§ 1.

Imaani avatangiisit illersorneqarnissaat pillugu Inatsisartut peqqussutaanni nr. 4-mi 3. november 1994-imeersumi makku allannguutigitinneqassapput:

1. § 19 ima oqaasertalerneqassaaq:
"§ 19. Imartani Kalaallit Nunaata oqartussaaffigisaani stoffinik atortussanillu eqqaasoqassanngilaq. Taamaattorli aalisakkanik aalisakkallu perlukuinik, perlukunik pinngortitami uumassusi-linnit pisunik immallu naqqaneersunik qaqitanik eqqaaneq, kiisalu nakkutigineqartumik angal-latinik kiversaaneq Naalakkersuisut akuersissutigisinnaavaat."

2. § 20 ima oqaasertalerneqassaaq:
"§ 20. Aalisakkanik aalisakkallu perlukuinik aammalu perlukunik pinngortitami uumassusilinnit pisunik eqqaanissamut akuersissuteqartoqartassaaq eqqaavígineqartussami pissutsit erseqqissumik naliliivigineqareernerisigut.
Imm. 2. Angallatit imaanut kiversarneqarnissaannik taamaallaat akuersissuteqartoqarsinnaavoq pissutsit immikkut ittut atuutsillugit, pisuni erseqqissuni ataasiakkaani, angallatillu kiver-sarneqartussat stoffinik avatangiisinut ulorianarsinnaasunik tamanik imaarneqareersimappata.
Imm. 3. Immap naqqanit qaqitanik eqqaanissamut akuersissuteqartoqartassaaq qinnuteqaatip naliliiffigineqareerneratigut, qinnuteqaatillu ataasiakkaat tamarmik immikkut erseqqissumik naliliiffîgineqareernerisigut."

§ 2.

Inatsisartut peqqussutaat 1. juli 1997-imi atortuulersinneqarpoq.

Namminersornerullutik Oqartussat, ulloq 6. juni 1997.

Lars Emil Johansen

/

Marianne Jensen