§ 1

Nioqqutissanik eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi, Inatsisartut inatsisaatigut nr. 2, 6. maj 1993-imeersukkut allanngortinneqartumi, kingullermillu Inatsisartut inatsisaatigut nr. 9, 6. november 1997-imeersukkut allanngortinneqartumi makku allannguutigitinneqarput:

1. § 1, imm. 1, nr. 7 ima oqaasertaqassaaq:
"Sikaat, sikaavaqqat cigarellollu,
a) 3 gr. taannalu ataallugu oqimaassusillit..........ataaseq 0 kr. 88 øre.
b) 3 gr. sinnerlugu oqimaassusillit......................ataaseq 1 kr. 06 øre."

2. § 1, imm. 1, nr. 8 ima oqaasertaqassaaq:
"Sikaritsit .........................ataaseq 1 kr. 51 øre."

3. § 1, imm. 1, nr. 9 ima oqaasertaqassaaq:
"Tupat,
a) tupat aggukkat, cut plug, tupat aseqqorissut assigisaallu, kiisalu tupat allat minnerpaamik 1,5 mm-imik silissusillit...........kg.-mut 333 kr. 42 øre.
b) allat .............................kg.-mut 788 kr. 65 øre."

4. § 1, imm. 1, nr. 10 ima oqaasertaqassaaq:
"Imusivissat, immertariaannaat ilanngullugit..........ataaseq 0 kr. 33 øre."

5.  § 1, imm. 1, nr. 20 ima oqaasertaqassaaq:
"Snescooterit ............................................ataaseq 22.000 kr."

6. § 1, imm. 1, nr. 21 ima oqaasertaqassaaq:
"a) Inuit biilii:
Akitsuut aalajangersimasumik 50.000 koruuniusoq, taassumalu saniatigut fakturami akiata, 50.000 koruuninit annerusup 150.000 koruuninilli minnerusup 100%-ia aammalu sinneruttup 125%-ia akilerneqassapput.
Inuit biiliinut dieselitortunut akitsuut aalajangersimasumik 35.000 koruuniusoq, taassumalu saniatigut fakturami akiata, 35.000 koruuninit annerusup 150.000 koruuninilli minnerusup 85%-ia aammalu sinneruttup 105%-ia akilerneqassapput.
b) Biilit assartuutit allallu:
Dieselitortut.. .......................................ataaseq 35.000 kr.
Benzinatortut, allatulluunniit...................ataaseq 50.000 kr.
Imm. 2. Biilit nassiussanik angallassissutitut ilusilerneqarlutillu sanaajuneri qularnaateqanngitsut, aammalu issiaviani saarlermi ingerlatitsisup saniani ataasiinnarmik marluinnarnilluunniit ilaasoqarsinnaasutut ilusilersukkat, kiisalu kassevognit, lastbiilit aamma bussit imm. 1, litra b-mi ilaatinneqarput.
Imm. 3. Qamutinik motoorilinnik eqqussuisoq, qamutit motoorillit imm. 1 a imaluunniit b naapertorlugit akitsuuteqartussaanerinik siumut ilisimatinneqarnissaminik Akileraartarnermi Pisortaqarfimmut qinnuteqarsinnaavoq."

§ 2

Inatsisartut inatsisaat ingerlaannaq atortuulerpoq.

Namminersornerullutik Oqartussat, ulloq 21. oktober 1998.

Jonathan Motzfeldt

/

Daniel Skifte