§ 1

Nunaoil A/S pillugu Inatsisartut inatsisaanni nr. 15, 7. december 2009-imeersumi makkua allanngortinneqarput:

1.  § 1 imatut oqaasertalerneqarpoq:
”  § 1.  Nunaoil A/S-ip ikummatissiassanut akuersissutini kiisalu suliassani tamatumunnga pissusissamisoortumik atasuni Namminersorlutik Oqartussat peqataanerat isumagisaraa.”

2.  § 3, imm. 1-3, imatut oqaasertalerneqarput:
”  Ingerlatseqatigiiffiup ataatsimeersuarnerani, aktiaatileqatigiiffinni siulersuisunik toqqaasarneq pillugu ingerlatseqatigiiffinnut inatsimmut sukkulluunniit atuuttumut naapertuuttumik, siulersuisut qinerneqassapput, taamaattoq takuuk § 4.
  Imm. 2.  Naalagaaffiup Namminersorlutik Oqartussanut tapiissutai 0 koruuninngorlugit ikilisinneqarnissaasa tungaanut, naalagaaffik siulersuisuni ilaasortassatut inummik ataatsimik toqqaasinnaavoq.
  Imm. 3.  Inatsisitigut, aningaasaqarniarnikkut inuussutissarsiornikkullu pissutsit pillugit qaffasissumik uppernarsaatitalimmik ilisimasaqarneq siulersuisuni ataatsimoortuni takuneqarsinnaassaaq.”

§ 2

Inatsisartut inatsisaat ulloq 1. juli 2017 atuutilerpoq.

Namminersorlutik Oqartussat, ulloq 8. juni 2017

Kim Kielsen