§ 1

Inissiani attartortittakkani ineqarnermut tapiissutit pillugit Inatsisartut inatsisaat nr. 23 7. december 2015-imeersumi uku allanngortinneqarput:

1. § 3 imm. 1-ip kingorna nutaatut imm. 2-4 ikkunneqarput:
” Imm. 2. Ineqarnermut tapiissutinik tunineqartup inoqutigiinni ilaaffigisaani toqukkut qimaguttoqarpat allatigulluunniit atukkat allanngornerisigut inoqutigiit ikilippata, inooqatigiinni pisup kingorna qaammatini 6-ilinni siullerni imm. 1 atorneqassanngilaq.
  Imm. 3.  Ineqarnermut tapiissutinik tunineqartup inoqutigiinni ilaaffigisaani toqukkut qimaguttoqarpat allatigulluunniit atukkat allanngornerisigut inoqutigiit ikilippata, ineqarnermut tapiissutinik tunineqartup kommunalbestyrelsimut inissiamik allamik, tassani ininik najugarineqartussanik najugaqartunut naleqqiullugu amerlanerunngitsunik qinnuteqarsimalluni uppernarsaaneraniit qaammatit 24-it tikillugit imm. 1 aammattaaq atorneqassanngilaq.
  Imm. 4.  Ineqarnermut tapiissutinik tunineqartup inissiamik init najugaqartussallu amerlassusissaannut piumasaqaatinik naammassinnissinnaasumik neqeroorfigineqarnini itigartissimappagu, itigartitsinerminngaanniit imm. 1 qanorluunniit imm. 3-imi allassimasoqaraluarpat atorneqassaaq, taamaattoq siusinnerpaamik inooqatigiinni pisup pineraniit qaammatit 6-it kingorna. ”

Imm. 2 matuma kingorna imm. 5-inngussaaq.

2.  Imm. 2, imm. 5-inngortussaq,ima oqaasertaqarpoq:
“ Imm. 5.  Pissutsit immikkut ittut pissutissaqartippassuk imm. 1-imit 4-mut aalajangersakkanit kommunalbestyrelsi immikkut akuersissuteqarsinnaavoq.

§ 2

Inatsisartut inatsisaat 1. januar 2018 atuutilissaaq.

Namminersorlutik Oqartussat, ulloq 23. november 2017

Kim Kielsen