§ 1.

Nioqqutissanik eqqussuineq annissuinerlu pillugit Inatsisartut inatsisaanni nr. 18, 30. oktober 1992-imeersumi, ilaatigut Inatsisartut inatsisaatigut nr. 3, 3. marts 1994-imeersukkut kingullermillu Inatsisartut inatsisaatigut nr. 16, 3. november 1994-imeersukkut allanngortinneqartumi, makku allannguutigitinneqassapput:

1. § 47, imm. 1, imatut oqaasertalerneqassaaq:
"Naalakkersuisut, naalakkersuisulluunniit tamatumunnga piginnaatitaat, Inatsisartut inatsisaanni matumani aalajangersakkanik unioqqutitsisoq nalunaarfigisinnaavaat suliassaq eqqar-tuussinertaqanngitsumik naammassineqarsinnaasoq, unioqqutitsisoq unioqqutitsisimalluni nassuerpat piareersimallunilu nioqqutissat § 46, imm. 3 malillugu arsaarinnissutigineqarnis-saannut, kiisalu aammattaaq akiligassiissutigineqartup piffíssap aalajangersimasup, qinnuteqarnikkut sivitsorneqarsinnaasup, iluani akilerumassappagit."

2. § 47, imm. 3, imatut oqaasertalerneqassaaq:
"Imm.3. Qanoq iliuuseqartoqaqqissanngilaq:
1) akiliisitsissutissaq piffíssaagallartillugu akilerneqarpat imaluunniit aalajangiunneqarnermi kingoraa akiliisitsiniarnikkut akilersinneqarpat, kiisalu
2) aammattaaq nioqqutissat § 46, imm. 3 malillugu arsaarinnissutigineqarsimappata."

§ 2.

Inatsisartut inatsisaat ullormi 10. november 1997-imi atuutilissaaq.

Namminersornerullutik Oqartussat, ulloq 6. november 1997

Jonathan Motzfeldt

/

Daniel Skifte