§ 1

Inatsisartut Naatsorsueqqissaartarfik pillugu inatsisaanni nr. 11, 29. oktober 1999-imeersumi Inatsisartullu inatsisaatigut nr. 36, 9. december 2015-imeersukkut allannguuteqartinneqartumi ima allannguisoqarpoq:

1. Inatsisartut inatsisaata qulequtaa ima oqaasertalerneqassaaq:
”Naatsorsueqqissaartarfik pillugu Inatsisartut inatsisaat nr. 11, 29. oktober 1999-imeersoq”.

2. § 5, imm. 5,ima oqaasertalerneqassaaq:
”Imm. 5.  Naatsorsueqqissaartarfimmi siulersuisut akissarsiaqartinneqarnerat aammalu siulersuisunut ilaasortat aningaasartuutaannut, tassungalu ilanngullugu angalanermut, nerisaqarnermut ineqarnermullu anigaasartuutinut ajunngitsorsiassaqartinneqarnerat pillugu maleruaqqusanik Naalakkersuisut aalajangersaasinnaapput.”

 
§ 2

Inatsisartut inatsisaat ulloq 1. januar 2018-imi atuutilerpoq.

Namminersorlutik Oqartussat, ulloq 17. november 2017

Kim Kielsen