Kalaallit Nunaanni nunat aqqinut aalajangiisartut pillugit Inatsisartut inatsisaanni nr. 11 26. oktober 1989-imeersumi §§ 3 aamma 4 tunngavigalugit aalajangersarneqarpoq:

§ 1. Kalaallit Nunaanni nunat aqqinut aalajangiisartut suliassaraat Kalaallit Nunaanni nunat aqqi, allannerisa naalisarnerisalu atuuttunngortinnissaat ilanngullugu, aqqusernit illoqannginnersallu taaguutaat kisiisa pinnagit, katersussallugit, nalunaarsussallugit tamatumalu kingornagut atuuttunngortissallugit.
Imm. 2. Aalajangiisartut suliassaraattaaq Kalaallit Nunaanni pisortat aamma kih:kulluunniit Kalaallit Nunaanni nunat aqqi pillugit ilitsersortassallugit.
Imm. 3. Aalajangiisartut aamma suliassaraat Oqaasiliortut kiisalu suliffeqarfiit inuillu kalaallisut Kalaallit Nunaanni nunat aqqisa nalunaarsorsimaffiinik nassiussuisartut imaluunniit atissanik inassuteqartartut suleqatigissallugit.

§ 2. Nunat aqqinut siunnersuutit nutaat oqaaseqaateqarfigisassanngorlugit kommunalbestyrelsinut nassiunneqartassapput.
Imm. 2. Nunap ilaani kommunit aggornerisa avataanniittut pineqartillugit Kultureqarnermi atuartitsinermilu Pisortaqarfik oqaaseqaateqartinneqartassaaq.

§ 3. Aalajangiisartut suliassaraattaaq qinnuigineqarlutik imaluunniit namminn&q suliniuteqarlutik pisortat imaluunniit inuit ataasiakkaat ilitsersussallugit paasissutississallugillu apeqqutinut nunap aqqinut tunngassuteqartunut tunngasutigut kiisalu akissallugit suliffeqarfiit inuillu atacLSiakkaat apeqqutilliissutaat.
Imm. 2. Aalajangiisartut nunat aqqi allassimaffiliussavaat.

§ 4. Aalajangiisartut suleqatigisinnaavaat nunani allani taamatut suliaqartut.

§ 5. Atuuttunngortitsisinnaatitaaneq allanut tunniunneqarsinnaanngilaq.

§ 6. Aalajangiisartut ullormut sulinerat allattoqarfimmit Kultureqarnermi atuartitsinermilu Pisortaqarfimmi inisissimasumit ingerlanneqartassaaq.
Imm. 2. Ataatsimiititaliaq sulinini pillugu ukiumoortumik aningaasatigut missingersuussiortassaaq.

§ 7. Naalakkersuisut aalajangiisartut ataanni ataatsimiititaliorsinnaapput suliassanik immikkut ittunik naammassinnittussanik.
Imm. 2. Taamatut pilersaarusiugaallutik ataatsimiititaliat aningaasartuutissaat pisariaqartumik qinnuteqaatigineqareerlutik ilanngunneqassapput nunat aqqinik aalajangiisartut ukiumut tullermut aningaasatigut missingersuutaannut.

§ 8. Aalajangiisartut siunnersuutaat tunngavigalugit naalakkersuisut aalajangissavaat nunat aqqinik aalajangiisartut ataatsimiinnerminni malittarisassaat.

§ 9. Nunat aqqinik aalajangiisartut ukiut tamaasa sulinertik pillugu naalakkersuisunut nalunaaruteqartassapput, tassungalu ilannguttassallugit apeqquteqaatit akineqarnerannut namminnerlu saqqummiussimasaminnut paasissutissat.

§ 10. Nalunaarut atortuulerpoq 1. juni 1990-imit.

Namminersornerullutik Oqartussat, ulloq 15. maj 1990.

Jens Lyberth

/

Hugin S.Christiansen