§ 1

Aalisarneq pillugu Inatsisartut inatsisaanni nr. 18, 31. oktober 1996-imeersumi makku allanngortinneqarput:

1. §1 ima allanngortinneqassaaq:
"§ 1. Inatsimmi pineqarput Kalaallit Nunaanni Kalaallit Nunaatalu aalisarnikkut oqartussaaffigisaani inuussutissarsiutigalugu inuussutissarsiutiginagulu aalisarneq, kiisalu oqartussaaffeqarfiup taassuma avataani Kalaallit Nunaanneersut inuussutissarsiutigalugu aalisarnerat, kiisalu nunani allamiut angallataasa Kalaallit Nunaanni tulaassuinerat imaluunniit angallammut allamut usingiartarnerat."

2. § 6 imm. 5-imi nr. 2 aamma nr. 3 ima allanngortinneqassapput:
"2) imm. 3, nr. 4-mi piumasaqaatit atuutinnginnissaannut, uppernarsarneqarsinnaappat pissutsit immikkut issimasut isertitanit pissarsianik piumasaqaatit naammassineqarsin- naannginnerannik kinguneqartumik aamma
3) imm. 3, nr. 4-mi piumasaqaatit atuutinnginnissaannut, pineqartoq maannamut inuussutissarsiutigivisamik aallutaqarsimanngippat imaluunniit pineqartoq siusinnerusukkut aalisarnermik inuussutissarsiuteqarsimappat."

3. § 9-imi imm. 2-tut ilanngunneqassaaq:
"Imm. 2. Kalaallit Nunaata aalisarnikkut oqartussaaffiginngisaani inuussutissarsiutigalugu aalisarneq taamaallaat angallatinit pigineqarnertik naapertorlugu Kalaallit Nunaanni angerlarsimaffeqartunit ingerlanneqarsinnaavoq, aallartinneqarsinnaananilu taamaaliornissamut Naalakkersuisuniit akuersissummik peqqaartinnani."

4. § 12-imi imm. 3-tut ilanngunneqassaaq:
"Imm. 3. Naalakkersuisut nunani allamiut angallataasa Kalaallit Nunaannut tulaassisarnerannut imaluunniit Kalaallit Nunaata aalisarnermut oqartussaaffigisaani pisanut Kalaallit Nunaata aalisarnikkut oqartussaaffigisaata avataani pisarineqarsimasunut angallatinut allanut usingiarnerannut maleruagassat aalajangersarsinnaavaat."

5. § 15-imi imm. 4 ima allanngortinneqassaaq:
"Imm. 4. Ingerlatseqatigiiffiit imaluunniit inuit ataasiakkaat pisassiissutinit pigisanik aalisariutit ilaannut immikkoortunut sinerissamut qanittumi aalisartunut pisassiissutigineqartunit pisiortornermikkut pisassiissutinit tamarmiusunit 6 %-ii qaangerlugit pigisaqalersinnaanngillat."

6. § 22-imi imm. 1. nr. 2 ima allanngortinneqassaaq:
"2) inuttat ilaat amerlassutsimikkut aalajangersimasut Kalaallit Nunaanni inuiaqatigiinnut kalaallinut aalajangersimasumik attuumassuteqassapput (inuttat ilaat)."

7. § 26-imi imm. 1 ima allanngortinneqassaaq:
"§ 26. Inatsimmi inatsillu malillugu malittarisassiani aalajangersakkanik eqquutsitsinermik nakkutilliineq aamma nunat tamalaat akornanni isumaqatigiissutit malillugit pisussaaffiit naapertorlugit aalajangersakkat malinneqarnissaannik nakkutilliineq pillugu naalakkersuisut malittarisassiorsinnaapput."

8. § 33-imi imm. 1-imi. nr. 1-imi "§8"-p kingorna ilanngunneqaassaaq: "§ 9, imm. 2,"

§ 2

Inatsisartut inatsisaat atuutilerpoq ulloq 1. juni 1998.

Namminersornerullutik Oqartussat, 20. maj 1998.

Jonathan Motzfeldt

/

Pâviâraq Heilmann