§ 1

Aningaasarsianit akileraarutit pillugit Inatsisartut inatsisaanni nr. 5-imi 19. maj 1979-imeersumi, kingullermik Inatsisartut inatsisaatigut nr. 2-kkut 12. juni 1995-imeersukkut allanngortinneqartumi makku allannguutigitinneqassapput:

1. § 2, imm. 1, nr. la-p kingorna ilanngunneqassapput:
"lb) Kalaallit Nunaanni sulisitsisumit aningaasarsiaqartinneqartut, akissarsiaqartinneqartut taakkuluunniit assigisaannik pisartut, Kalaallit Nunaannut nuunneq pisattat nuunneqarneri, angallannermi pissutsit assigisaalluunniit pissutigalugit sivikitsuinnarmik kinguarsarneqarpat,
lc) Kalaallit Nunaanni pisortat sulisitsisuannit aningaasarsiaqartinneqartut, akissarsiaqartinneqartut taakkuluunniit assigisaannik pisartut, Kalaallit Nunaannut nuunneq pikkorissartitsinermut sivikitsumik peqataaneq pissutigalugu kinguarsarneqarpat,
1d) Kalaallit Nunaannit aningaasalersorneqartunik ilinniagaqarnersiutisiaqartut, akissarsiaqartut assigisaannilluunniit ilinniagaqarnerup nalaani tapiissutisisartut,"

2. § 17 b, imm. 3-mi "1.200 koruunit" "6.000 koruunit"-nut allanngortinneqassaaq.

3. § 17 b, imm. 3-p kingorna immikkoortutut nutaatut ilanngunneqassaaq:
"Imm. 3 a. Taamaattorli soraarnerussutisiaqarnissaq pillugu aaqqissuussinernit soraarnerussutisiaqarnissamut karsini Kalaallit Nunaanni angerlarsimaffeqartuni pilersinneqarsimasunit, atorfinitsitaanermullu atatillugu pilersinneqarsimasunit aningaasat ukiuni marlunni ingerlaavartumik tunniunneqartartut amer-laqataat aningaasanngorlugit ataasiaannartumik tunniunneqarsinnaapput."

4. § 17 b, imm. 6-imi oqaaseqatigiinni siullerni "imm. 3"-p kingorna "aamma imm. 3a" ilanngunneqassaaq.

5. § 24-mi, imm. 1, nr. 2-mi "atugaanulluunniit" peerneqarpoq.

6. § 24-p kingorna ilanngunneqassapput:
"§ 24 a. Ikisisut qularnaveeqqusiinermut aningaasaateqarfiata aningaasaatit pigisallu aningaasanik nalillit aningaaserivimmit ataatsimit aningaaserivimmut allamut nuunneqarnerannut atatillugu naatsorsuutitigut amigartoorutit tamakkiisumik ilaannakortumilluunniit nalimmassaatissaattut aningaasat akiligai aningaasarsianut akileraaruteqaataasussanut ilanngullugit naatsorsorneqassanngillat. Amigartoorutit ilaat ikisisut qularnaveeqqusiinermut aningaasaateqarfiannit tapiissutitigut qularnaveeqqutitigulluunniit matuneqarsimasimasut tamatuma kingorna aningaaseriviup tigusisup pigisanik aningaasanik nalilinnik tigusinerani akiliutigineqartut ilaattut isigineqarsinnaajunnaassapput.
Imm. 2. Ikisisut qularnaveeqqusiinermut aningaasaateqarfiata aningaasat imm. 1-imi ilaatinneqartut qularnaveeqqutilluunniit aningaasanik imm. 1-imi ilaatinneqartunik tunniussinermik kinguneqartumik tunniussimappagit, ingerlatseqatigiiffiullu imm. 1-imi ilaatinneqartup ingerlatat nutaat aallartippagit, ukiumi aningaasarsiorfiusumi siusinnerusumi amigartoorutit ukiumi aningaasarsiorfiusumi pineqartumi ukiuniluunniit aningaasarsiorfiusuni kingusinnerusuni aningaasarsianut akileraaruteqaataasussanut ilanngaatigineqarsinnaanngillat, taamatuttaarlu ukiumi aningaasarsiorfiusumi pineqartumi amigartoorutit ukiumi aningaasarsiorfiusumi kingusinnerusumi ilanngaatigineqarsinnaanatik."

7. § 25 b-mi, imm. 1-imi "atorsimasaaluimniit" peerneqarpoq.

8. § 31, imm. 1 imatut oqaasertalerneqassaaq:
"Imm. 1. Inunnut § 1, imm. 1, nr. 1 amma 2 kiisalu § 2, imm. 1, nr. 1, 1b, lc, 1d aamma 2-mi akileraartussaatitaasutut taaneqartunut aningaasarsiat akileraarusigassat tassaapput aningaasarsiat akileraaruteqaataasussat inummut ilanngaammik ilanngarneqarsimasut, tak. § 32, aningaasanut 100-mik agguarneqarsinnaasunut ammut iluarsineqarsimasut. Tamatuma pissuseqataanik inunnut § 2, imm. 1, nr. la-mi akileraartussaatitaasutut taaneqarsimasunut aningaasarsiat akileraarusigassat ikilineqassapput, piffissap soraarniarfiup nalaani aningaasarsiaqarsimanerat naapertorlugu."

9. § 31, imm. 3-mi "§ 2, imm. l"-ip kingorna "nr. 2-mi aamma" peerneqassaaq.

10. § 33, imm. 1-imi "1. julip" "1. septembarip"-mut allanngortinneqassaaq.

11. § 104-mi imm. 3-tut ilanngunneqassaaq:
"Imm. 3. Aktiaateqarluni ingerlatseqatigiiffîk (A/S), piginneqatigiilluni ingerlatseqatigiiffik (Aps), piginneqatigiiffík (andelsselskabi), peqatigiiffik, suliffeqarfik imminut pigisoq, aningaasaateqarfik taakkuluunniit assigisaat unioqqutitsisuuppat pineqartoq inatsisilerinermut tunngassuteqartoq taamaattutut akiliisitaanermik pillarneqarsinnaavoq."

12. § 107, imm. 1-ip kingorna immikkoortutut nutaatut una ilanngunneqassaaq:
"Imm. 2. Imm. 1-imi taaneqartut ilaat aktiaateqarluni ingerlatseqatigiiffimmit, piginneqatigiilluni ingerlatseqatigiiffimmit, piginneqatigiiffimmit, peqatigiiffimmit, suliffeqarfimmit imminut pigisumit, aningaasaateqarfimmit taakkuluunniit assigisaannit unioqqutinneqarsimappat pineqartoq inatsisilerinermut tunngassuteqartoq taamaattutut akiliisitaanermik pillarneqarsinnaavoq. Namminersornerullutik Oqartussat, kommuni kommunilluunniit suleqatigiiffiat unioqqutitsisuuppat Namminersornerullutik Oqartussat, kommuni kommunilluunniit suleqatigiiffiat akiliisitaanermik pillarneqarsinnaavoq." Tamatuma kingorna imm. 2 imm. 3-nngorpoq.

13. § 111-imi imm. 2-tut una ilanngunneqassaaq:
"Imm. 2. Maleruagassiani inatsit manna tunngavigalugu atulersinneqartuni aktiaateqarluni ingerlatseqatigiiffiup, piginneqatigiilluni ingerlatseqatigiiffiup, piginneqatigiiffiup, peqatigiiffiup, suliffeqarfiup imminut pigisup, aningaasaateqarfiup taakkuluunniit assigisaasa unioqqutitsinerat pillugu akiliisitaanermik pillaanissamut malittarisassat aalajangersarneqarsinnaapput. Namminersornerullutik Oqartussat, kommuni kommunilluunniit suleqatigiiffiat unioqqutitsisuuppat Namminersornerullutik Oqartussat, kommuni kommunilluunniit suleqatigiiffiat akiliisitaanermik pillarneqarsinnaavoq."

§ 2

Inatsisartut inatsisaat 1. juni 1996-imi atuutilissaaq.
Imm. 2. § 1, nr. 1, 2, 3, 4, 8 aamma 9 ukioq aningaasarsiorfiusoq 1996 aallarnerfigalugu atuutilerput.
Imm. 3. § 1, nr. 5 aamma 7 ulloq 24. april 1996 aallarnerfigalugu sunniuteqalissapput.
Imm. 4. § 1, nr. 10 ukiumut aningaasarsiorfmsumut 1997-imut kommuni akileraarfissap aalajangersarneqarnerani siullermeertumik atuutissaaq.

Namminersornerullutik Oqartussat, ulloq 2. maj 1996

Lars Emil Johansen

/

Daniel Skifte