§ 1

Kalaallit Nunaannut suliffissarsiortut killilersimaarneqarnissaat pillugu Inatsisartut inatsisaanni nr. 27, 30. oktober 1992-imeersumi, Inatsisartut inatsisaatigut nr. 27, 9. december 2015-imeersukkut allanngortinneqartumi allanngortinneqassapput:

1.  § 2, imm. 1, nr. 2, imatut oqaasertalerneqassaaq:
”2) atorfinni sulianik ingerlatsinissami suliamik ilinniarsimasuunissamik piumasaqaateqarfiusuni, suliamik ilinniarsimasutut imaluunniit tunngaviusumik inuussutissarsiutinut ilinniartitaanerni, aamma”.

2.  § 2, imm. 1, nr. 3, atorunnaarsinneqarpoq.            
Nr. 4 taamaasilluni nr. 3-ngussaaq.

3.  § 2, imm. 2-up kingorna ikkussisoqassaaq imm. 3, 4 aamma 5-imik:
”Imm. 3.  Imm. 2-mut ilaanngillat avataaniit akissarsiaqarlutik sulisuusut, pineqartoq:
1) suliffeqarfimmi Kalaallit Nunaata avataani angerlarsimaffilimmi sulisuuppat,
2) pineqartoq nunami maani najugaqartuunngippat,
3) taamaallaat sulisorineqarpat suliassanut sulisitsisup nunani allaneersup suliassiissutaanut akiligaanullu tunngatillugu,
4) kalaallimit suliassiisumit kiffartuussamilluunniit sullissisuunngippat, aamma
5) nunami maani suliassanik ataavartunik suliaqartuunngippat.
  Imm. 4.  Naalakkersuisut aalajangersagaliorsinnaapput, inatsit atortinneqassasoq sulisussanik avataaneersunik akissarsiaqartunik sulisitsinernut allanut, imm. 1-imi pineqartut atorfiit avataanniittunut.
  Imm. 5.  Naalakkersuisut aalajangersagaliorsinnaapput inatsit atussanngitsoq avataaneersunik sulisunik akissarsialinnik sulisitsinermi atorfinnut imm. 1-imi ilaagaluartunut.”.

4.  Qulequtaa § 4-ap kingorna imatut oqaasertalerneqassaaq:

                                            ”Kommuninit akuersissutit nalunaarutillu”

5.  § 6, imm. 2, imatut oqaasertalerneqassaaq:
" Imm. 2.  Kommunimit akuersissut nalunaarutigineqassaaq piffissamut killilikkamut sivisunerpaamik ukiunik marlunnik sivisussusilimmut.”.

6.  § 6, imm. 4-ap kingorna imm. 5-itut ikkunneqassaaq:
”Imm. 5.  Naalakkersuisut aalajangersagaliorsinnaapput nalunaarusiortarnermut, taassuma imassaanut akuttussusissaanullu tunngatillugu.”.
 

§ 2

Inatsisartut inatsisaat atuutilerpoq 1. januar 2017.

Kalaallit Nunaanni Namminersorlutik Oqartussat, ulloq 28. november 2016

Kim Kielsen