaannik qinersineq 2020-mi upernaakkut ataatsimiinnermi siullermeerutaasumik ingerlanneqassaaq.

 

---------------------

 

24. november 2022 Inatsisartut Suleriaasiata allanngortinneqarneratigut § 45 a ilanngunneqarpoq.

 

Suleriaatsip allannguutaa imaattumik atuutilersitsinermut aalajangersagartaqarpoq:

 

§ 2

 

Allannguutit ulloq 1. december 2022 atuutilerput.

ILANNGUSSAQ 1

 

OQAASEQARNISSAMUT PIFFISSARITITAT

(piffissaq sivisunerpaamik oqaaseqarfiusinnaasoq minutsinngorlugu)

 

 

Inatsisartut inatsisissaannut siunnersuutit Naalakkersuisunit saqqummiunneqartut, aningaasanut inatsit pinnagu:

 

Siullermeerinninneq

Saqqummiussineq . . . . . . . . . . . . . . . . . . . . . . . . . . . . . . . . 10 min.

Partiit oqaaseqarneri . . . . . . . . . . . . . . . . . . . . . . . . . . . . . . 15 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . 15 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Aappassaaneerinninneq

Naalakkersuisut akissuteqaataat . . . . . . . . . . . . . . . . . . . . . 10 min.

Partiit oqaaseqarneri . . . . . . . . . . . . . . . . . . . . . . . . . . . . . . 15 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . 10 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Pingajussaaneerinninneq – Allannguutissatut siunnersuuteqartoqanngippat

Naalakkersuisut akissuteqaataat . . . . . . . . . . . . . . . . . . . . . . 5 min.

Partiit oqaaseqarneri . . . . . . . . . . . . . . . . . . . . . . . . . . . . . . . 2 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Pingajussaaneerinninneq – Allannguutissatut siunnersuuteqartoqarsimappat

Naalakkersuisut akissuteqaataat . . . . . . . . . . . . . . . . . . . . . . 5 min.

Partiit oqaaseqarneri . . . . . . . . . . . . . . . . . . . . . . . . . . . . . . 10 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Inatsisartut inatsisissaannut siunnersuutit Inatsisartunit ilaasortanit saqqummiunneqartut:

 

Siullermeerinninneq

Saqqummiussineq . . . . . . . . . . . . . . . . . . . . . . . . . . . . . . . . 10 min.

Naalakkersuisut akissuteqaataat . . . . . . . . . . . . . . . . . . . . . 10 min.

Partiit oqaaseqarneri . . . . . . . . . . . . . . . . . . . . . . . . . . . . . . 15 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . 15 min. (Partii ataaseq apeqqutit 2)

Siunnersuuteqartup naggataarutaasumik oqaaseqarnera . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Aappassaaneerinninneq

Naalakkersuisut akissuteqaataat . . . . . . . . . . . . . . . . . . . . . 10 min

Partiit oqaaseqarneri . . . . . . . . . . . . . . . . . . . . . . . . . . . . . . 15 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . 10 min. (Partii ataaseq apeqqutit 2)

Siunnersuuteqartup naggataarutaasumik oqaaseqarnera . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Pingajussaaneerinninneq – Allannguutissatut siunnersuuteqartoqanngippat

Naalakkersuisut akissuteqaataat . . . . . . . . . . . . . . . . . . . . . 5 min

Partiit oqaaseqarneri . . . . . . . . . . . . . . . . . . . . . . . . . . . . . . 2 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . 5 min. (Partii ataaseq apeqqutit 2)

Siunnersuuteqartup naggataarutaasumik oqaaseqarnera . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Pingajussaaneerinninneq – Allannguutissatut siunnersuuteqartoqarsimappat

Naalakkersuisut akissuteqaataat . . . . . . . . . . . . . . . . . . . . . . 5 min

Partiit oqaaseqarneri . . . . . . . . . . . . . . . . . . . . . . . . . . . . . . 10 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

Siunnersuuteqartup naggataarutaasumik oqaaseqarnera . . .  5 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Aningaasanut inatsisissamut siunnersuut:

 

Siullermeerinninneq

Saqqummiussineq . . . . . . . . . . . . . . . . . . . . . . . . . . . . . . . . 20 min.

Partiit oqaaseqarneri . . . . . . . . . . . . . . . . . . . . . . . . . . . . . . 30 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . 15 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Aappassaaneerinninneq

Naalakkersuisut akissuteqaataat . . . . . . . . . . . . . . . . . . . . . 20 min.

Partiit oqaaseqarneri . . . . . . . . . . . . . . . . . . . . . . . . . . . . . . 30 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . 10 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Pingajussaaneerinninneq - Allannguutissatut siunnersuuteqartoqanngippat

Naalakkersuisut akissuteqaataat . . . . . . . . . . . . . . . . . . . . . 10 min.

Partiit oqaaseqarneri . . . . . . . . . . . . . . . . . . . . . . . . . . . . . . . 4 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Pingajussaaneerinninneq - Allannguutissatut siunnersuuteqartoqarsimappat

Naalakkersuisut akissuteqaataat . . . . . . . . . . . . . . . . . . . . . 10 min.

Partiit oqaaseqarneri . . . . . . . . . . . . . . . . . . . . . . . . . . . . . . 20 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Inatsisartut aalajangiiffigisassaattut siunnersuutit Naalakkersuisunit saqqummiunneqartut, Nunatta Karsiata Naatsorsuutai eqqaassanngikkaanni:

 

Siullermeerinninneq

Saqqummiussineq . . . . . . . . . . . . . . . . . . . . . . . . . . . . . . . . . 5 min.

Partiit oqaaseqarneri . . . . . . . . . . . . . . . . . . . . . . . . . . . . . . 15 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk)

 

Aappassaaneerinninneq – Allannguutissatut siunnersuuteqartoqanngippat

Naalakkersuisut akissuteqaataat . . . . . . . . . . . . . . . . . . . . . . 5 min.

Partiit oqaaseqarneri . . . . . . . . . . . . . . . . . . . . . . . . . . . . . . . 2 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk)

 

Aappassaaneerinninneq – Allannguutissatut siunnersuuteqartoqarsimappat

Naalakkersuisut akissuteqaataat . . . . . . . . . . . . . . . . . . . . . . 5 min.

Partiit oqaaseqarneri . . . . . . . . . . . . . . . . . . . . . . . . . . . . . . 10 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk)

 

Inatsisartut aalajangiiffigisassaattut siunnersuutit Inatsisartunut ilaasortanit saqqummiunneqartut:

 

Siullermeerinninneq
Saqqummiussineq. . . . . . . . . . . . . . . . . . . . . . . . . . . . . . . . .  5 min.

Naalakkersuisut akissuteqaataat. . . . . . . . . . . . . . . . . . . . . . . 5 min.

Partiit oqaaseqarneri. . . . . . . . . . . . . . . . . . . . . . . . . . . . . . 15 min. (Partii ataaseq apeqqutit 3)

Malitsitut oqaaseqarnerit. . . . . . . . . . . . . . . . . . . . . . . . . . . . 1 min.

Malitsitut oqaaseqarnernut akissutit. . . . . . . . . . . . . . . . . . .  2 min.

Naalakkersuisut naggataarutaasumik oqaaseqarneri. . . . . . . 5 min. (Partii ataaseq apeqqutit 2)

Siunnersuuteqartup naggataarutaasumik

oqaaseqarnera . . . . . . . . . . . . . . . . . . . . . . . . . . . . . . . . . . . . 5 min. (Partii ataaseq apeqqutit 2)

(Apeqqutit tamarmik minutsi ataaseq. Akissutit tamarmik minutsit marluk)

 

Aappassaaneerinninneq – Allannguutissatut siunnersuuteqartoqarsimanngippat
Naalakkersuisut akissuteqaataat. . . . . . . . . . . . . . . . . . . . . . 5 min.

Partiit oqaaseqarnerit. . . . . . . . . . . . . . . . . . . . . . . . . . . . . . 2 min. (Partii ataaseq apeqqutit 3)

Malitsitut oqaaseqarnerit. . . . . . . . . . . . . . . . . . . . . . . . . . . 1 min.

Malitsitut oqaaseqarnernut akissutit. . . . . . . . . . . . . . . . . . . 2 min.

Naalakkersuisut naggataarutaasumik oqaaseqarneri. . . . . .  5 min. (Partii ataaseq apeqqutit 2)

Siunnersuuteqartup naggataarutaasumik

oqaaseqarnera. . . . . . . . . . . . . . . . . . . . . . . . . . . . . . . . . . . . 5 min. (Partii ataaseq apeqqutit 2)

(Apeqqutit tamarmik minutsi ataaseq. Akissutit tamarmik minutsit marluk)

 

Aappassaaneerinninneq – Allannguutissatut siunnersuuteqartoqarsimappat

Naalakkersuisut akissuteqaataat. . . . . . . . . . . . . . . . . . . . . . 5 min.

Partiit oqaaseqarneri. . . . . . . . . . . . . . . . . . . . . . . . . . . . . . 10 min. (Partii ataaseq apeqqutit 3)

Malitsitut oqaaseqarnerit. . . . . . . . . . . . . . . . . . . . . . . . . . . .1 min.

Malitsitut oqaaseqarnernut akissutit. . . . . . . . . . . . . . . . . . . 2 min.

Naalakkersuisut naggataarutaasumik oqaaseqarneri. . . . . . . 5 min. (Partii ataaseq apeqqutit 2)

Siunnersuuteqartup naggataarutaasumik

oqaaseqarnera. . . . . . . . . . . . . . . . . . . . . . . . . . . . . . . . . . . . 5 min. (Partii ataaseq apeqqutit 2)

(Apeqqutit tamarmik minutsi ataaseq. Akissutit tamarmik minutsit marluk)

 

Nunatta Karsiata Naatsorsuutai pillugit Inatsisartut aalajangiiffigisassaattut siunnersuut:

 

Siullermeerinninneq

Saqqummiussineq . . . . . . . . . . . . . . . . . . . . . . . . . . . . . . . . 20 min.

Partiit oqaaseqarneri . . . . . . . . . . . . . . . . . . . . . . . . . . . . . . 15 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk)

 

Aappassaaneerinninneq

Naalakkersuisut akissuteqarnerat . . . . . . . . . . . . . . . . . . . . 30 min.

Partiit oqaaseqarneri . . . . . . . . . . . . . . . . . . . . . . . . . . . . . . 30 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . . 5 min. (Partii ataaseq apeqqutit 2)

(Apeqqutit akissutillu tamarmik minutsit marluk)

 

Nassuiaatit:

Saqqummiussineq . . . . . . . . . . . . . . . . . . . . . . . . . . . . . . . . 10 min.

Partiit oqaaseqarneri . . . . . . . . . . . . . . . . . . . . . . . . . . . . . . 15 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . 15 min. (Partii ataaseq apeqqutit 2)

(Apeqqutit akissutillu tamarmik minutsit marluk.)

 

Ammaanersiorluni oqallinneq:

Saqqummiussineq . . . . . . . . . . . . . . . . . . . . . . . . . . . . . . . . killeqanngilaq

Partiit oqaaseqarneri . . . . . . . . . . . . . . . . . . . . . . . . . . . . . . 30 min. (Partii ataaseq apeqqutit 3)

Malitsitut oqaaseqarnerit akissuteqarnerillu . . . . . . . . . . . . . 2 min.

Naalakkersuisut naggataarutaasumik oqaaseqarnerat . . . . . 20 min. (Partii ataaseq apeqqutit 2)

(Apeqqutit akissutillu tamarmik minutsit marluk)

 

Apeqquteqaat aallaavigalugit oqallinnerit:

Saqqummiussineq . . . . . . . . . . . . . . . . . . . . . . . . . . . . . . . . 5 min.

Naalakkersuisut akissuteqaataat . . . . . . . . . . . . . . . . . . . . . 5 min.

Partiit oqaaseqarneri . . . . . . . . . . . . . . . . . . . . . . . . . . . . . 10 min. (Partii ataaseq apeqqutit 2)

Malitsitut oqaaseqarnerit. . . . . . . . . . . . . . . . . . . . . . . . . . . 1 min.

Malitsitut oqaaseqarnernut akissuteqarnerit . . . . . . . . . . . . 2 min.

Apeqquteqaateqartup naggataarutaasumik

oqaaseqarnera. . . . . . . . . . . . . . . . . . . . . . . . . . . . . . . . . . . . 5 min. (Partii ataaseq apeqqutit 2)

(Apeqqutit tamarmik minutsi ataaseq. Akissutit tamarmik minutsit marluk)

 

Tatiginninnginnermik tunngavilimmik oqaluuserisassanngortitsineq:

Tatiginninnginnermik tunngavilersukkamik saqqummiussineq . . . .. . . . . . . . . . . . . . 5 min.

Naalakkersuisut oqaaseqarnerat . . . . . . . . . . . . . . . . . . . . . . . . . . . . . . . . . . . . . . . . . . 5 min.

(Tamatuma kingorna ataatsimiinneq minutsini 30-ni ataatsimiinnermilluunniit

aqutsisup erseqqinnerusumik aalajangiinera malillugu unitsikkallarneqarsinnaavoq)

Allannguutissatut siunnersuutaajunnartumik saqqummiussineq

(Tatiginninnginnermik pinngitsoortitsiniarluni oqaluuserisassatut siunnersuut) . . . . . . 5 min.

Partiit oqaaseqarneri (partii ataaseq apeqqutit marluk) . . . . . . . . . . . . . . . . . . . . . . . . . 5 min.

Naalakkersuisut inaarutaasumik oqaaseqarnerat (partii ataaseq apeqqutit marluk) . . . . 5 min.

(Apeqqutit akissutillu tamarmik minutsit marluk)

 

Akunnerit apeqquteqarfiusinnaasut:

Apeqquteqarneq. . . . . . . . . . . . . . . . . . . . . . . . . . . . . . . . . . . . . . . . . 1 min.

Naalakkersuisut akissuteqarnerat. . . . . . . . . . . . . . . . . . . . . . . . . . . . 1 min.

(Akunneq ataaseq qaangiukkaangat akunneq apeqquteqarfiusinnaasoq naammassineqartarpoq

kingulliulluni apeqqutigineqartup akineqarneratigut)

 

Immikkut ittumik akunnerit apeqquteqarfiusinnaasut, assersuutigalugu akunnerit apeqquteqarfiusinnaasut Naalakkersuisut Siulittaasuata partiit allat oqaaseqartartuinit apersorneqartarneri, ingerlanneqartarneri eqqarsaatigalugit piffissat oqaaseqarfiusinnaasut pillugit malittarisassanik allanik Siulittaasoqarfik aalajangersaasinnaavoq.

 

 

Oqaluuserisassani immikkoortuni tamani oqaaseqarnissamut piffissarititat aalajangersarneqarsimasut sanioqqunneqarnissaat Siulittaasoqarfiup akuerisinnaavaa suliap annertussusiata tamanna pisariaqartippagu. Oqaaseqarnissamut piffissarititat minutsinik tallimanik sivisunerusumik taamaallaat sivitsorneqarsinnaapput oqaluuserisassani immikkoortut annertoorujussuit assersuutigalugu aningaasanut inatsisissatut siunnersuutip aamma nunatta karsiata naatsorsuutaasa akuerineqarnissaannik siunnersuutip oqaluuserineqarnerini. Sivisunerusumik oqaaseqarniarluni saaffiginnissutit ataatsimiinnissaq pineqartoq ullormik ataatsimik sioqqullugu ullup qeqqartinnagu tunniunneqareersimassapput. Pisuni immikkorluinnaq ittuni piffissaliussap taassuma sanioqqunneqarnissaa Siulittaasoqarfiup akuerisinnaavaa.

 

 

 

 

 

 

ILANNGUSSAQ 2

 

 

Inatsisartunit sulinngiffeqarallartarneq najuutinngikkallartarnerlu kiisalu sinniisussamik aggersaasarneq pillugit Inatsisartut malittarisassaat

 

 

Inatsisartunut Naalakkersuisunullu il. il. ilaasortat aningaasarsiaqartitaanerat il. il. pillugit Inatsisartut inatsisissaat nr. 22, 18. december 2003-meersoq (aningaasarsiaqartitaaneq pillugu inatsit), kingusinnerusukkut allanngutai ilanngullugit, kiisalu Inatsisartut suleriaasianni § 58, imm. 1, malillugit aalajangersarneqarpoq:

 

 

Ataatsimeeqataasussaatitaaneq

 

  § 1.  Inatsisartut Naalakkersuisullu pillugit Inatsisaanni § 4, imm. 1 naapertorlugu Inatsisartunut ilaasortaaneq inuiaqatigiinnit toqqagaanikkut suliassiissutitut pisussaaffiuvoq.

  Imm. 2.  Najoqqutassiami matumani malittarisassat malillugit Inatsisartunut ilaasortatut atuuffimmit sulinngiffeqarallarnissaq najuutinngikkallarnissarlu Inatsisartut Siulittaasoqarfiannit akuersissutigineqartussaavoq.

 

Aningaasarsiaqaatigalugu sulinngiffeqarallarneq

 

  § 2.  Inatsisartunut ilaasortaq napparsimanermik pissuteqartumik, najuutinnginnissaalu ullorsiutini ullut 14-it sinnerlugit sivisussuseqarnissaa ilimagineqarpat, atuuffimminit najuutin-ngikkallarnissamut pissutissaqavippat ilaasortaq sulinngiffeqarallarnissamut akuerineqarsinnaavoq.

  Imm. 2.  Naartunermut, erninermut meeravissiartaarnermulluunniit atatillugu Inatsisartunut ilaasortaq sulinngiffeqarallarnissamut akuersissummik tunineqarsinnaavoq, kisianni tamanna malittarisassat Namminersorlutik Oqartussat tjenestemandiinut qaqugukkulluunniit atuuttut malillugit.

  Imm. 3.  Qanigisap toqukkut qimagunnerani perululluniluunniit napparsimanerani Inatsisartunut ilaasortaq sulinngiffeqarallarnissamut akuerineqarsinnaavoq, kisianni tamanna malittarisassat Namminersorlutik Oqartussat tjenestemandiinut qaqugukkulluunniit atuuttut malillugit.

Imm. 4.  Qanigisap toquneranut perulunnartumilluunniit napparsimaneranut atatillugu malittarisassat Namminersorlutik Oqartussat tjenestemandiinut qaqugukkulluunniit atuuttut malillugit akiliunneqarluni angalasoqarsinnaavoq.

  Imm. 5.  Imm. 1-imi taaneqartumik imaluunniit imm. 2-3-milu taaneqartunik pisoqartillugu akornusiuttoqarnera pillugu Inatsisartunut ilaasortamut uppernarsaammik Inatsisartut Siulittaasoqarfiat piumasaqaateqarsinnaavoq.

 

Aningaasarsiaqaataanngitsumik sulinngiffeqarallarneq

 

  § 3.  Inatsisartunut ilaasortaq piffissami Naalakkersuisutut, Folketingimut ilaasortatut kommunalbestyrelsimulluunniit, tassani aamma borgmesteritut viceborgmesteritullu, atuuffimmik paarsaqarniarluni sulinngiffeqarallarnissamut akuerineqarsinnaavoq.

  Imm. 2.  Imm. 1 malillugu akuerineqartumik sulinngiffeqarallarnermi ilaasortaq aningaasar-siaqaranilu aningaasartuutinut tapisiaqassanngilaq, soorlu aamma piffissami sulinngiffeqarfiusumi soraarnerussutisiaqalernissamut ilaasortaajunnaarneersiuteqalernissamullu piffissamik katersisoqarsinnaanngitsoq.

 

  § 4.  Pisuni immikkorluinnaq ittuni §§ 2-mi 3-milu taaneqartut saniatigut pissuteqarluni Inat-sisartunut ilaasortaq sulinngiffeqarallarnissamut akuerineqarsinnaavoq, tamanna namminersorluni ingerlatamini suliassamik nukingernartumik suliassanilluunniit allanik nukingernartunik aallussinissaa pisariaqarluinnartutut isigineqarpat.

  Imm. 2.  Imm. 1 malillugu akuerineqartumik sulinngiffeqarallarnermi ilaasortaq aningaasarsiaqaranilu aningaasartuutinut tapisiaqassanngilaq, soorlu aamma piffissami sulinngiffeqarfiusumi soraarnerussutisiaqalernissamut ilaasortaajunnaarneersiuteqalernissamullu piffissamik katersisoqarsinnaanngitsoq.

 

Najuutinngikkallarneq

 

  § 5.  Inatsisartunut ilaasortaq sulinngiffeqarallarnissamut akuerineqarsimanngitsoq atuuffimminillu isumaginninnissaminut akornuserneqarallartoq, tamanna pillugu najuutinnginnissallu qanoq sivisutiginissaa ilimagineqarnersoq paasissutissiissutigalugu erngerluni Siulittaasoqarfimmut nalunaaruteqassaaq.

  Imm. 2.  Ilaasortap najuussinnaanngitsup najuutinnginnerup qanoq sivisutiginissaata qaqugulu qaangiunnissaata ilimagineqarnera pillugu Inatsisartut Siulittaasoqarfiat ingerlaavartumik paasitittassavaa. Ilaasortap tamatuma saniatigut kingullermik nalunaaruteqarnermiit kingusinnerpaamik ullorsiutini ullut 14-it qaangiutinnginnerini najuutinnginnerup killiffia pillugu Inatsisartut Siulittaasoqarfiat paasissutississavaa.

 

  § 6.  § 5 malillugu najuutinngikkallarneq ilaasortap napparsimaneranik pissuteqarpat, najuu-tinngikkallarnerullu ullorsiutini ullut 14-it sinnerlugit sivisutiginissaa ilimagineqarpat, taava ilaasortaq sulinngiffeqarallarnissamik qinnuteqassaaq.

 

  § 7.  § 5 malillugu najuunnissamut akornuserneqarneq napparsimanermik pissuteqavissumilluunniit najuunnissamut akornuserneqarnermik pissuteqarpat, § 5-ilu naapertorlugu piffissaagallartillugulu nalunaaruteqartoqarlunilu ilisimatitsissuteqartoqarpat, najuutinnginneq akuerineqartutut isigineqassaaq, Inatsisartut Siulittaasoqarfiat allamik nalunaanngippat.

  Imm. 2.  Imm. 1-imi taaneqartutut ilumut akornusiuttoqarnera pillugu uppernarsaammik Inatsisartut Siulittaasoqarfiat piumasaqaateqarsinnaavoq.

 

  § 8.  Pisunut § 7-imi taaneqartutut inngitsunut atatillugu qaammatisiutit malillugit ullut 14-it tikillugit najuutinngikkallarnissamut Inatsisartut Siulittaasoqarfiat akuersissuteqarsinnaavoq, taamatut qinnuteqarneq ilaqutariiussutsimi isiginiagassanik pingaarutilinnik imaluunniit pissutsinik immikkut ittunik allanik tunngaveqarpat Siulittaasoqarfiup naliliinera malillugu itigartissallugu naapertuuttussaanngitsumik.

 

Allaffissornikkut aalajangersakkat il.il.

 

  § 9.  Najoqqutassiaq taanna malillugu najuutinnginnissamut nalunaarutit sulinngiffeqarallarnissamullu qinnuteqaatit Inatsisartut Siulittaasoqarfiannut, qanoq ilusiliinissamik kingusinnerpaamillu tunniussinissamut killiliinissamut sukumiinerusunik aalajangersaasinnaasumut, tunniunneqassapput.

 

  § 10.  Inatsisartut Siulittaasoqarfiata aalajangersinnaavaa Inatsisartut Allattoqarfiat najoqqutassiami matumani § 2, imm. 4 aamma § 15 malillugit sulinngiffeqarallarnissamut najuutin-ngikkallarnissamullu kiisalu aningaasartuuteqarnermut tapisiaqarsinnaanermut akuersissute-qarsinnaasoq, tamanna nalunaarutip qinnuteqaatillu qularinissaanut tunngavissaqanngitsutut Allattoqarfiup nalilerpagu. Inatsisartunulli ilaasortap akuersissummik naammaginartumik sivisussusilimmik nalunaarfigineqanngitsup, suliap Inatsisartut Siulittaasoqarfiannut nalilersoqqitassanngorlugu saqqummiunneqaqqinnissaa piumasariuaannarsinnaavaa.

 

  § 11.  [Atuukkunnaarsinneqarpoq]

 

Sulinngiffeqarallarnermi najuutinngikkallartarnermilu aningaasarsiat

 

  § 12.  Aatsaat sulinngiffeqarallarnissaq § 2 malillugu akuersissutigineqarsimappat, Inatsisartunut ilaasortaq sulinngiffeqarnermini aningaasarsianik aningaasartuuteqarnermullu tapisianik pisartagaqarsinnaavoq.

 

  § 13.  Aatsaat pisuni najuutinngikkallarnissaq §§-it 7, aamma 8, naapertorlugit akuersissuti-gineqarsimagaangat, Inatsisartunut ilaasortaq aningaasarsianik aningaasartuuteqarnermullu tapisianik pisartagaqarsinnaavoq.

 

Sinniisussamik aggersaasarneq

 

  § 14.  Ilaasortaq sulinngiffeqarallarnissamut akuerineqarsimappat allatulluunniit Inatsisartut taakkuluunniit ataatsimiititaliaasa ataatsimiinnerinut pissutissaqavilluni najuunnissaminut akornuserneqarsimappat, partii kattusseqatigiilluunniit Inatsisartunut ilaasortap qinigaanermini tunuliaqutigisaa, Inatsisartunut ilaasortap sinniisussaanik aggersaanissamik Inatsisartut Siulittaasoqarfiannut qinnuteqarsinnaavoq.

  Imm. 2.  Inatsisartut Siulittaasoqarfiat taamaallaat imm. 1 malillugu sinniisussamik ataatsimiigiaqqusisassaaq Inatsisartunut ilaasortaq sivikinnerpaamik ulluni 14-ini peqassanngikkaangat, taamaattoq imm. 3 takujuk.

  Imm. 3.  Inatsisartut Siulittaasoqarfiata sivikinnerpaamik ulluni 14-ini peqannginnissaq imm. 2-mi taaneqartoq sanioqqussinnaavaa sinniisussamik ataatsimiigiaqqusinnginneq Inatsisartut ataatsimiittarfianni ilaasortaatitaqarnerup allanngorneratigut Inatsisartut aalajangiisarnerisa inernerinut sunniuteqarsinnaappat.

  Imm. 4.  Inatsisartunut ilaasortaq toqukkut qimagussimappat, nammineersinnaassusiiagaasi-mappat Inatsisartuniilluunniit tunuarsimappat, taava Inatsisartut Siulittaasuat, tamatumunnga qinnutiqaateqartoqanngikkaluartoq, Inatsisartunut ilaasortap pineqartup sinniisussaa kater-suunnermut pisumut tullermulluunniit aggersassavaa. Inatsisartunut ilaasortap qinigaasinnaassutsi annaasimagaa Inatsisartunit aalajangerneqarpat, tamanna aamma atuuppoq. Sinniisussap qinigaasinnaanera pillugu Inatsisartut akuersineranniit taanna Inatsisartunut ilaasortatut isigineqassaaq.

 

  § 15.  Aningaasarsiaqartitsineq pillugu inatsimmi § 5, imm. 1-3 naapertorlugit sinniisussap ilaquttaminik ingiallorteqarnissaminut qinnuteqarnera aallaavigalugu akiliunneqarluni angalanissamut ineqartitaanissamullu Inatsisartut Siulittaasoqarfiat akuersissuteqarsinnaavoq.

 

  § 16.  Najuutinngikkallarnerup sulinngiffeqarallarnerulluunniip naanerani sinniisup aggersagaalluni sinniisuunera naassaaq.