Quppernerup imai iserfigikkit
Oqaatsit toqqakkit
Ujaasinermut uterit
Allaffissornikkut najoqqutassiat
Nr. 17
17. maaji 2022
Atorunnaartut

Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaanni § 7, imm. 2-mit tamanut atuuttumik immikkut akuersineq pillugu Namminersorlutik Oqartussat nalunaarutaat

Aalisarneq pillugu Inatsisartut inatsisaanni, kingullermik Inatsisartut inatsisaanni nr. 28, 28. november 2016-imi allanngortinneqartumi § 21, imm. 2 naapertorlugu aalajangersarneqarpoq:

 

Aalisarsinnaanermut akuersissutit pisassiissutillu pillugit Namminersorlutik Oqartussat nalunaarutaanni nr. 47, 18. december 2020-meersumi § 7, imm. 2-mit immikkut akuersineq

 

  § 1.  Raajarniarnermi aalisariutaatileqatigiiffiup ukiumoortumik pisassiissutimi ilaanik ukiup siuliani tamakkerlugit pisarineqanngitsut annertoqataannik ukiumoortumik pisassiissutit ukiup tulliani qaffatsissinnaavai. Raajanik pisassiissutit nuunneqartut kingusinnerpaamik 30. maj pisarineqarsimassapput.

 

Atuutilersitsineq atorunnaarsitsinerlu

 

  § 2.  Nalunaarut ulloq 29. april 2022 atuutilerpoq, 1. januar 2023 atorunnaassalluni.

 

 

Namminersorlutik Oqartussat, 6. maaji 2022

 

 

Karl Tobiassen
Aalisarnermut Piniarnermullu Naalakkersuisoq

 

 

/ Jørgen Isak Olsen