Nalunaarasuartaatitigut attaveqarneq sullissinerillu pillugit Inatsisartut peqqussutaanni nr. 10-mi oktobarip 28-iani 1993-imeersumi, Inatsisartut peqqussutaatigut nr. 12-ikkut novemberip 6-ni 1997-imeersukkut allanngortinneqartumi §§ 3, 4 aamma 7 naapertorlugit aalajangersarneqarput:

§ 1. TELE Greenland A/S (akuersissummik pigisaqartoq) akuerineqarpoq nalunaarasuartaatinik oqarasuaatinillu pilersitsinissamut ingerlatsinissamullu, makkunuunalu sullissinissaminut (akuersissummi pineqartunut tunngasut):
1) Oqarasuaatitigut sullissineq.
2) Allakkatigut paasissutissiatigullu attaveqarnermi sullissinerit.
3) Attaveqarnermi aalajangersimasumik atortorisat attartortinnerat.
4) Oqarasuaatit angallattakkat qaammataasallu atorlugit attaveqarnernik sullissinerit.
5) Radiukkut isiginnaarutikkullu aallakaatitat nalunaarasuartaatitigut aqqutit atorlugit ingerlateqqinneqartarnerat.
Imm. 2. Akuersissut una 1999-imi januaarip aallaqqaataani atortuulissaaq.
Imm. 3. Tulliini taaneqartut makku akuersissummi pineqartunut ilaatinneqanngillat:
1)  Atortut, naalagaaffimmi oqartussaasunit imaluunniit kommunimit immikkut ittumik na-lunaarasuartaatitigut attaveqarnerit tamanut ammasumik attaveqaatitigut aqqutilersuutinut piumasaqaatinik naammassinninngitsunik imminuinnaq tunngasunut atorneqartut.
2)  Atortut, illuutip killigisaata iluani imaluunniit illuutit arlallit ataatsimik piginnittoqartut akornanni taamaallaat atorneqartut.
3)  Atortut, danskit amerikamiullu illersornissamut sakkutooqarfiini, Kalaallit Nunaata illersornissaa pillugu 1951-imi aprilip 27-iani isumaqatigiissut naapertorlugu sakkutooqarfinngortinneqartuni atorneqartut.
Imm. 4. Akuersissummik pigisaqartup naammagisariaqarpaa akuersissutip killilerneqarsinnaanissaa unammilleqatigiisitsisoqalerneratigut/namminersortunut ingerlatassanngortitsinikkut akuersissummi pineqartut, imm. 1-imi ilaatinneqartut tungaasigut immikkut ittunik pisinnaatitaaffiliisarnertigut, tak. nalunaarasuartaatitigut attaveqarneq sullissinerillu pillugit Inatsisartut peqqussutaat.

§ 2. Akuersissummik pigisaqartup akuersissummi pineqartunut akigititassatut aalajangigai atortuusut tamatumanilu tunngavigineqartut kiisalu taakkunnga allanngortitsinerit Naalakkersuisunit akuerineqassapput.
Imm. 2. Akigititassatut aalajangerneqartut atortuusut tamatumanilu tunngavigineqartut Naalakkersuisut allanngorteqqusinnaavaat.

§ 3. Akuersissummik pigisaqartoq nalunaarasuartaatitigut aqqutit pigisami atorneqarneranni akuersissummilu pineqartutigut sullissinermini atuisunut piumasaqaasiussaaq, taakkunuuna ilaatigut kikkut tamarmik pisinnaatinneqassallutik naammaginartumik assigiimmillu piumaffigineqarlutik atortorissaarutinut akuersissummik pigisaqartup pigisaanut atassusernissamut tamakkuninngalu atuinissamut. Naalakkersuisut aalajangissappata ingerlatsisut allat immikkut ittunik pisinnaatitaaffilertarumallugit, taava akuersissummik pigisaqartoq tamanut ammasumik nalunaarasuartaatitigut attaveqarnermi aqqutinut atassusernissamut piumasaqaasiussaaq.
Imm. 2. Akuersissummik pigisaqartoq nalunaarasuartaatitigut attaveqarnermi atortut tamanut ammasumik nalunaarasuartaatitigut attaveqarnermi aqqutinut atassuserneqartut taakkununngaluunniit atatillugu atorneqartut pillugit malittarisassiorlunilu piumasaqaasiussaaq, kiisalu atortulersuutinik ikkussornerinillu takusaasassalluni nakkutilliisuussallunilu.
Imm. 3. Akuersissummik pigisaqartup nalunaarasuartaatitigut attaveqarnermi atortut pillugit piumasaqaasiai malittarisassiaalu, tak. imm. 1 aamma imm. 2, kiisalu tamakkunani allannguutigititai Naalakkersuisunit akuerineqassapput.
Imm. 4. Malittarisassat piumasaqaatillu atortuusut allanngortinneqarnissaat Naalakkersuisut piumasarisinnaavaat, tak. imm. 1 aamma imm. 2.

§ 4. Pissutsit immikkut illuinnartut eqqarsaatigalugit Naalakkersuisut akuersissummik pigisaqartoq peqqusinnaavaat nalunaarasuartaatitigut atassuteqarneq inuiaqatigiinnut pingaaruteqartoq Namminersornerullutik Oqartussanut aningaasartuutaanngitsumik isumannaallileqqullugu i-ngerlajuarteqqullugulu, pisariaqarpat atassuteqaatinik kikkulluunniit atuisinnaatitaanerisa kil-liliiffigineratigut.

§ 5. Akuersissummik pigisaqartup Naalakkersuisut erseqqinnerusumik aalajangiinerat malillugu nalunaarasuartaatitigut attaveqarnermik ingerlatsinermi nunat tamat akornanni nunamilu namminermi suleqatigiinnermi aalajangikkat eqqortissavai.
Imm. 2. Akuersissummik pigisaqartoq Naalakkersuisut erseqqinnerusumik aalajangiinerat ma-lillugu immikkut akilersinngikkaluarlugu nunat tamat akornanni nunamilu namminermi suleqatigiiffinni kiisalu immikkut ittunik suliaqarnerni peqataasassaaq, tamanna akuersissummi pineqartut sullinneqarnerannut pingaaruteqaraangat.

§ 6. Akuersissummik pigisaqartoq pisussaavoq Naalakkersuisut erseqqinnerusumik aalaja-ngiinerat malillugu suliassat immikkut ittut suliarissallugit iluanaaruteqarnani imaluunniit aju-naaruteqarluni, tassunga ilanngullugit inuiaqatigiinnut pingaaruteqartumik ineriartortitassat Naalakkersuisunit pissusersiorlugit nassuiarneqartuni kiisalu nalunaarasuartaatitigut sullissinerit nalunaarasuartaatitigullu atortut Naalakkersuisunik tamanna pillugu isumaqatigiissuteqarnikkut atortussaanissaat qularnarunnaarsissallugu.
Imm. 2. Naalakkersuisut akuersissummik piginnittup atortuinut sullissinernullu akuersissummi ilaatinneqartunut piumasaqaasiorsinnaapput, tassunga ilanngullit illuutit, aserfallatsaaliineq ingerlatsinerlu pillugit.

§ 7. Akuersissummik piginnittup suliffeqarfiit allat isumaqatigiissuteqarfigisinnaavai taakku sukumiinerusumik aalajangersakkat iluanni nalunaarasuartaatitigut ingerlatat ingerlassinnaagaat, tak. Nalunaarasuartaatitigut attaveqarneq sullissinerillu pillugit inatsisartut peqqussutaat.
Imm. 2. Imm. 1 malillugu suliffeqarfinnut allanut isumaqatigiissutit akuersissummik pigisaqartup ingerlatseqatigiiffiinut tamakkiisumik aqutarisaanuunngitsut Naalakkersuisunit akuerineqassapput.

§ 8. Akuersissummik piginnittup KNR isumaqatigiissuteqarfigalugu pilersissavai atortorisat KNR-ip assiliartalitsigut nipiinnakkullu aallakaatitaasa siammartarnissaannut pisariaqartut, aammalu atortorisat ingerlanerat ingerlatissallugu, tak. Nalunaarasuartaatitigut attaveqarneq sullissinerillu pillugit Inatsisartut peqqussutaat.
Imm. 2. Akuersissummik piginnittup imm, 1-imi suliassat taaneqartut suliarinerannut aallakaatitsinermilu atortorissaarutinut tamatumunnga atasumik atorneqartartunut akissaajaataasa akilerneqarnissaannut patsisissaatitat erseqqinnerusut nalunaarasuartaatitigut attaveqarneq sul-lissinerillu pillugit Inatsisartut peqqussutaanni nr. 10-mi oktobarip 28-iani 1993-imeersumi § 4 imm. 2 naapertorlugu Naalakkersuisut aalajangersarsinnaavaat.
Imm. 3. Akuersissummik piginnittup atortorissaarutit imm. 1-imi eqqartorneqartut pilersinnerannut ingerlatinnerannullu aningaasartuutai akilerneqartassapput iluanaaruteqaataatinnagit.

§ 9. Akuersissummik pigisaqartup makku isumagissavai:
1)  Radiumik naalaarniarneq akornuserneqatsaaliniarlugu qanoq iliuuseqartarnissanik Inatsisartut inatsisaata nr. 11, decembarip 15-iani 1987-imeersup ingerlatsisuuffiginissaa.
2)  Radiukkut isiginnaarutikkullu aallakaatitsisarneq pillugu Inatsisartut peqqussutaat nr. 3 maajip 17-iani 1990-imeersoq tunngavigalugu inuit nammineerisaminnik najugaqarfiini ataatsimoortumik antennit kabelillu sumiiffinnut agguataarlugit ikkussornissaat piorsarnissaallu.
Imm. 2. Akuersissutit allagarserneqarnerannut akiliutit akuersissummik pigisaqartup pisassavai.

§ 10. Nalunaarasuarnermut atortunik ikkussuinerit kabelilersuinerillu pillugit nalunaarasuartaatitigut attaveqarneq sullissinerillu pillugit Inatsisartut peqqussutaanni nr. 10-mi oktobarip 28-iani 1993-imeersumi §§ 11-mi 12-imilu aalajangersakkat atortuussapputtaaq akuersissummik piginnittup iluaqusersuutaanut.

§ 11. Akuersissummik pigisaqartup sulisuisa kiisalu piginnittup ataani ingerlatsiviit sulisuisa nalunaarasuartaatitigut attaveqaatitigut attaveqarnerminni tusakkat tamaasa taamatullu atuisut aqqi nipangiussimasussaassavaat, tak. nalunaarasuartaatitigut attaveqarneq sullissinerillu pillugit Inatsisartut peqqussutaat.
Imm. 2. Nipangiussisussaatitaaneq atuuttassaaq sulisuujunnaarsimagaluaraanniluunniit.
Imm. 3. Tamanna suliffeqarfinnut akuersissummik pigisaqartumik nalunaarasuartaatitigut sul-lissisunut aamma atuuppoq.

§ 12. Naalakkersuisunit akuerineqassapput:
1) Akuersissummik pigisaqartup ingerlatsivinnut malittarisassiai tamakkunanilu allannguutit.
2) Akuersissummik pigisaqartup taarsigassarsinera imaluunniit taarsigassarsiai il.il. allat akuersissummik pigisaqartup qularnaveeqqusigai.
3) Taarsigassarsinernut nr. 2-mi taaneqartunut taakkunanilu allannguutissanut piumasarisat.

§ 13. Akuersissut Naalakkersuisunit imaluunniit piginnittumit ukiut tamaasa decembarimi atorunnaarsinneqarsinnaavoq ukiumik ataatsimik sioqqutsilluni tamanna kalerriunneqassalluni, siullermik 2002-mi decembarimi 2003-mi decembarip 31-iani atorunnaartussanngorlugu.
Imm. 2. Naalakkersuisut akuersissut uterteqqusinnaavaat tassani aalajangersakkat unioqqutinneqarsimappata.

§ 14. Naalakkersuisut pissutsinik akuersissummut tunngasunik tamanik nakkutilliisuupput.
Imm. 2. Akuersissummik pigisaqartup Naalakkersuisut qinnuteqarnerat malillugu pissutsinik imminut tunngasunik paasissutissittassavai, tak. nalunaarasuartaatitigut attaveqarneq sullissinerillu pillugit Inatsisartut peqqussutaanni nr. 10-mi oktobarip 28-iani 1993-imeersumi § 8.
Imm. 3. Akuersissummik piginnittup paragraffi una malillugu nakkutilliinermi aningaasartuutigineqartut Landskarsimut taarsertassavai Naalakkersuisut erseqqinnerusumik aalajangiinerat malillugu.

§ 15. Akuersissummik piginnittup imaluunniit ingerlatsiviit tassunga atasut akuersissummi pineqartutigut pisortanut imaluunniit inuinnarnut pissuserisaat pillugit naammagittaalliuutit Naalakkersuisut aalajangiiffigisinnaavaat akuersissummik piginnittumut pinngitsoorani kinguneqartussamik.

§ 16. Akuersissutip matuma qanoq paasineqarnissaanut tunngasunik inaarutaasumik aalajangiinissat Naalakkersuisut aalajangertassavaat.

§ 17. Nalunaarut una atortuulersinneqarpoq decemberip aallaqqaataani 1999-imi.
Imm. 2. Peqatigitillugu TELE Attaveqaatit A/S-imut akuersissut pillugu Namminersornerullutik Oqartussat nalunaarutaat nr. 32 decembarip 22-iani 1998-imeersoq atorunnaarsinneqarpoq.

Namminersornerullutik Oqartussat, ulloq 22. november 1999.

Steffen Ulrich-Lynge

/

Jens K. Lyberth