Naatsorsueqqissaartarfik pillugu Inatsisartut Inatsisaat nr. 11, 29. oktober 1999-imeersumi § 5, imm. 5 naapertorlugu, kingullermik Inatsisartut inatsisaanni nr. 28, 17. November 2017-imi allanngortinneqartumi aalajangerneqarpoq:

  § 1.  Kalaallit Nunaanni Naatsorsueqqissaartarfimmi siulersuisut suliaminnut ukiumoortumik akissarsisassasut, siulittaasumut kr. 90.000 kiisalu siulersuisunut ilaasortat sinnerinut kr. 35.000. 
  Imm. 2. Akissarsiat ukiumi ukiup affaanut kingullermut februaarimi ukiup tulliani akilerneqartarput kiisalu ukiumi ukiup affaanut siullermut akissarsiat augustimi ukiumi tassani akilerneqartarput.
  Imm. 3.  Siulersuisuni ilaasortap ilaasortanngorneratigut tunuarneratigulluunniit siulersuisuni ilaasortap qaammatip aallartinnerini tamani ilaasortaasimaneranut akissarsiat akilerneqartarput. 

  § 2.  Angalanerni Kalaallit Nunaanni Naatsorsueqqissaartarfimmi suliaqarnernut atatillugu ingerlanneqartuni, ullormusianik angalanermilu ajunngitsorsianik angalanernut kiisalu nerisaqarnermut ineqarnermullu aningaasartuutaanerusunut matussutissanik siulersuisuni ilaasortat Kalaallit Nunaanni tjenestemandinut maleruagassat sukkulluunniit atuuttut naapertorlugit ajunngitsorsitinneqartassapput.

Atuutilerfia

  § 3.  Nalunaarut ulloq 1. Januar 2019-imi atuutilerpoq.
  Imm. 2.  1. februar 2019-imi akissarsianik akiliinermi, siulersuisuni siulittaasup akissarsiai 90.000 kr.-iupput kiisalu siulersuisunut ilaasortat akissarsiai 17.500 kr.-iullutik.

Namminersorlutik Oqartussat, ulloq 8. november 2018

Vittus Qujaukitsoq

/

Nikolai Sten Christensen