§ 1

Naartunermi, erninermi meeravissiartaarnermilu sulinngiffeqartarneq il.il. ullormusiaqartarnerlu pillugit Inatsisartut peqqussutaata nr. 12, 31. oktober 1996-imeersup, Inatsisartut peqqussutaatigut nr. 12, 30. oktober 1998-imeersukkut allanngortinneqartumi makku allanngortinneqassapput:

1. § 9, imm. 1 ima oqaasertalerneqassaaq:
"    Arnaq erniffissamisut naatsorsuutigisani sap. ak. 13-inik sioqqullugu akissarsiaqarluni sulisarsimasoq, imaluunniit piffissami tassani namminersortutut inuussutissarsiortuusimasoq, aappaminut inooqatiminulluunniit namminersortutut inuussutissarsiuteqartumut ikiortaasimasoq, ilinniagaqartuusimasoq meeqqalluunniit atuarfianni klassini anginerni atuartuusimasoq naartunermut erninermullu atatillugu sulinngiffeqarsinnaatitaavoq, tassa peqqinnissaqarfimmit piffissaq ernivissatut naatsorsuutigisaq sap. ak. marlunnik sioqqullugu, erninerullu kingorna sap. ak. 15-it tikillugit."

2. § 9, imm. 2 ima oqaasertalerneqassaaq:
"Imm. 2. Meeqqanik ataatsikkut inunngortunik marlunnik amerlanerusunilluunniit erninermi arnap sulinngiffeqartarnera sapaatit akunnerinit 15-iniit 19-inut erninerup kingornatigut sivitsorneqarpoq."

3. § 9, imm. 3 ima oqaasertalerneqassaaq:
"Imm. 3. Meeqqat inatsisitigut illersorneqarnissaat pillugu inatsimmi malittarisassat malillugit meeqqamut ataataasup kinaassusia aalajangiunneqarpat ataataasoq meeqqat inunngornerata kingorna sap. ak. 15-it iluanni sap. ak. pingasuni sulinngiffeqarsinnaatitaavoq, sulinngiffeqarnissani sioqqullugu sap. ak. kingulliit 13-it iluanni akissarsiaqarluni sulisarsimaguni, imaluunniit piffissami tassani namminersortutut inuussutissarsiorsimaguni, aapparminut inooqatiminulluunniit namminersortutut inuussutissarsiortumut ikiortaasimaguni, ilinniagaqartuusimaguni meeqqalluunniit atuarfianni klassini annerni atuartuusimaguni."

4. § 5  ima oqaasertalerneqassaaq:
"§ 5. Arnap akissarsiortup kingusinnerpaamik erniffissatut naatsorsuutigineqartoq sap. akunnerinik 13-inik sioqqullugu sulisitsisuni naartunermik ilisimatissavaa. Tamatumunnga peqatigitillugu naartunermut erninermullu atatillugu sulinngiffeqarnissani qaqugu aallartinnissaa naatsorsuutiginerlugu sulisitsisumut ilisimatitsissutigissavaa. Erninerup kingorna sap. akunneri arfineq-pingasut qaangiutsinnagit pineqartup sulisitsisuni ilisimatissavaa qaqugu sulileqqissanerluni."

§ 2

Inatsisartut peqqussutaat manna 1. januar 2001 atuutilerpoq, 31. december 2000-ip kingorna ernisimasunut atuulluni.

Namminersornerullutik Oqartussat, ulloq 11. november 2000.

Jonathan Motzfeldt

/

Jørgen Wæver Johansen