§ 1

Atuisartunut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaanni nr. 10 13. november 1986-imeersumi, Inatsisartut inatsisaatigut nr. 29 30. oktober 1992-imeersukkut aammalu Inatsisartut inatsisaatigut nr. 1 28. februar 1994-imeersukkut allanngortinneqartumi, allannguutigitinneqassapput:

1. § 2, imm. 3 imatut oqaasertalerneqassaaq:
"Imm. 3. Atuisartunut pisisartunullu siunnersuisoqatigiit imaluunniit, tamatumunnga Naalakkersuisunit piginnaatinneqartut, inatsimmi matumani kapitali 8-p nakkutigineqarnera isumagisaraat."

2. § 4, imm. 1-mi "nakkutigissallugit inatsisip aalajangersagartai kapitali 7 naapertorlugu"
kingornanut ikkunneqassaaq:
"§ 24 naapertorlugu nioqqutissat nioqquteqarfiillu aalajangersimasut iluanni akinik iluanaarutinillu misissuisassallutik"

3. § 24 imatut oqaasertalerneqassaaq:
"§ 24. Naammaginartumik akitigut ineriartorneq qulakkeerniarlugu atuisartullu akinik paasisimasaqarnerat iluaquserniarlugu Atuisartunut pisisartunullu siunnersuisoqatigiit, imaluunniit tamatumunnga naalakkersuisut piginnaatitaat, akinik iluanaarutinillu nioqqutissat nioqquteqarfiillu aalajangersimasut iluanni misissuisinnaatitaapput. Akinik misissuinerit ingerlanneqarlutillu tamanut saqqummiunneqartassapput maleruaqqusat erseqqinnerusut Naalakkersuisunit aalajangersarneqarsimasut malillugit."

§ 2

Inatsisartut inatsisaat atuutilerpoq 1. november 1996.

Namminersornerullutik Oqartussat, 31. oktober 1996

Lars Emil Johansen

/

Peter Grønvold Samuelsen