§ 1

Suliniutini angisuuni illuliortiternernik sanaartornernillu suliassat pillugit inatsisartut inatsisaat nr. 25, 18. december 2012-imeersumi, inatsisartut inatsisaat nr. 13, 29. november 2013-imi allanngortinneqartumi makkuninnga allannguuteqartoqassaaq:

1. § 5 imm. 3, naggatip aappaa atorunnaarpoq.

2. § 6, imm. 1, nr. 1-imi ”milliardit tallimat danskit koruunii” imatut allanngorneqarpoq: ”milliardi ataaseq danskit koruunii”.

3. § 6, imm. 2-mi ”1. januar 2013” imatut allanngorneqarpoq: ”1. januar 2020”.

§ 2

Inatsisartut inatsisaat 1. juli 2019-imi atuutilerpoq.

Namminersorlutik Oqartussat, ulloq 28. november 2019

Kim Kielsen