2020-mut aningaasanut inatsisissamut siunnersuutip akuersissutiginissaanut killigititat sivitsorneqarneri, nuna tamakkerlugu akileraarutip procentiata aalajangersarnera, nuna tamakkerlugu immikkut akileraarut aamma 2020-imi kommuninut akileraarut kiisalu kommunini meeqqanut suli atualinngitsunut ulluunerani neqeroorutinut 2020-imi akiliuteqartarneq pillugit Inatsisartut inatsisaat
§ 1. Naalakkersuisut ukiumi ukioq aningaasanut inatsisissaq kingusinnerpaamik 26. november inaarutaasumik akuersissuteqarnissaq siunertaralugu Inatsisartut aningaasanut inatsisissaattut siunnersuut saqqummiuppaat.
Imm. 2. Nuna tamakkerlugu akileraarummut procenti atugassaq qaammatisiutit malillugit ukioq akileraarfiusoq sioqqullugu 21. november tikitsinnagu Inatsisartut aalajangissavaat.
Imm. 3. Nuna tamakkerlugu immikkut akileraarummut procenti atugassaq qaammatisiutit malillugit ukioq akileraarfiusoq sioqqullugu 21. november tikitsinnagu Inatsisartut aalajangissavaat.
Imm. 4. Procenti kommunimut akileraarutissaq qaammatisiutit malillugit ukioq akileraarfissaq sioqqullugu 2. december tikitsinnagu kommunalbestyrelsip aalajangissavaa.
Imm. 5. Kommunalbestyrelsip ulloq 2. december sioqqullugu meeqqanut suli atualinngitsunut perorsaanikkut ineriartuutaasunik ulluunerani neqeroorutinut ukiumi tullermi akigititassanik aalajangersaasassaaq.
§ 2. Inatsisartut inatsisaat una tamanut saqqummiunneqarnerata aqaguani atuutilissaaq. Inatsit 1. januar 2020-p tungaanut atuutissaaq.
Namminersorlutik Oqartussat, ulloq 12. november 2019
Kim Kielsen
-
PDF (0.02MB)