§ 1.

Raajanut akitsuutit pillugit Inatsisartut inatsisaanni nr. 20, 25. oktober 1990-imeersumi, Inat­sisartut inatsisaatigut nr. 24, 22. november 2011-meersukkut kingullermik allanngortinneqar­tumi makku allannguutigitinneqarput:

1. § 4, imm. 2, ima oqaasertaqassaaq:
”Imm. 2.  Raajat akitsuusigassat, umiarsuit Kalaallit Nunaanni nalunaarsorneqarsimasut atorlu­git pisarineqartut, ukiup sisamararterutaani kingullerni sisamani tunineqarneranni agguaqati­giissillugu kiilumut akiat, § 2, imm. 1, oqaaseqatigiit aappaat naapertorlugu qaffaataajunnar­tunik ilasaq tunngavigalugu aallaavissaq naatsorsorneqassaaq, tassa tunisinermi aki agguaqa­tigiissillugu kiilumut 9,60 kr.-niusoq aallaavissatut 100,00-imut angissusilerlugu. Tunisinermi akip 9,60 kr.-iniit ørimik ataatsimik annerulerneri tamaasa aallaavissaq aaqqiivigineqartas­saaq.”

2. § 4, imm. 3, ima oqaasertaqassaaq:
”Imm. 3.  Aallaavissaq 100,1042-nngorpat akitsuut 0,01 pct.-imut angissusilerneqassaaq aal­laavissap 0,1042 procentpointimik qaffanneri tamaasa 0,01 procentimik qaffattassalluni. Aal­laavissaq 100,00-iuppat annikinnerullunilunniit akitsuummik akiliisoqassanngilaq.”

3. § 4, imm. 4, ima oqaasertaqassaaq:
”Imm. 4.  Aallaavissaq 256,2500-iuppat, tassa tunisinermi akip agguaqatigiissillugu kiilumut 24,60 kr.-ip nalingatut, taassumanngaluunniit angineruppat, taava akitsuut anginerulerani 15 procentiussaaq.”

§ 2.

Inatsisartut inatsisaat atortuulissaaq ulloq 1. januar 2014.

Namminersorlutik Oqartussat, ulloq 29. november 2013

Aleqa Hammond