Ilageeqarneq pillugu Inatsisartut inatsisaat nr. 9, 19. maj 2010-meersumi Inatsisartullu inatsisaat nr. 2, 29. november 2013-imeersoq aqqutigalugu allanngortinneqarsimasumi § 26i naapertorlugu aalajangersarneqassaaq:

  § 1.  Maani aalajangersakkami malittarisassat Ittoqqortoormiini Palaseqarfimmi piffissami ilagiit sinniisaannik pilersitsiffiusimanngitsumi palasitut atorfimmit inuttalersuinissamut atuupput.

 

  § 2.  Biskoppip Provsteqarfik Qeqqa Tunulu-mi provsti qinnuteqaatit sulisussarsiornermi tiguneqarsimasut pillugit ilisimatissavaa. Atorfiup inuttalernissaa pillugu provstimik ataatsimeeqateqarnissaq Biskoppip aaqqissuutissavaa. Ataatsimiinnissaq qinnuteqarfissap killingata kingorna piaarnerpaamik pissaaq, kingusinnerpaamillu sap. ak. pingasut kingorna. Tamassuma killigititap sivitsornissaa biskoppip piumappagu Ilageeqarnermut Naalakkersuisoqarfimmit sivitsorneqarsinnaavoq.

 

  § 3. Ataatsimiinnissaq § 2-mi pineqartoq pereerpat provsti qinnuteqaatit pillugit biskoppimut oqaaseqaasiussaaq. Biskoppip taakku oqaaseqaatit aamma atorfiup inuttalernissaanut nammineq inassutini ilanngullugu Ilageeqarnermut Naalakkersuisoqarfimmut nassiutissavai.
  Imm. 2.   Biskoppi sapinngisamik qinnuteqartunik pingasunik pingaarnersiorlugit tulleriiaarneqartunik Ilageeqarnermut Naalakkersuisoqarfimmut inassuteqassaaq, taamaakkaluartoq § 4, imm. 2 takuuk.

 

  § 4.  Ilageeqarnermut Naalakkersuisup kina palasitut atorfimmut atorfinitsinneqassanersoq aalajangissavaa. Qinnuteqartoq biskoppimit inassutigineqarsimanngitsoq atorfinitsinneqarsinnaanngilaq.
  Imm. 2.  Biskoppi qinnuteqartut akornanni piukkunnartoqarsorinngippagu taamaattumillu inassuteqarsimanngippat imaluunniit Ilageeqarnermut Naalakkersuisup biskoppip qinnuteqartut inassutigisimasaanik atorfinitsitsiumanngippat atorfimmut sulisussarsioqqissaaq.

 

  § 5. Nalunaarut 1. november 2017-imi atuutilerpoq.

 

 

Namminersorlutik Oqartussat, ulloq 12. oktober 2017

 

 

Doris J. Jensen

/

Lone Nukaaraq Møller