Nunap immikkoortui

  § 1.  Kalaallit Nunaat nunap immikkoortuinut Kitaanut, Avannaarsuanut Tunumullu aggorneqarpoq, taakkulu killingi ima aalajangersarneqarput:
1)  Kitaa. Kujammut kimmullu killigai Atlantikoq, Ikersuaq Davis Avannaatalu Imaa. Avannamut killigaa titarneq allorniusat sanimukartut avannamut 78°-iata allorniusat ammukartut kimmut 44°-iata naapiffiannit allorniusat sanimukartut 75°-iata Kalaallit Nunaata kimmut sineriaanut attuunneranut, tassanngaanniillu titarneq narlusuumik nangiinnarlugu immap killilernerani titarnermut aallaaviusumut (basisliniamut). Kangimut killigaa allorniusat ammukartut 44°-iata 78°-mik naapiffianniit kujammorluinnaq allorniusat sanimukartut avannamut 61°-iata, kimmullu 44°-ianut.  Tassanngaanniit killinga ingerlaqqissaaq allorniusat sanimukartut avannamut 60° 40´-p allorniusat ammukartut, kimmukartut 44° 20´-ata naapiffiannut, tassanngaanniillu Kangerlussuatsiap qeqqa atuarlugu Atlantikumut.
2)  Avannaarsua. Kimmut avannamullu killigai Avannaata Imaa, Puikkaasorsuaq, Kane Basin, Kennedy Kanal, Hall Basin, Robeson Kanal aamma Sikuiuitsoq Avannarleq. Kujammut killigai Kitaanut Tunumullu killeqarfigitinneqartut.
3)  Tunu. Kangimut killigaa Atlantikoq. Avannamut Nordostrundingimiit titarneq Romersøenip avannaani kuuit tunussutigiillutik kuuttut aariaannut Nuna Kunngi Christian aqqusaarlugu sermersuup sinaanut, tassanngaanniillu narlusuumik ingerlaqqilluni allorniusat sanimukartut avannamut 78°-iat allorniusallu ammukartut kimmut 44°-iata naapiffiannut. Kimmut kujammullu killigaa Kitaata kangimut killinga.
  Imm. 2.  Killeqarfiliineq pillugu ilanngussaq 1 innersuussutigineqarpoq.

Kommunit

  § 2.  Kalaallit Nunaat aggorneqarpoq kommuneqarfinnut Kommune Kujalleq, Kommuneqarfik Sermersooq, Qeqqata Kommunia, Kommune Qeqertalik, Avannaata Kommunia.
  Imm. 2.  Killingisa aalajangersarneqarnert pillugu ilanngussat 2-4 innersuussutigineqarput.

Kommuneqarfiit killingisa aalajangersarneqarnerat

§ 3.  Kommuneqarfiit killingi ataani imm. 2-6-imi taaneqartutut aalajangersarneqarput.
  Imm. 2.  Kommune Kujalleq: Kommuneqarfiup avannamut killingata aallaavigai kangimut Irmingerhavet qeqertap Timmiarmiut avannaaniittoq tassunnga avannamut kimmut kangerluk Timmiarmiit Kangertivat atuarlugu kangerluup qinnguanut sermip nakkaavianut Snehatten-ip kitaani. Killinga sermip nakkaasup qeqqatigut sermersuarmut ingerlavoq narlusuumillu titarlugu allorniusap avannamut 62° 44’ 50"-ip kimmullu 44° 00’ 00"-imut (WGS 84). Tassannga titarneq narlusuumik kujammut-kangimut Sermersuaq ikaarlugu allorniusat avannamut 61° 04’ 10", kimmut 47° 36’ 18" (WGS84). Sumiiffimmit tassannga killinga ingerlavoq Qipisaqqup Sermia Avannarleq atuarlugu, taanna qiteraarlugu kangerlummut, tassanngaaniit qeqertaq Sannerut kangimut kujammullu uiarlugu imaanut atalluni. Kommunep kimmut kujammullu killingi tunngaviusumik killigitinneqarput tak. § 4.
  Imm. 3.  Kommuneqarfik Sermersooq: Kujammut aamma kujammut-kimmut killingata Kommune Kujalliup killingi assigai. Avammut killinga kitaani Davis Strædemiit ikerasak Oqummiap Paava atuarlugu Upernivik avannaqqullugu, kangimut avannamut-kangimullu Oqummiap Tasersuatigut, qooroq Naqinnersua atuarlugu. Tassanngaaniit Quassuup Quassuttarsuullu aariaat atuarlugu tassanngalu kangimut avannamut-kangimullu taseq Tasersuaq atuarlugu sermeq Saqqap Sermia  atuarlugu Sermersuaq kangimut  66° 22' 00'' atuarlugu allorniusaq avannamut 65° 22' 00'', kimmut 44° 00’ 00" (WGS 84). Allormiusamit tassannga kimmut killingata atuarpaa alloriusaq sanimukartoq kimmut 44 avannamut allormiusaq avannamut 71° 00’00", kimmut 44° 00’00" (WGS 84). Avannamut kangimut kommuneqarfik killeqarpoq titarnermik Kap Biotimiit (Flemming Fjordip avannaa-tungaani qaqqajunnaq allorniusaq sanimukartoq 72° -mit 10 km miss. kujasitsigisumi) kimmut qaqqap aariaa atuarlugu tassanngaaniit Staunings Alper kangiatungeqqullugit tatsit  Kaporniagaqartit Kangittiit Imiat aamma Kaporniagaqartit Kittiit Imiat avannaqqullugit. Taava kimmut Stormpyntimut Kangersik Kiatteq-up avannaamut sineriaatigut, tassannga Kangersik Kiatteq-up avannamut sineriaa atuarlugu qeqertamut  Immikkeertaa. Immikkeertaa kangerluk ikaarlugu ingerlaqqilluni Tuttut Nunaat napillugu sermimut  Aqissip Kangersivata avannaa-tungaanut aamma tassanngaaniit Nunatarpaat kujaqqullugit allorniusaq avannamut 71° 00’00" kimmut 28° 50’00" (WGS84). Tassanngaaniit allormiusaq sanimukartoq atuarlugu avannamut 71° 00’ 00", kimmut 44° 00’00" (WGS 84). Avannamut killingata peqatigaa Tunup Avannaani Nunap Allangutsaaliukkap killinga (tak.§ 5). Kommuneqarfiup kimmut kangimullu killingi tunngaviusumik killeqarfittut killilerneqarput tak. § 4.
  Imm. 4.  Qeqqata Kommunia: Kujammut kangimullu Kommuneqarfik Sermersooq-mut killeqarpoq. Avannamut killinga immamiit Nassuttooq atuarlugu Kuup Akuanut ingerlaqqillunilu Kuuk atuarlugu Inuppaat Quuat-nut, tassannga killinga kangimut titarneq narlusooq atuarlugu Kommuneqarfik Sermersuup killinganut kangimut killeqarpoq, allorniusat avannamut 67° 32’00", kimmut 44° 00’00" (WGS 84). Kommuneqarfiup kimmut killingi tunngaviusumik killeqarfittut killilerneqarput, tak. § 4.
  Imm. 5.  Kommune Qeqertalik: Kujammut Qeqqata Kommunianut kujammut kangimullu Kommuneqarfik Sermersooq-mut killeqarpoq. Avannamut kommuneqarfik killeqarpoq imartanut Maligaat aamma Sullorsuaq Qeqertarsuup avannaanut kujammullu ingerlaqqilluni Qeqertarsuup Tunua aqqutigalugu. Kitsissunnguit qeqertaata avannaaniit Tasiusaarsuit Kujalliit tungaanut killeqarpoq. Tassannga kuuk aqqusaarlugu, Naajannguit kujataatigut Eqaluit naqqanut, tassanngaanniit narluusumik ingerlaqqissaaq Qangattalimmut, kujammut-kangimut Saqqarliup akornatigut, semersuaq Saqqarliup Sermia aqqusaarlugu tassanngaanniillu narluusumik Kangiata Kitaatalu killinganut.
  Imm. 6.  Avannaata Kommunia: Kujammut killinga Kommune Qeqertalik-up avannaata killinga. Kangimut kommuneqarfik killeqarpoq Kommuneqafik Sermersuup killinganut avannamut 71° 00' 00'', kangimut 44° 00' 00'' (WGS 84) killinga ingerlaqqissaaq avannaanut Kangiata Kitaatalu killingisa akornatigut avannamut 78° 00' 00'', kimmut 44° 00' 00'' (WGS 84). Tassanngaanniit sermersuaq ikaarlugu Petermanns Gletscher-ip tungaanut aamma  Kennedy Kanal aqqusaarlugu. Kommuneqarfiup kimmut avannamullu tunngaviusumik killeqarfianit killilerneqarput tak. § 4. Kommuneqarfiup Pituffimmut tunngatillugu killingi pillugit tak. § 5.

  § 4.  Kommuneqarfiit immamut killingi tunngaviusumik killeqarfittut killilerneqarput, tak. United Nations Bulletin no. 56, Imavinni Pisinnaatitaaffiit pillugit Isumaqatigiissut.  
  Imm. 2.  Taamaakkaluartoq kommunalbestyrelsit pineqartut Naalakkersuisut akuersineratigut sumiiffimmi maleruaqqusanik aalajangersaasinnaapput tunngaviusumik killeqarfinnik iluani atuuttussanik.

Aalajangersakkat immikkut ittut

  § 5.  Kommuneqarfinnut aggorneqarnerup avataatigut ingerlanneqarput:
1)  Kalaallit Nunaata illersornissaa pillugu Angerfigeqatigiissut 27. april 1951-imeersoq malillugu danskit Amerikamiullu sakkutooqarfii.  (Pituffik). 
2)  Tunup Avannaani Nuna Allanngutsaaliugaq.  Kalaallit Nunaanni pinngortitamik eqqissisimatitsineq pillugu Inatsisartut inatsisaanni §1, imm. 2-p 3-llu allannguutaat pillugu Nunap allanngutsaaliukkap killingi Inatsisartut inatsisaatigut nr. 15, 9. november 1988-imeersukkut aalajangersagaapput. 

  § 6.  Naalakkersuisut pisuni ataasiakkaani killingit pillugit najoqqutassanik erseqqinnerusunik aalajangersaasinnaapput.

  § 7.  Kommuneqarfiup aqqanik allannguineq pisinnaavoq taamaallaat Naalakkersuisut siusinaartumik akuersineratigut Nunat Aqqinik Aalajangiisartut innersuussutaat malillugit.

Atuutilernera

  § 8.  Inatsisartut inatsisaat ulloq 1. januar 2018 atuutilissaaq. Peqatigitillugu atorunnaassaaq Kalaallit Nunaata nunap immikkoortuinut kommuninullu aggornera pillugu Inatsisartut inatsisaat nr. 15, 5. december 2008-meersoq.

Namminersorlutik Oqartussat, ulloq 23. november 2017.

Kim Kielsen