Namminersornerullutik Oqartussat missingersuutaat pillugit Inatsisartut inatsisaata allanngortinneqarnera pillugu Inatsisartut inatsisaat (2010-mut Aningaasanut inatsit, nunamut tamarmut akileraarut, kommunimut akileraarut, kommunit missingersuutaat aamma ulluunerani paaqqinnittarfinnut akit)
§ 1
Namminersornerullutik Oqartussat missingersuutaat pillugit Inatsisartut inatsisaat nr. 8, 29. oktober 1999-imeersumi Inatsisartut inatsisaat nr. 1, 23. maj 2000-imeersukkut allanngortinneqartumi ukuninnga allanngortitsisoqassaaq:
1.
§ 10-mi imm. 2-6-tut nutaatut ikkunneqassapput:
" Imm. 2. 2010-mut aningaasanut inatsisissaq kingusinnerpaamik ulloq 28. november 2009-mi akuersissutigineqassaaq
Imm. 3. 2010-mut nunamut tamarmut procenti akileraarusiissutissaq kingusinnerpaamik ulloq 28. november 2009-mi aalajangersaaffigineqassaaq.
Imm. 4. Kommunit 2010-mut missingersuutaat kingusinnerpaamik ulloq 15. december 2009-mi akuersissutigineqassapput.
Imm. 5. 2010-mut kommunimut procenti akileraarutissaq kingusinnerpaamik ulloq 15. december 2009 aalajangersarneqassaaq.
Imm. 6. Meeqqat kommunip ulluunerani paaqqinnittarfiutaaniinnerinut kommunillu aaqqissugaanik ulluunerani angerlarsimaffimmi paaqqinniffinniinnerinut 2010-mut akit kingusinnerpaamik ulloq 15. december 2009 aalajangersarneqassapput."
§ 2
Inatsisartut inatsisaat manna Inatsisartunit akuersissutigineqarniariarluni atuutilissaaq. Inatsit ulloq 1. januar 2010-p tungaanut atuuppoq.
Namminersorlutik Oqartussat, ulloq 16. november 2009
Jens B. Frederiksen
/
Palle Christiansen
Allanngortippaa
-
PDF (0.02MB)