§ 1

Suliffeqanngikkallarnermi ikiorsiissutit pillugit inatsisartut peqqussutaat nr. 5, 1. juni 2006-imeersumi makkua allanngortinneqarput:

1. § 7, imm. 3, nr. 1, imatut oqaasertaqassaaq:
"Suliffeqanngikkallarnermi ikiorsiissutip pinissaanut apeqqutaavoq:
1) Suliffissaqanngitsup imaluunniit angerlartiinnarneqartup peqqissusia tunngavigalugu suliamik naammassisinnnaasaanik kommunalbestyrelsi suliffissamik innersuussisinnaanngippat,"

2. § 17, imm. 1 –imi"§ 4, imm. 4" allanngortinneqassaaq imaalillugu: "§ 4, imm. 5".

3. § 18, imm. 1, imatut oqaasertaqassaaq:
"Inatsisartut peqqussutaat una atuutilerpoq ulloq 1. juli 2006. Inuit ulloq 30. juni 2006 annertussusileriikkamik ikiorsiissummik pisartut ullormi tassani nalunaaquttap akunnerini ikiorsiissummik inatsisartut annertussusileriikkamik ikiorsiissutit pillugit peqqussutaat nr. 15, 12. december 2001-imeersoq malillugu piffigisassaminni pisassatik pissavaat. § 12, imm. 2-mi piumasaqaatit naammassineqarpata, nalunaaquttap akunneri taakkua akiliinermi tunngaviussapput nutaamik naatsorsuinissap tungaanut."

§ 2

Inatsisartut peqqussutaat ullormi nalunaarutigineqarfimmini atuutilerpoq ulloq 1. juli 2006 aallartiffigalugu.
Imm. 2. Kommunalbestyrelsip suliffeqanngikkallarnermi ikiorsiissuteqartarneq pillugu inatsisartut peqqussutaanni § 4, imm. 5 tunngavigalugu aalajangiinerinik naammagittaalliuutit Isumaginninnermi Naammagittaalliuuteqarfimmit suliarineqassapput aalajangiinerup kingornagut naammagittaalliuteqarnissamut piffissaliussap sapaatip akunnerinik sisamanik sivisussuseqartup iluani tunniunneqarsimagunik.

Hans Enoksen

/

Siverth K. Heilmann

____________
Pequssut ulloq 21. november 2006-imi nalunaarutigineqarsimasoq