Avatangiisit illersorneqarnissaannik Inatsisartut peqqussutaanni nr. 12-imi 22. december 1988-imeersumi § 1, nr. 2 aamma 9, § 36, § 46, imm. 2 aamma § 47 naapertorlugit KANUKOKA-lu isumasiorlugu ataatsimeeqatigereerlugu aalaj angersarneqarput:

 

Kapitali 1.
Siunertat nassuiaatillu.

§ 1. Nalunaarutikkut matumuuna siunertarineqarput imeqarfiliornerup malittarisassiornissaa aamma illoqarfinni nunaqarfinnilu illuliorfioreersunut illuliorfissatullu pilersaarutaasunut naammattumik annertussusilinnik pitsaassusilinnillu imeqarfissaqartitsinissap qularnaallineqarnissaa.

§ 2. Nunap qaavata ernganik nalunaarummi uani pineqarpoq imeq, aput sermerlu nunap qaaniittut, puilasumiittoq, kuunneersoq tatsineersorlu, tamakkualu saniatigut sapusikkaneersoq assigisaanneersorlu.

§ 3. Nunap iluata ernganik nalunaarummi uani pineqarpoq imeq sermerlu, qillerinertigut, puilasutigut allatulluunniit assaanikkut nunap iluanit pineqarsinnaasut.

§ 4. Imeqarfissap eqqaanik imermik piffiusinnaasumik nalunaarummi uani pineqarpoq nuna arlaannik periaaseqarluni imermik nunap iluaniittumik imaluunniit qaavaniittumik piffiusinnaasussaq.

§ 5. Nulunaarummi uani imeqarnermik makku pineqarput:
1) Imeqarfissamik ruujoritigut, sulluliatigut erngullu isaaviisigut atuinerit tamarmik.
2) Qanorluunniit allatut periaaseqarluni imeqarfissamik atuineq, taanna atorneqassappat imeqarfiup kikkulluunniit imeqarfigisaata imaluunniit suliffeqarfiup imilersornissaanut.

§ 6. Nalunaarummi uani kikkulluunniit imeqarfigisaannik pineqarput imeqarfiit aaqqissuussinerillu namminersortunit pisortanillu pigineqartut ingerlanneqartullu, illuliorfiusunut imermik imerineqartussatut pitsaassusilimmik pilersuisut periarfissaqarluni ruujorinik (kisermaatassanik) imaluunniit maqitsisarfinnik kikkunnilluunniit atorneqarsinnaasunik atassuserfiginissaannut.

§ 7. Killiliussat nalunaarummi uani pineqartut tassaapput nunap ilai killiliinerni avatangiisit innarlitsaaliorneqarnissaannik inatsisartut peqqussutaanni 30-imi taaneqartuni pineqartut.

 

Kapitali 2.
Naalakkersuisut nassuiaataat killiliussanillu aa1ajangersaaneq.

§ 8. Imeqarfissatut isumalluutit imeqarfiillu pioreersut pillugit Naalakkersuisut kommuninut ataasiakkaanut nassuiaasiussapput. Nassuiaat minnerpaamik makkuninnga imaqassaaq:
1) imeqarfissatut isumalluutit suiniinnerinik, annertussusiinik pitsaassusiinillu kiisalu tamakkua eqqaanni nunataasa imeqarfissamut attuumasut qanoq annertutiginerinik nalunaarsuutinik,
2) imeqarfissatut isumalluutit tamakkua ermisa pisariaqartumik qanoq suliarineqartariaqarnerisa allaaserinerannik,
3) erngup qanoq annertutigisup illoqarfinni nunaqarfinnilu ataasiakkaani illuliorfiusunut pilersuutigineqarsinnaanera tamatumanilu aningaasartuutissat pillugit naatsorsuusiaagallartunik,
4) imermik pilersuiffiit pioreersut sumiinnerisa, qanoq pissarsiviutigisinnaallutillu pitsaassuseqarnerisa kiisalu teknikkikkut qanoq ittuunerisa allaaserinerannik aamma
5) imeqarfissatut isumalluutit taaneqartut eqqaanni killigititaasussat pillugit siunnersuutinik.

§ 9. Naalakkersuisut nassuiaat iluarsaattassavaat ukioq allortarlugu.

§ 10. Nassuiaat kommunalbestyrelsimut saqqummiunneqassaaq, taannaluu pisinnaatitaavoq nassuiaatip Naalakkersuisunut oqaaseqaateqarfiginissaanut killiliussassatullu siunnersuutigineqartut pillugit allannguutissanik siunnersuuteqarnissamut.
Imm. 2. Oqaaseqaateqarnissamut allannguutissanillu siunnersuuteqarnissamut piffissarititaasoq saqqummiussinermiit sap. akunnerinik 6-inik sivisussuseqarpoq.

§ 11. Allannguutissanik siunnersuuteqarnissamut piffissarititaasoq naappat kommunimi imermik pilersuinissami imeqarfissamaatit eqqaanni killigititaasussat Naalakkersuisut aalaj angissavaat.
Imm. 2. Kommunalbestyrelsili allannguutissatut siunnersuummik saqqummiussaqarsimappat aalajangiineq pissaq kommunalbestyrelse isumaqatiginiaqqaarlugu.
Imm. 3. Killigititaasussanik aalajangiineq atortuulissaaq ullormit tamatuma koitrniunalbestyrelsimut nalunaarutigineqarfianit.

§ 12. Killigititaagallartussat Naalakkersuisut sukkulluunniit aalajangersinnaavaat, tamannali tamatuma kingorna oqaluuserineqartassaaq §§ 8-11-imi maleruagassiat malillugit.

§ 13. Killiliussanit §§ 11-12-imi aalajangerneqartunit Naalakkersuisut immikkut ittumik akuersissuteqarsinnaapput avatangiisit innarlitsaaliorneqarnissaannik inatsisartut peqqussutaanni § 31 naapertorlugu.

§ 14. Avatangiisit innarlitsaaliorneqarnissaannik inatsisartut peqqussutaanni § 33 naapertorlugu Naalakkersuisut suliani tamani kapitali una naapertorlugu aalajangiineri pisassapput nakorsaaneq isumasioqatigeqqaarlugu.

 

Kapitali 3.
Imeqarfiliornissamut akuerineqarneq.

§ 15. Imeqarfiliortoqarsinnaavoq aatsaat Naalakkersuisunit akuerineqarluni.
Imm. 2. Imeqarfiliornissamut akuerineqarnissaq allaganngorlugu Naalakkersuisunut qinnutigineqassaaq makku nalunaarlugit:
1) qinnuteqartup kinaanera,
2) imeq pissarsiarineqartoq tamarmi atorneqassanersoq imeqarfimmut kikkulluunniit imeqarfigisassaannut, aamma inuussutissarsiummik allanilluunniit immikkut ittunik siunertaqartoqarnersoq imeqarfiliassakkut tassuuna pilersorusutanik,
3) imermut qanoq annertutigisumut imeqarfiliornissamut akuerineqarnissaq kissaatigineqartoq aamma
4) imeqarfiliassamut akuersissutip qanoq sivisutigisumik atornissaa kissaatigineqartoq.

 

Kapitali 4.
Maalaaruteqarnissamut periarfissat.

§ 16. Avatangiisit innarlitsaaliorneqarnissaannik inatsisartut peqqussutaanni § 41 malillugu nalunaarut una naapertorlugu aalajangiinerit tamarmik inatsisartut peqqussutaanni kapitali 10-mi aalajangersakkat malillugit inatsisartut maalaaruteqarnermut ataatsimiititaliaannut suliassanngortinneqarsinnaapput.

 

Kapitali 5.
Nakkutilliineq.

§ 17. Avatangiisit innarlitsaaliorneqarnissaannik inatsisartut peqqussutaanni § 9 malillugu nalunaartip matuma eqqortinneqarnissaa kommunalbestyrelsip nakkutigissavaa.

 

Kapitali 6.
Pineqaatissiinermut atortuulersitsinermullu aalajangersakkat.

§ 18. § 15-imik aamma § 20, imm. 2-mik unioqqutitsisoq akiliisinneqarsinnaavoq.

§ 19. Unioqqutitsinerit aktieselskabinit imaluunniit anpartsselskabinit, piginneqatigiiffinnit (andelsselskabinit) imaluunniit assigisaannit unioqqutitsineruppata selskabi akiliisitaasinnaavoq. Unioqqutitsineq Namminersornerullutik Oqartussanit, kommunimit imaluunniit kommuninit ataatsimoortunit unioqqutitsineruppat taava Namminersornerullutik Oqartussat, kommunit imaluunniit kommunit ataatsimoortut akiliisitaasinnaapput.

§ 20. Imeqarfinnik kikkulluunniit imeqarfigisassaannik pioreersunik inuussutissarsiutinut imaluunniit siunertanut allanut immikkut ittunut pilersuisuunngitsunik § 15-imi aalajangersagaq najoqqutarinagu ingerlatsisoqaannarsinnaavoq Naalakkersuisunit akuerineqanngitsumik.
Imm. 2. Imeqarfinnik allanik pioreersunik ingerlatsisoqassanngilaq 1993-imi decembarip 31-ata kingornagut. Kisiannili imermik pilersuiffeqarnissaq, tak. § 15. imm. 2, tamanna sioqqullugu qinnutigineqarsimappat imermik pilersuiffeqartoqarsinnaavoq Naalakkersuisut aalajangiinissaasa tungaannut.

§ 21. Nalunaarut una atortuulissaaq 1. maj 1993.

Namminersornerullutik Oqartussat, ulloq 15. april 1993.

Ove Rosing Olsen

/

Torben Cordtz