Peqqinnissaqarfiup aqunneqarnera aaqqissuussaanera kiisalu peqqinnissamut tunngasutigut sullissisut aamma tarnip pissusaanik ilisimasallit pillugit Inatsisartut Inatsisaanni nr. 27-mi, 18. november 2010-meersumi § 6, imm. 3 naapertorlugu aalajangersarneqarput:

Peqqinnissaqarfiup nunap immikkoortuinut aggornilersorneqarnera

§ 1.  Peqqinnissaqarfik nunap immikkoortuinut tallimanut ukununnga aggornilersorneqarpoq:
1)  Avannaani Peqqinnissaqarfik. Ilulissani napparsimmavik Avannaani Peqqinnissaqarfiup napparsimmaviatut atuuppoq.
2)  Qeqertarsuup Tunuani Peqqinnissaqarfik. Aasianni napparsimmavik Qeqertarsuup Tunuani Peqqinnissaqarfiup napparsimmaviatut atuuppoq.
3)  Qeqqani Peqqinnissaqarfik. Sisimiuni Peqqissaavik Qeqqani Peqqinnissaqarfiup peqqissaaviatut atuuppoq.
4)  Sermersuumi Peqqinnissaqarfik. Nuummi Nakorsiartarfik Sermersuumi Peqqinnissaqarfiup napparsimmaviatut atuuppoq.
5)  Kujataani Peqqinnissaqarfik. Qaqortumi napparsimmavik Kujataani Peqqinnissaqarfiup napparsimmaviatut atuuppoq.
Imm. 2.  Avannaani Peqqinnissaqarfiup illoqarfiit nunaqarfiillu makku peqqinnissakkut sullitarai: Ilulissat, Ilimanaq, Oqaatsut, Qeqertaq, Saqqaq, Uummannaq, Ikerasak, Illorsuit, Niaqornat, Nuugaatsiaq, Qaarsut, Saattut, Ukkusissat, Upernavik, Aappilattoq, Kangersuatsiaq, Kullorsuaq, Innaarsuit, Naajaat, Nuussuaq, Tasiusaq, Nutaarmiut, Upernavik Kujalleq, Qaanaaq, Qeqertat, Savissivik aamma Siorapaluk.
Imm. 3.  Qeqertarsuup Tunuani Peqqinnissaqarfiup illoqarfiit nunaqarfiillu makku peqqinnissakkut sullitarai: Aasiaat, Akunnaaq, Kitsissuarsuit, Qasigiannguit, Ikamiut, Qeqertarsuaq, Kangerluk, Kangaatsiaq, Attu, Iginniarfik, Ikerasaarsuk aamma Niaqornaarsuk.
Imm. 4.  Qeqqani Peqqinnissaqarfiup illoqarfiit nunaqarfiillu makku peqqinnissakkut sullitarai: Sisimiut, Itilleq, Kangerlussuaq, Sarfannguaq, Maniitsoq, Atammik, Napasoq aamma Kangaamiut.    Imm. 5.  Sermersuumi Peqqinnissaqarfiup illoqarfiit nunaqarfiillu makku peqqinnissakkut sullitarai: Nuuk, Qeqertarsuatsiaat, Kapisillit, Paamiut, Arsuk, Tasiilaq, Kulusuk, Tiniteqilaaq, Sermiligaaq, Kuummiut, Isortoq, Ittoqqortoormiit aamma Ivittuut.   Imm. 6.  Kujataani Peqqinnissaqarfiup illoqarfiit nunaqarfiillu makku peqqinnissakkut sullitarai: Nanortalik, Alluitsup Paa, Tasiusaq, Narsaq Kujalleq (Narsarmijit), Ammassivik, Aappilattoq, Qaqortoq, Qassimiut, Eqalugaarsuit, Saarloq, Narsaq, Igaliku, Narsarsuaq aamma Qassiarsuk.

Nunap najukkani kigutilerisoqarfinnut aggornilersorneqarnera

§ 2.  Kigutilerinermut tunngatillugu nuna najukkani kigutilerisoqarfinnut makkununnga aggornilersorneqarpoq:
1)  Aasiaat kigutilerisoqarfiat: Aasiaat kigutilerivianni kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Aasiaat, Akunnaaq aamma Kitsissuarsuit.
2)  Ilulissat kigutilerisoqarfiat: Ilulissat kigutilerivianni kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Ilulissat, Ilimanaq, Oqaatsut, Qeqertaq aamma Saqqaq.
3)  Kangaatsiap kigutilerisoqarfia: Kangaatsiap kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Kangaatsiaq, Attu, Iginniarfik, Ikerasaarsuk aamma Niaqornaarsuk.
4)  Maniitsup kigutilerisoqarfia: Maniitsup kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Maniitsoq, Atammik, Napasoq aamma Kangaamiut.
5)  Nanortallip kigutilerisoqarfia: Nanortallip kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Nanortalik, Alluitsup Paa, Tasiusaq, Narsaq Kujalleq (Narsarmijit), Ammassivik aamma Aappilattoq.
6)  Narsap kigutilerisoqarfia: Narsap kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Narsaq, Igaliku, Narsarsuaq  aamma Qassiarsuk.
7)  Nuup kigutilerisoqarfia: Nuup kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Nuuk, Qeqertarsuatsiaat aamma Kapisillit.
8)  Paamiut kigutilerisoqarfiat: Paamiut kigutilerivianni kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Paamiut, Arsuk aamma Ivittuut.
9)  Qaanaap kigutilerisoqarfia: Qaanaap kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Qaanaaq, Qeqertat, Savissivik aamma Siorapaluk.
10)  Qaqortup kigutilerisoqarfia: Qaqortup kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Qaqortoq, Qassimiut, Eqalugaarsuit aamma Saarloq.
11)  Qasigiannguit kigutilerisoqarfia: Qasigiannguit kigutilerivianni kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Qasigiannguit aamma  Ikamiut.
12)  Qeqertarsuup kigutilerisoqarfia: Qeqertarsuup kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Qeqertarsuaq aamma Kangerluk.
13)  Sisimiut kigutilerisoqarfiat: Sisimiut kigutilerivianni kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Sisimiut, Itilleq, Kangerlussuaq aamma Sarfannguaq.
14)  Tasiilap kigutilerisoqarfia: Tasiilap kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Tasiilaq, Kulusuk, Tiniteqilaaq, Sermiligaaq, Kuummiut, Isortoq aamma Ittoqqortoormiit.
15)  Upernaviup kigutilerisoqarfia: Upernaviup kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Upernavik, Aappilattoq, Kangersuatsiaq, Kullorsuaq, Innaarsuit, Naajaat, Nuussuaq, Tasiusaq, Nutaarmiut aamma Upernavik Kujalleq.
16)  Uummannap kigutilerisoqarfia: Uummannap kigutileriviani kigutilerisut qullersaata illoqarfinni nunaqarfinnilu makkunani kigutigissaaneq isumagisassaraa: Uummannaq, Ikerasak, Illorsuit, Niaqornat, Nuugaatsiaq, Qaarsut, Saattut aamma Ukkusissat.

Nunap immikkoortuini Peqqinnissaqarfiit aaqqissuussaanerat

§ 3.  Nunap immikkoortuini Peqqinnissaqarfinni tamani qitiusumik napparsimmaveqarpoq ataatsimik arlalinnilluunniit peqqissaaveqarluni, nunaqarfinni napparsimmaveeraqarluni nunaqarfinnilu nakorsiartarfeqarluni.

§ 4.  Nunap immikkoortuini Peqqinnissaqarfiiit aqutsisui tassaapput nunap immikkoortuani nakorsat pisortaat aamma nunap immikkoortuani peqqissaasut pisortaat.
Imm. 2.  Nunap immikkoortuani Peqqinnissaqarfimmi aqutsisut peqqinnissakkut sullissineq, aningaasaqarneq allaffissornikkullu aqutsineq tamakkiisumik akisussaaffigaat.
Imm. 3.  Nunap immikkoortuani Peqqinnissaqarfimmi aqutsisut Peqqinnissaqarfiup Qullersaqarfianut Peqqissutsimut Pitsaaliuinermullu Aqutsisoqarfimmi inissisimasumut toqqaannartumik akisussaasuupput.
Imm. 4.  Peqqissutsimut Pitsaaliuinermullu Aqutsisoqarfiup Nunap immikkoortuini Peqqinnissaqarfimmi aqutsisut atorfinitsittarpai soraarsittarlugillu.  

§ 5.  Nunap immikkoortuani nakorsat pisortaat Nunap immikkoortuani Peqqinnissaqarfimmi nakorsatut ilinniarsimaneq tunngavigalugu sullissinermut tamakkiisumik akisussaasuuvoq. 
Imm. 2  Nunap immikkoortuani peqqissaasut pisortaat Nunap immikkoortuani Peqqinnissaqarfimmi peqqissaasutut ilinniarsimaneq tunngavigalugu sullissinermut tamakkiisumik akisussaasuuvoq. 

§ 6.  Nunap immikkoortuani Peqqinnissaqarfiup aqutsisuisa Peqqinnissaqarfiup Qullersaqarfiatalu Peqqissutsimut Pitsaaliuinermullu Aqutsisoqarfimmiittup oqalotigiinnerisigut Nunap immikkoortuani Peqqinnissaqarfiup aningaasat atugassai missingersuusiorneqartarput.
Imm 2.  Aningaasat atugassat missingersuusiornerinut akisussaaffik nunap immikkoortuani nakorsat pisortaata aamma nunap immikkoortuani peqqissaasut pisortaata ataatsimoorlutik akisussaaffigaat.

§ 7.  Nunap immikkoortuani Peqqinnissaqarfimmi aqutsisut aningaasaqarnermik missingersuusiornermillu aqutsinermi Nunap immikkoortuani Peqqinnissaqarfimmi ingerlatsinermut pisortamit ikiorteqarput.  
Imm. 2.  Nunap immikkoortuani Peqqinnissaqarfimmi ingerlatsinermut pisortaq nunap immikkoortuani aqutsisunit atorfinitsinneqartarpoq.

§ 8.  Peqqinnissaqarfiup Qullersaqarfia nunallu immikkoortuini aqutsisut akuttunerpaamik ukiumut ataasiarlutik aqutseqatigiittut naapeqatigiittarput.
Imm. 1.  Aqutseqatigiittut naapeqatigiinnermi peqqinnissakkut inerisaaneq, aningaasaqarneq, sulisoqarniarneq, sulisut ilinniarsimasut aalaakkaanerunissaat, pissutsillu Nunap immikkoortuini Peqqinnissaqarfinnut pingaarutillit allat oqaluuserisarpaat.

Dronning Ingridip Napparsimmavissuata nuna tamakkerlugu suliassaqarfii

§ 9.  Dronning Ingridip Napparsimmavissua nuna tamakkerlugu Nuummiunullu napparsimmaviuvoq.
Stk. 2.  Dronning Ingridip Napparsimmavissuata nuna tamakkerlugu napparsimmavittut pisussaaffigai:
1)  immikkut ilisimasaqarfiit napparsimmavissuarmiittut ilaatigut makkuusut: pilatsinneq,  saarnit naggussallu nappaataat, siutit qinngap toqqusaallu nappaataat, nakorsartittut, meeqqat nappaataat, tarnikkut nappaatit, sinitsitsineq, qinnguartaaneq, arnat ilumikkut nappaataat, naartuneq, ernineq, kigutit kiguserfiillu nappaataat kiisalu ammikkut nappaatit kinguaassiuutitigullu nappaatit allaavigalugit nunap immikkoortuini peqqinnissaqarfiup napparsimmaviinut tamanut ikiuunneq,
2)  immikkut ilisimasaqarfiit tunngavigalugit sullissinissami akuerisaasunik, assigiiaanik qaffasissumik pitsaassusilinnik nutartertuakkanillu maleruagassaqarnissaa, suleriaasissanullu ilitsersuuteqarnissaa qulakkiigassaraa,
3)  immikkut ilisimasaqarfiit aallaavigalugit nunap immikkoortuini peqqinnissaqarfinni tamani  sulisut pisariaqartitsineq naapertorlugu ilinniartinneqarnissaasa piginnaasaqarfiisalu ineriartortinnissaasa qulakkeernissaat,
4)  laboratoriami misissuisarnikkut, qinnguartaanikkut, teknikkikkut nakorsaanermilu atortorissaaruteqarnikkut, nunap immikkoortuini peqqinnissaqarfiiit napparsimmaviinut ikiuunneq,
5)  susassaqarfinnut ikorfartuineq, ilinniaqqittarnermik qulakkeerineq, ilinniagaqarnerlu tunuliaqutigalu nuna tamakkerlugu immikkut ilisimasalittut susassaqarfilinnik, soorlu Nuna tamakkerlugu nakorsaataasivimmi,  Qitiusumik aaviisarfimmi, naartusunik ernisunillu sullissivimmi, meeraaqqerisuni, timimik sungiusaavimmi pillorissaavimmilu sulisussarsiniarnermi atorfinititsinernilu ikiuunneq,
6)  Dronning Ingridip Napparsimmavissuani immikkut ilisimasalittut atorfillit pisariaqartitsinerat naapertorlugu pikkorissarlugillu piginnaassaannik ineriartortitsiuarnissap qulakkeernissaa,
7)  napparsimasunik misissuinerit nakorsaanerillu nunap immikkoortuini peqqinnissaqarfiit napparsimmaviini peqqissaaviinilu suliarineqarsinnaanngitsut isumagineqarnerat, kiisalu
8)  ilinniagaqarneq tunngavigalugu peqqinnissamik sullissinermik nunap immikkoortuini peqqinnissaqarfiit napparsimmaviinut siunnersuineq.
Imm. 3.  Imm. 2-mi nr. 1-imi aamma nr. 4-mi ikiuineq pineqartoq tassaasinnaavoq isumasiorneqarsinnaaneq, oqarasuaatikkut siunnersuineq, PIPALUK, internet assigisaallu, angalanikkut nunap immikkoortuini peqqinnissaqarfiit napparsimmaviini nakorsiartitsineq imal. Dronning Ingridip Napparsimmavissuani nunalluunniit avataani nakorsartinnissamik isumaginninneq.

Atortuulersinneqarnera

§ 10.  Nalunaarut ulloq 1. januar 2011-mi atortuulersinneqarpoq.
Imm. 2.  Nunap najukkani peqqinnissaqarfinnut agguataarneqarnera pillugu nalunaarut nr. 1 5. februar 2003-meersoq taamaasilluni atorunnaarpoq.

Namminersorlutik Oqartussat, ulloq 24. marts 2011

Agathe Fontain

/

Ann Birkekær Kjeldsen