§ 1

Inatsisartut peqqussutaanni nr. 6 ulloq 14. november 2004-meersumi radio-mik tv-millu i-ngerlatsinermut tunngasumi, Inatsisartut peqqussutaat nr. 4 ulloq 1. juni 2006-imeersukkut allanngortinneqarsimasumi, allannguutissat makku suliarineqarput:

1.  Peqqussummi tamakkiisumi ima allaqqasut ”Radio tv-lu pillugit aalajangiisartut” tamarmik ima allaqqalissapput ”Naalakkersuisut”.

2.  § 19, imm. 3-mi peerpoq ”Radio tv-lu pillugit aalajangiisartut inassuteqarneratigut ”.

3.  § 28, imm. 5, 1. pkt.-imi, peerpoq ”aamma Radio tv-lu pillugit aalajangiisartunut , takuuk kapitel 6,”.

4.  § 19-ip kingornanut ilanngutissaaq:
”§ 19a.  KNR-ip aamma radioqarfiit tv-qarfiillu allat radio-kkut tv-kkullu aallakaatitsisarnermut tunngatillugu maleruagassanik malinninnersut Naalakkersuisut nakkutigissavaat.Inatsisartut peqqussutaannikunioqqutitsinerusinnaanerit Naalakkersuisut uparuaassutigissavaat, inatsisartut peqqussutaat naapertorlugit aalajangersakkat akuersissutinullu atugassarititaasut aallaavigalugit.”
Imm. 2.  Naalakkersuisut nakkutilliinissaminut atugassaminik KNR aamma aallakaatitsisinnaanermik akuersissummik pigisaqartoq suliffeqarfiup ingerlatsinera pillugu paasissutissanik piumaffigisinnaavai.”

5.  § 42, imm. 2, atorunnaarpoq ”Radio tv-lu pillugit aalajangiisartut imaluunniit”.

6.   Kapitel 6, §§ 43-49, atorunnaarput, aamma § 10-mi, imm. 1-imi” atorunnaarpoq ”, tak. kapitel 6,”.

7. § 55-ip kingornanut ilanngutissaaq:
”§ 55a.  Naalakkersuisut makkunatigut aalajangiissapput:
1) Ussassaarutit suunerat, sumut tunngasuunerat, oqaatsit atugaanerat aamma annertussusaat, tak. §§ 50-51 aamma § 53.
2) Radiokkut tv-kkullu ussassaarutit imarisaat, tak. §§ 52. Naalakkersuisut aalajangersakkanik unioqqutitsinerit uparuaassuteqarfigisinnaavaat, aamma KNR imaluunniit aallakaatitsinissamut akuersissummik pigisaqartoq aalajangiinermik avammut saqqummiussinissaannik pisussaaffilersinnaavaat. Naalakkersuisut aalajangersinnaavaat tamanna qanoq periaaseqartumik qanorlu iluseqartumik pissasoq.
3) Ussassaarutini aallakaatinneqartuni paasissutissat piviusut pillugit akissuteqarnerit. Akissuteqarsinnaatitaanermi piumasarineqarpoq paasissutissat piukkunnassuseqassasut aningaasatigut allatigulluunniit annaasaqaataasinnaanermut, taakkulu ilumoortuunerat qularnassuseqassanngitsoq. Naalakkersuisut piumaffigisinnaavaat KNR imaluunniit aallakaatitsinermut akuersissummik pigisaqartoq akissuteqaammik avammut saqqummiussinissaannik. Paasissutissamut akissuteqaatip qanoq imaqarnissaa, qanoq isikkoqarnissaa sumullu inissinnissaa Naalakkersuisut aalajangersinnaavaat.
4) Aallakaatitat aningaasaliiffigineqarsimasut suunerannik kikkullu aningaasaliisuunerannik ilisimatinneqarneq, tak. §§ 54-55.”

8. § 56, imm. 1, atorunnaarpoq”, tak. § 46,”.

9. § 59-imi, imm. 1, nr. 5-imi, allanngortinneqassaaq ”§ 46, imm. 1, nr.1 imaalillugu ”§ 55a, nr. 1”, aamma § 59-imi, imm. 1, nr. 6-imi, allanngortinneqassaaq ”§ 46, imm. 1, nr. 2” imaalillugu ”§ 55a, nr. 2”.

10. § 59-imi imm. 1, nr. 7-mi peerneqassaaq § 48,”.

11. § 60, imm. 3, 2. pkt., aamma § 64, atorunnaarput.

12. Inatsisartut peqqussutaanni tamakkiisumi allaqqasut ”Landsstyret” tamarmik imaalillugit allanneqalissapput ”Naalakkersuisut” aamma ”Landstinget” allanneqalissapput ”Inatsisartut”.

13. § 34-mi, § 37-mi, imm. 1-imi kiisalu, § 38-mi, imm. 1, nr. 2 aamma 3, allaqqasut”Namminersornerullutik Oqartussat” allanngortinneqassapput ima allaqqalissallutik ”Namminersorlutik Oqartussat”.

§ 2

Inatsisartut peqqussutaat  ulloq 1. juli 2010 atuutilissaaq.
Imm. 2. Maalaarutit qinnuteqaatillu Radio tv-lu pillugit aalajangiisartunut ulloq 1. juli 2010 sioqqullugu tunniunneqarsimasut Naalakkersuisunit inaarlugit suliarineqassapput. Aammattaaq suliassat allat inatsisissap piffissami atuutilernerata nalaani Radio tv-lu pillugit aalajangiisartunit suliarineqartut Naalakkersuisunit naammassineqassapput.

Namminersorlutik Oqartussat, ulloq, 19. maj 2010

Kuupik Kleist

/

Mimi Karlsen