§ 1

Atuarfik pillugu Inatsisartut peqqussutaat nr. 8, 21. maj 2002-meersumi kingullermik Inatsisartut peqqussutaat nr. 12, 20. november 2006-imeersukkut allanngortinneqartumi ukuninnga allanngortitsisoqassaaq:

1.  § 31 imatut oqaasertalersorneqassaaq:
” § 31. Naalakkersuisut pisussaapput isumagissallugit:
1) § 20, imm. 4 naapertorlugu atuarfiit angerlarsimaffiusut immikkut aaqqissuussat.
2) Atuartitsissutit pillugit siunnersorteqarneq.
3) Atuartitsinermut atortussanik inerisaaneq.
4) Atuarfimmi ilinniartitsisunik pisortanillu pikkorissartitsisarneq, ilinniartitseqittarneq ingerlaqqiffiusumillu ilinniartitseqqittarneq.
5) Perorsaanermut tunngatillugu ilisimatusarneq inerisaanermillu suliaqarneq kiisalu atuarfiup ingerlanneqarneranik suliaanillu nalilersuineq.
Imm. 2. Imm. 1-imi nr. 2-miit 5-imut suliassat taaneqartut suliariumallugit perorsaanermut, ilisimatusarnermullu, naliliisarnermut ilinniartitaanermullu institutimik pilersitsisoqassaaq.
Imm. 3. Naalakkersuisut kommunini ataasiakkaani imaluunniit kommunini arlalinni kommunalbestyrelsit isumaqatigiissuteqarfigalugit imm. 1-imi nr. 1-imi suliassanik taaneqartunik taakku isumaginnittussanngortissinnaavaat.

2.  § 33, imm. 1-imi nr. 4-tut ikkunneqassaaq:
”4) Perorsaanermut aamma tarnip pissusaanut tunngasunik siunnersuineq.”

3.  Qallunaatuuani Peqqussummi tamarmi ”landsstyret” ”Naalakkersuisut”-nit taarserneqassaaq.

4.  § 47, imm. 1-imi ”Namminersornerullutik Oqartussanit” ”Namminersorlutik Oqartussanit” taarserneqassaaq, § 48, imm. 4-mi ”Namminersornerullutik Oqartussaniiginnarallassaaq” ”Namminersorlutik Oqartussaniiginnarallassaaq”-mik taarserneqassaaq, § 49, imm. 3-milu ”Namminersornerullutik Oqartussat” ”Namminersorlutik Oqartussat”-nik taarserneqassalluni.

§ 2

Inatsisartut peqqussutaat manna Naalakkersuisut nalunaarutiliornerisigut atuutilissaaq.

Namminersorlutik Oqartussat, ulloq 2. december 2009

Kuupik Kleist

/

Mimi Karlsen