§ 1

Kalaallit Nunaannut suliffissarsiortut killilersimaarnissaat pillugu Inatsisartut inatsisaat nr. 27 30. oktober 1992-imeersumi, Inatsisartut inatsisaat nr. 27, 9. december 2015-imeersumi  aamma Inatsisartut inatsisaat nr. 23, 28. november 2016-imeersumi allanngortinneqartumi matuminnga allannguuteqartoqassaaq:

1.  § 6, imm. 3, imatut oqaasertalerneqassaaq:
”  Imm. 3. Imm. 1 tunngavigalugu aalajangiinerit qinnuteqaatip tiguneraniit ullut 14-it qaangiutsinnagit aalajangerneqartassapput, takuulli § 5a. Kommunalbestyrelsilli qinnuteqaatip aalajangiiffiginissaanut paasissutissat amigaateqartutut nalilerpagit, kommunalbestyrelsi qinnuteqartumut paasissutissanik imaluunniit takussutissanik uppernarsaatinik piumasaqarsinnaavoq. Taamaattoqartillugu aalajangiinissamut killigititaq unitsinneqassaaq, paasissutissat takussutissat uppernarsaataasut pisariaqartinneqartut tigunissaasa tungaanut. Tamatuma kingorna kommunalbestyrelsi ullut 14-it qaangiutsinnagit aalajangiissaaq.”

§ 2

Inatsisartut inatsisaat 1. januar 2018-imi atuutilerpoq.

Namminersorlutik Oqartussat, ulloq 13. november 2017

Kim Kielsen