§ 1

Aatsitassat pillugit ingerlatallu tamatumunnga pingaarutillit pillugit Inatsisartut inatsisaanni nr. 7, 7. december 2009-imeersumi (aatsitassanut ikummatissanullu inatsit), Inatsisartut inatsisaat nr. 26, 18. december 2012-imeersukkut aamma Inatsisartut inatsisaat nr. 6, 8. juni 2014-imeersukkut allannguuteqartinneqartumi makkua allannguuteqartinneqarput:

1.  I § 2, imm. 4-imi allanngortinneqassaaq ”Danmarks Miljøundersøgelser (DMU)” imaalerlugu ”Nationalt Center for Miljø og Energi (DCE)”.

2.  § 97, imm. 1, imatut oqaasertalerneqassaaq:
”§ 97.  Naalakkersuisut aatsitassanik § 2 imm. 2, nr. 2-imut imaluunniit §§ 45-47-imut akerliusumik imaluunniit atugassarititaasunut akuersissummi, akuersissuteqarnermi aalajangersagaasunut imaluunniit aalajangersakkanut Inatsisartut inatsisaat malillugu aalajangersagaasunut akerliusumik katersorneqarsimasunik, piiarneqarsimasunik imaluunniit atorneqarsimasunik arsaarinnissuteqarsinnaapput.”

§ 2

Inatsisartut inatsisaat ulloq 1. maj 2015 atuutilerpoq.
Imm. 2.  Aatsitassanik misissueqqaarnissamut, misissuinissamut imaluunniit piiaanissamut akuersissutit, Inatsisartut inatsisaata atuutilernerani tunniunneqareersimasut, atuunnerat attatiinnarneqassaaq. Inatsisartut inatsisaat aamma Inatsisartut inatsisaata atuutilernerani akuersissutinut taamaattunut, akuersissutit taamaattut malillugit pisinnaatitsissummik pigisaqartunut kiisalu ingerlatanut aatsitassanut ikummatissanullu inatsimmi pineqartunut ilaasunut atuutissaaq. Inatsisartut inatsisaat aamma ingerlatanut, ilanngullugit aatsitassanik katersineq, piiaaneq atuinerlu, aatsitassanut ikummatissanullu inatsimmi pineqartunut ilaasunut aamma Inatsisartut inatsisaata atuutilernissaa sioqqullugu ingerlanneqartunut, atuutissaaq.

Namminersorlutik Oqartussat, ulloq 3. juni 2015

Kim Kielsen