§ 1

Sulisoqarnermut akitsuut pillugu Inatsisartut inatsisaanni nr. 10, 2. november 2006-imeersumi kingullermilu Inatsisartut inatsisaatigut nr. 11, 3. juni 2015-imeersumi allanngortinneqartumi ima allannguisoqassaaq:

1.  § 2, imm. 4, ima oqaasertalerneqassaaq:
”  Imm. 4.  Akissarsiarititat katinnerisa imm. 2 aamma 3 malillugit naatsorsorneranni ilanngunneqassanngillat aningaasat sulisitsisumit aaqqissuussinernut, aningaasarsianit akileraarutit pillugit Inatsisartut inatsisaanni § 39, § 40 aamma § 47 b, imm. 6-imi taaneqartunut akilerneqartut.”

2.  Qulequtaq siorna: § 2 ilanngunneqassavoq:
” § 2 a.  Namminersorlutik suliffiuteqartunut atatillugu erninermi aningaasaateqarfimmik pilersitsinermi, ingerlatsinermi, nalilersuinermi, kukkunersiuinermi, nakkutilliinermi il.il. aningaasartuutit matussuserneqarnissaannut akissarsiat katinnerannit § 2, imm. 2-mit 4-mut naapertorlugu akitsuuteqartitsisoqassaaq. Akitsuutip annertussusissaa Inatsisartut aningaasanut inatsisaanni ukiut tamaasa aalajangersarneqartassaaq.
  Imm. 2. Kommunit aamma Namminersorlutik Oqartussat imm. 1 naapertorlugu akitsuummut akiliuteqartassanngillat.”

§ 2

Inatsisartut inatsisaat 1. juli 2021-mi atuutilerpoq ullorlu 1. juli 2021 kingusinnerusukkulluunniit akissarsianut ajunngitsorsianullu akitsuuserneqartussaasunut pissarsiarineqartunut tunngatillugu atuutissalluni.

Namminersorlutik Oqartussat,ulloq 19. november 2020