Erngup nukingata nukissiornermut atorneqartarnera pillugu Inatsisartut inatsisaat nr. 5, 27. november 2018-imeersumi § 12, imm. 2 naapertorlugu aalajangersarneqarput:

Akiliisussaatitaasut

  § 1.  Nalunaarut manna malillugu akiliisussaatitaapput:
1)  Erngup nukingata nukissiornermut atorneqartarnera pillugu Inatsisartut inatsisaat naapertorlugu pisinnaatitsissummik pigisaqartut.
2)  Erngup nukinganik nukissiornermut atorneqartussamik misissueqqaarnissamut akuersissummik qinnuteqartut.
3)  Erngup nukinganik nukissiornermut atuinissamut akuersissummik qinnuteqartut.

Aningaasartuutinik naatsorsuineq

  § 2.  Suliassanik suliarinninnermut, ilanngullugu nakkutilliineq, aningaasartuutit, nalunaaquttap akunnerisa suliassat ataasiakkaat suliarineqarneranni atorneqartutut nalunaarsorneqartut amerlassusaannut naatsorsukkat tunngavigalugit naatsorsorneqassapput.
  Imm. 2.  Nalunaaquttap akunneranut akigititaq sulisunut suliassamik suliarinninnermi peqataasunut agguaqatigiissillugu aningaasarsianut aningaasartuutit, ukiumi naatsorsuusiorfiusumi pineqartumi allaffissornikkut aningaasartuutit allat suliassamik suliarinninnermut atasut naleqqersuussilluni annertussusilerlugit ilassutigalugit, tunngavigalugit aalajangersarneqassaaq.
  Imm. 3.  Aningaasartuutini ilaasinnaapput misissuinerit, siunnersortinik ikiorteqarneq, ilanngullugu oqartussanit allanit ikiorteqarneq, sulilluni angalanerit, nerisaqarneq unnuinerillu, oqalutseqarneq nutserisitsinerillu, akiligassiissuteqarneq malillugu suliassanut ataasiakkaanut suliassamik suliarinninnermut tunngatinneqarsinnaasut.

Misissueqqaarnissamut akuersissummut akiliut

  § 3.  Erngup nukingata nukissiornermut atorneqartarnera pillugu Inatsisartut inatsisaanni § 4 malillugu erngup nukinganik nukissiornermut atugassamik misissueqqaarnissamut akuersissummik tunineqarnissamik qinnuteqaateqarnermi akiliummut 10.000 koruunit akilerneqassapput. 
  Imm. 2.  Akiliutip akilerneqarsimaneranut uppernarsaat ilaatinneqanngippat, qinnuteqaat itigartinneqassaaq.
  Imm. 3.  Qinnuteqaat suliarineqassanngitsoq aalajangertoqassappat, akiliut qinnuteqartumut utertillugu akilerneqassaaq.

  § 4.  Erngup nukingata nukissiornermut atorneqartarnera pillugu Inatsisartut inatsisaanni § 4 malillugu misissueqqaarnissamut akuersissummik tunniussinermi akiliummut 25.000 koruunit akilerneqassapput. 
  Imm. 2.  Erngup nukingata nukissiornermut atorneqartarnera pillugu Inatsisartut inatsisaanni § 4, imm. 2 malillugu piffissaq akuersissuteqarfiusoq sivitsorneqartoq nalunaaruteqarnermi akiliummut 25.000 koruunit akilerneqassapput.
  Imm. 3.  Immikkut ittunik pisoqartillugu, Naalakkersuisut naliliippata misissueqqaarneq sivikitsuinnaassasoq aammalu killilimmik annertussuseqassasoq, akiliut imm. 1-imi taaneqartoq 5.000 koruuninut annikillisinneqarsinnaavoq.
  Imm. 4.  Akiliut akilerneqareerpat akuersissut tunniunneqartoq aatsaat atuuttussanngussaaq.

Atuinissamut akuersissummut akiliut

  § 5.  Erngup nukingata nukissiornermut atorneqartarnera pillugu Inatsisartut inatsisaanni § 5 malillugu erngup nukingata nukissiornermut atorneqarnissaanut atuinissamut akuersissummik tunineqarnissamik qinnuteqarnermi akiliummut 50.000 koruunit akilerneqassapput.
  Imm. 2.  Akiliutip akilerneqarsimaneranut uppernarsaat ilanngunneqarsimanngippat, qinnuteqaat itigartinneqassaaq.

  § 6.  Erngup nukingata nukissiornermut atorneqartarnera pillugu Inatsisartut inatsisaanni § 5 malillugu atuinissamut akuersissummik tunniussinermi akiliummut 100.000 koruunit akilerneqassapput.
  Imm. 2.  Akiliut akilerneqareerpat akuersissut tunniunneqartoq aatsaat atuuttussanngussaaq.

Akiliutinut akigititanik iluarsiineq

  § 7.  §§ 3-6-imi akiliutinut akigititat Kalaallit Nunaannut atuisartunut akigititanut naleqqersuut tamanut saqqummiunneqartoq kingulleq tunngavigalugu ukiumoortumik 1. januar iluarsineqartassapput (januar 2020).

Suliassamik suliarinninnerup annertussusaa pillugu ilisimatitsissuteqarneq

  § 8.  Erngup nukinganut tunngasut ingerlatassat pilersaarutigineqartut malitsigisaannik ukiup tulliani suliassanik suliarinninnerup annertussusissaatut naatsorsuutigineqartoq pillugu Naalakkersuisut akiliisussaatitaasoq ukiumut ataasiarlutik ilisimatittassavaat.
  Imm. 2.  Paasissutissanut imm. 1 naapertorlugu tunniunneqartunut tunngatillugu ukiup ingerlanerani annertuunik allannguuteqarpat, imaluunniit suliassanik suliarinninnerup annertussusaa, erngup nukinganut tunngasut ingerlatassat pilersaarutigineqartut malitsigisaannik nalinginnaasunit, annertuumik annertuneruppat, akiliisussaatitaasut tamatuminnga piaartumik ilisimatinneqassapput.

Aningaasartuutinik akiliisitsineq

  § 9.  Suliassanik suliarinninnermut aningaasartuutinut piffissakkaartumik akileeqqusinerugallartunik Naalakkersuisut nassiussisinnaapput.
  Imm. 2.  Ukiup naatsorsuusiorfiusup naareernerata kingorna, aningaasartaannut ukiumi pineqartumi akilerneqartussanut inaarutaasumik naatsorsuinernik, Naalakkersuisut suliaqassapput. Aningaasat taakkua akilerneqarallarsimasut aningaasartaannut aammalu §§ 3-6 malillugit akiliutitut akilerneqarsimasut aningaasartaannut, iluarsineqassapput.

Akiliinissamut piffissaq killigititaq

  § 10.  Nalunaarut manna malillugu aningaasartaannik akiliineq, tamatuminnga akileeqqusinerup nassiunneqareernerata kingorna kingusinnerpaamik ullut 30-it qaangiunneranni, pissaaq. Taamaattoq akuersissummik qinnuteqarnermut akiliutit §§ 3-6-imi allassimasutut akilerneqassapput.
  Imm. 2.  Aningaasat akilerneqartussat piffissaq eqqorlugu akilerneqanngippata, kingusinaarluni akiliinermi il.il. ernialiisarneq pillugu inatsimmut naapertuuttumik ernialiisoqassaaq.

  § 11.  Nalunaarut ulloq 17. juni 2022 atuutilerpoq.

Kalistat Lund
Nunalerinermut, Imminut Pilersornermut, Nukissiutinut Avatangiisinullu Naalakkersuisoq

/ Mette Skarregaard Pedersen