Nioqqutissanik pissaqartitsineq, angallanneq, allakkanik isumaginninneq il. il. pillugit Kalaallit Nunaannut inatsit nr. 469, 6. november 1985-imeersoq naapertorlugu matumuuna tullianiittut aalajangersarneqarput:

§ 1. Inuussutissarsiorneq siunertaralugu Kalaallit Nunaannut, Kalaallit Nunaannit Kalaallit Nunaannilu usinik imaatigut assartuineq taamaallaat ingerlanneqarsinnaavoq Naalakkersuisunit akuersissut naapertorlugu.

§ 2. § 1-mi aalajangersagaq atunngilaq imaatigut assartuinermut

1) umiarsuit danskit naalagaaffiani oqartussaasunit naalagaaff iullu suliffeqarfiutaani pigineqartunit attartorneqarsimasunilluunniit inger lanneqartumut,

2) danskit amerikkarmiullu sakkutooqarf iisa Kalaallit Nunaata illersorneqarnissaa pillugu isumaqatigiissut 27. april 1951-imeersoq naapertorlugu pilersitaasimasut ingerlanneqarnissaannut pisariaqartumut,

3) Kalaallit Nunaanni atortussiassat aatsitassanit pisut il.il. pillugit inatsit nr. 335, 6. juni 1991-imeersoq naapertorlugu ingerlatsinermut atatillugu inger lanneqartumut.

§ 3. Kalaallit Nunaanni Naalakkersuisut nalunaarusiornikkut aalajangersinnaavaat, imaatigut assartuinerit ilaasa tamakkiisumik ilaannakuusumilluunniit peqqussummut ilaatinneqannginnissaat.

§ 4. Imaatigut assartuineq akuersissutigineqarsinnaavoq assartuinernut ataasiakkaannut, umiarsuarnut imaluunniit assartuinermi siunertanut aalajangersimasunut soorlu aamma ornitat aalajangersimasut akornanni uteqqattaarluni angalanernut.

Imm. 2. Akuersissut kisermaassisussaatitaanertut nalunaarutigineqarsinnaavoq.

§ 5. Akuersissut taamaallaat tunniunneqarsinnaavoq piffissamut aalajangersimasumut atugassarititaasussanillu sukumiinerusumik aalajangersarneqarsimasunik piumasaqaatitaqartinneqarsinnaalluni, soorlu assartuinermi akigititat akuerineqartarnissaannik, qanoq akulikitsigisumik angallassisarnissamut, sumi angerlarsimaffeqarnissamut aamma kalaallit sulisorineqartarnissaannik.

§ 6. Kinaluunniit peqqussut manna naapertorlugu imaatigut assartuinissamut akuerineqartoq, pisussaavoq Inatsisartunit ukiut tamaasa procentimik aalajangerneqartartumik, assartorneqartut nassiunneqarnerinut akiligassamut akitsuummik akiliisassalluni, Kalaallit Nunaanni sumiiffinnut allanut assartuussisarnermi aningaasartuutaasartunut matusissutissaannik.

Imm. 2. Naalakkersuisut aalajangersaasinnaapput akitsuutit akilersinniartarneri akilerneqartarnerilu pillugit kiisalu assartukkat ilaasa ingerlanneqarnerinut akitsuuteerutsitsineq akikillissaanerluunniit pillugit.

§ 7. Naalakkersuisut nalunaarusiornikkut sukumiinerusunik malittarisassiorsinnaapput

1) akuersissummik qinnuteqarnermi periaaseq paasissutissiissuteqartussaatitaanerlu pillugit

2) akuersissut tunniunneqarsimasoq naapertorlugu imaatigut assartuinerup ingerlanneqarnera pillugu.

§ 8. § 1 aamma § 6 imm. 1-mik unioqqutitsinerit akiliisitsissutaasinnaapput. Aktieselskabit, andelsselskabit assigisaasalu unioqqutitsinerinut ingerlatseqatigiiffik immini akiliisussanngortinneqarsinnaavoq.

Imm. 2. Malittarisassani, peqqussut manna naapertorlugu aalajangersarneqarsimasuni, aalajangersakkanik unioqqutitsinerit aki1iisitsissutaasinnapput.

Imm. 3. Naalakkersuisut, imaluunniit Naalakkersuisunit taamaasiornissamut piginnaatitaasut, § 6 imm. 1-imi aalajangersakkanik unioqqutitsisoq nalunaarfigisinnaavaa, suliaq eqqartuussinertaqanngitsumik aalajangiiffigineqarsinnaasoq, pineqartup unioqqutitsinini nassuerutigippagu nalunaarutigalugulu piareersimallunilu piffissap aalajangersimasup iluani, nalunaarfigineqarnermi akiliutaasussatut aalajangerneqarsimasoq akilerniarlugu.

Imm. 4. Imm. 3-imi nalunaarfiginninnermut taaneqartumut atatillugu eqqartuussisarneq pillugu inatsimmi unnerluussutip imarisaa pillugu aalajangersakkat taamatuttaaq atortinneqassapput.

§ 9. Inatsisartut peqqusutaat atulerpoq 1. januar 1993.

Imm. 2. Tamatumunnga peqatigitillugu usinik immakkut Kalaallit Nunaannut assartornermik Inatsisartut peqqussutaat nr. 8, 8. november 1985-imeersoq atorunnaarsinneqarpoq.

Imm. 3. Usinik immakkut Kalaallit Nunaannut assartornermik Inatsisartut peqqussutaat nr. 8, 8. november 1985-imeersoq naapertorlugu akuersissutit nalunaarutigineqarsimasut 1. januar 1993 atulersumik atorunnaarput.

Namminersornerullutik Oqartussat, ulloq 30. oktober 1992

Lars Emil Johansen

/

Kuupik Kleist