§ 1

Nukissamik pilersuineq pillugu Inatsisartut peqqussutaat nr. 14, 6. november 1997-imeersumi Inatsisartut peqqussutaanni nr. 9, 15. november 2007-imeersumi allanngortinneqartumi makkua allanngortinneqarput:

1.  § 7, imm. 2, imatut oqaasertalerneqassaaq:  
”  Imm. 2.  Pilersaarusiorneq § 1-imi siunertat taaneqartut malillugit pisassaaq. Innaallagissamik kiammillu pisariaqartitsinerup matussuserneqarnissaanut periarfissat assigiinngitsut pilersaarusiornermi erseqqissaatigineqassapput, tassunga ilanngullugit nukissamik atuinermi sipaarnissamut periarfissat, innaallagissap kiaallu ataatsimut pilersinneqartarnerat, nukissamik ataavartumik atuineq, nukissiorfinnik atuilluarnerulersitsineq, kiassarnermut atuisut akiligassaannik ataasiakkaanut uttortaanissamut uuttuutinik ikkussuineq, kiisalu ikummatissanik avatangiisinut ajoqusiinngitsunik atuineq.”

2.   § 15-ip kingorna ilanngunneqassaaq:
”  § 15 a.  Namminersorlutik Oqartussat aamma kommunit inissiaataanni attartortittakkani inissiani kiisalu inissiani aktiaatileqatigiiffinnit Namminersorlutik Oqartussanit pigineqartunit pigineqartuni kiassarnermut atuinermut akiligassanik ataasiakkaarlugit uuttortaanissamut uuttuutinik ikkussuisoqassasoq Naalakkersuisut aalajangersinnaavaat, tamatumani ikkussuinermut aningaasartuutit sipaarutaasussanit atuisut ataasiakkaat sipaarutigisassaannik matussuserneqarsinnaannginnerannik, immikkut illuliornermut teknikkimut tunngasut malitseqassanngippata.
  Imm. 2.  Nukissiorfiit inissiani aaqqissuussinermi pineqartunut ilaasussani kiassarnermut atuinermut akiligassanik ataasiakkaarlugit uuttortaanissamut uuttuutinik ikkussuinissamut piffissamut killissaliussassanut pilersaarummik suliaqassaaq.
  Imm. 3.  Kiassarnermut atuinermut akiligassanik ataasiakkaarlugit uuttortaanissamut uuttuutinik ikkussuinermut aammalu tassunga atatillugu illuliornermut teknikkikkut allanngortiterinernik suliaqarnermut aningaasartuutit, inissiaatini attartortittakkani imm. 1-imi taaneqartuni inissianik piginnittut akisussaaffigaat.
   Imm. 4.  Nukissiorfiit uuttuutinik misissuisarneq atuaasarnerlu kiisalu akiligassiisarneq pillugit maleruagassanik erseqqinnerusunik aalajangersaasinnaapput.”        

3.  § 17, imm. 1-imi nr. 3-ip kingorna normutut nutaatut ilanngunneqassaaq:
”4)  Kiassarnermut atuinermut akiligassanik ataasiakkaarlugit uuttortaanissamut uuttuutit.”

4.  Inatsimmi tamarmi ”Inatsisartut” allanngortinneqassaaq imatut: ”Inatsisartut”,”Naalakkersuisut” imatut: ”Naalakkersuisut”, aamma ”Naalakkersuisut” imatut Naalakkersuisut”.

§ 2

Inatsisartut inatsisaat ulloq 1. januaari 2018 atuutilerpoq.

Namminersorlutik Oqartussat, ulloq 23. november 2017

Kim Kielsen