Kalaallit Nunaanni aalisakkanik misissuinerit Kalaallit Nunaanni Namminersornerullutik Oqartussanut nuunneqarnissaannik inatsimmi nr. 847-mi, 21. december 1988-imeersumi § 4 tunngavigalugu aalajangersarneqarpoq:

§ 1. Inatsimmi piginnaatitsissutaasumi Kalaallit Nunaanni aalisakkanik misissuinernut suliassatut aalajangersakkat Pinngortitaleriffik pillugu Inatsisartut inatsisaat malillugu Pinngortitaleriffimmit isumagineqassapput.

§ 2. Inatsisartut peqqussutaat 1. januar 2000 atuutilerpoq.

Namminersornerullutik Oqartussat, ulloq 29. oktober 1999.

Jonathan Motzfeldt

/

Alfred Jakobsen