Inuussutissat pillugit Inatsisartut inatsisaanni nr. 24-mi, 28. november 2019-imeersumi § 6, imm. 3 tunngavigalugu aalajangersarneqarpoq:

Inuussutissat ullussaminnik qaangiisimasut tuniniaqqusaannginnerannik sanioqqutsinerit

  § 1.  Sumiiffinni sikusartuni piffissani sikuuffiusuni inuussutissanik ullussaminnik qaangiisimasunik atuisussamut tuniniaasoqarsinnaavoq, nioqqut ulloq aalajangersimasoq ”sioqqullugu pitsaaneruvoq”-mik imaluunniit ulloq aalajangersimasoq tikillugu "sivikinnerpaamik piusinnaasoq”-mik nalunaaqutserneqarsimappat, inuussutissamillu nioqqutissiortumit inuussutissap ullussamik qaangeereernerup kingorna atorneqarnissaata peqqissutsimut ulorianaateqannginneranik uppernarsaammik takutitsisoqarsinnaappat.
  Imm. 2.  Inuussutissat ”atorneqarsinnaaffia kingulleq”-mik nalunaaqutserneqarsimasut tappiorannartulerinerlu eqqarsaatigalugu asiujasuusut, kiisalu inuussutissat piffissap sivikitsup ingerlanerani inuit peqqissusiannik ulorianartorsiortitsisinnaasut imm. 1-imut ilaatinneqanngillat.

  § 2.  Nalunaarut 19. december 2020-mi atuutilerpoq.

Namminersorlutik Oqartussat, ulloq 18. december 2020

Jens Immanuelsen

/

Jørgen Isak Olsen